我婚後與老公, 再加佢個細佬被迫一齊居住, 在以下既內容, 我會稱他為"無賴"。
我地一齊住之後, 經常發生「相見好, 同住難」既事情, 終日嘈黎嘈去, 始終兩個家庭既人住埋一齊, 點會無問題呢？呢個道理我又點會唔明！無奈我地又無能力搬開住, 而我地既關係由口角開始, 發生至動武, 中間曾經都有一個教會既前導師試過介入處理, 因個位導師都認識我老公一家及我本人。但佢既好意, 只係提供左幾次既面談服務, 對我來說, 我覺得係豪無幫助。
個無賴依然係, 繼續帶唔同既女仔返黎屋企過夜, 食煙, 唔洗碗, 唔倒垃圾及未經我同意下, 拎我既野黎用。
其實重點係, 係我結婚前, 根本就無唸過要同個無賴一齊住, 因為, 由我同老公拍拖到結婚前一個月, 佢都係係出面同個女朋友一齊住的, 點知就係我地結婚前一個月, 佢就同個前女友分手, 突然搬晒D野返黎屋企, 當初我地都以為佢可能只係暫放物件 or 暫住一排, 完全無諗過會係長住。
好啦, 之後到我有左, 情緒就更加失控, 多次喊到收唔到聲及想過自殺及唔要個BB, 直至BB出左世, 個無賴仍然無打算過要搬走, 仲要繼續有以上所講既每一樣行為, 再加上係我坐月期間, 老公因為要返工又不在家, 佢就更加唔尊重我, 試過有一次, 仲同我個陪月EE爭廚房用, 你話佢呢D行為係無心, 我就打死都唔信架啦, 到亞b越來越大(6個月時), 我已經無辦法再容忍, 有一次又發生激烈既口角, 之後個無賴叫我以後, 唔好再用佢地XX家既野, 係混亂當中, 又唔覺意動手打左我老公, 後來我為免老公難做, 就唯有一家搬返去我媽媽到暫住避開個無賴, 直至到而家。
但期間, 我老公仍然係有幫個無賴交屋企既租金, 水, 電, 煤各樣既費用, 而個無賴每月就只係比得一千元, 給我老公作家用。其實, 至從佢地個媽媽過身後, 所有野已經轉晒用我老公個名做登記, 我老公又驚個無賴真係會唔比錢交費, 於事所有野都唯有繼續自己交返, 因佢怕萬一個無賴, 甚麼也沒錢交時, D野會CUT晒及再開返既手續會好麻煩。
到而家我地搬返外家都差不多一年了, 當我再問老公個無賴有甚麼打算時, 佢既回應竟然係話比我聽, 個無賴而家無錢, 又超出左申請公屋既入息上張, 無晒佢辦法喎, 仲話如果我地而家要搬返佢住, 其實係隨時都可以&無問題的。我真係覺得好好笑, 援返去但唔比你用屋企D野, 咁搬返去做乜。同埋, 如果我地到時比佢斬死左, 佢話一時意氣用事, 我地都無得追究架喎！佢咁無賴！
我聽完之後, 即刻好嬲我老公, 嬲佢好蠢&怕事, 個無賴話乜就乜。明明當初係個無賴講粗口鬧我在先, 佢當時都聽到, 而家可以當無事發生, 個無賴個陣時話到明, 唔比我再用佢地XX家D野, 而家我老公又話, 佢當時只係一時意氣, 又話鬧交時, 亂講說話有咩咁出奇, 講到成件事係我錯晒咁。
同時我又好嬲神, 點解次次佢都只係會幫住個無賴, 個無賴唔需要比好多錢就有一間較寬敞既屋住, 仲可以帶埋唔同既女伴返黎, 我地結左婚, 有埋BB就要搬回外家寄人籬下, 仲要我老公比錢幫佢應付屋企既開支, 我地仲要一早跟足手續, 係房署到入晒名係個間公屋到做登記, 但都唔可以係個度住, 我覺得真係好可恥&心力交瘁, 點解神要咁對我同亞B, 難道我同亞B都唔值得佢既同情&憐憫。
發表於 
返回列表
