婆媳關係今日: 0|主題: 27780

收藏本版

發帖

返回列表

跳至頁

查看: 1085 | 回覆: 7

麻煩99.. [複製鏈接]

polarpolar

複式洋房

積分: 316

1^#

發表於 11-5-31 10:27 |只看該作者 |倒序瀏覽 |打印

本帖最後由 polarpolar 於 11-6-1 00:12 編輯

我99搵左佢個朋友睇我面相,睇完佢個朋友冇係我面前講D特別野,只係話我咀紅,第時如果生BB,個BB會好聽我話..點知等我走左,佢個朋友就同我99講話我短命,話我享唔到晚年福..
我99係D好迷信既人,信到十足十..佢自己又忍唔到口,唔理我感受直接係我面前講我會好似我媽咪一樣短命..個時本來食緊飯,佢講完我即刻食唔落...佢一次踩到我2個地雷..
我最唔想人提我媽咪早走(CANCER)既事,因為我未放得低,但99偏偏一直提..一直講..我又唔迷信..99佢係咁叫我念經..拜佛..又呢又路..真係好煩..
好彩老公都SUPPORT我..叫我唔駛理99...咁我都有D安慰..

最近,我99番開既佛堂想要個MONITOR睇閉路電視..我99即刻舉手話佢自己去買..點知我99係要買42吋電視比佛堂做閉路電視LOR,我99完全唔格價...跟住係我去TOILET既期間就買左部電視啦...我番到入電器部就問我C6"我去左TOILET一陣咋WOR,咁就買左部電視?"我C6話係呀,跟著我仲講笑話下次我去"大"既話會唔會買棟樓番來????
我99同我講佢將來會用8萬去佛堂買一塊祖先牌......叫我地將來有時間去拜下...
************************************************************************

除左迷信,佢仲有好多野煩我咖..係咁煩住我C6要我C6買樓,我99話幫我地比首期,就算佢幫我地比都要我地供得起咖..佢又係都要買大屋WOR..仲係咁計住我地仲有幾多積蓄,想我地攞埋出來供樓..真係好煩..一D儲備都冇點得咖..咩都放晒係舊磚一定好既咩...就算一定升值,都要我賣得出先可以套現WOR,有D咩急事,就真係成家都PK...

仲有呀,佢周圍同佢D朋友講我未有得生,搞到佢D朋友係咁煲野比我同我C6飲..搞到我同C6幾唔好意思呀,有次補到我同我C6喉嚨痛呀,我C6同我62講叫99唔好再叫佢D朋友煲野比我地啦..點知我99幾大反應話佢冇叫人煲..係人地自己要煲WOR,我62頂多一句話99真係有叫,我99就講唔好屈佢,仲要講到佢好似周圍唱我地冇得生咁WOR,我心諗99你唔講..人地又會知我地未有得生...

唉..仲有我99呢排睇過少林功夫,就話識人唔駛錢就可以學WOR,叫我第時生完BB就掉個BB去學下少林功夫仲要學埋個D孔子"三字經",仲係咁講我自己教一定教唔掂咁話..我都未有得生就比佢講講講...如果真係生就一定比佢煩死..
佢而家煩我,我都可以唔理佢當佢冇到,第時佢煩我個B,我一定不會坐視不理...

呻完啦..舒服好多..