maisy-lee 發表於 11-6-15 18:16
幾個月前接左個電話, 請我做個幾分鐘既交通開支市場調查, 我做左啦, 睇黎冇野唔對路.
大概一個月後, 做問卷果位人兄又打比我, 話同我溝通返個research result, 已經莫名其妙, 佢話呢題xx%既人認為咁咁咁, match 返阿x小姐你個答案, 果題就xx%人又乜乜物物, 都match你既選項......
因為我記得晒自己答過乜, 同呢位人兄話我答左既野, 完全有出入, 於是我起了介心, 就同佢講:你講果d通通唔係我答果d, 我唔得閒, 你唔使再同我講返個result 喇........跟住cut 線.
上個月, 條友又打黎, 我認得佢把聲, 佢話: 呀x小姐呀, 我係xx公司既譚生呀! 你最近幾好嘛? 記唔記得我呀?...我話唔得閒跟住cut線.
今日, 條友再打黎, 又係扮晒熟咁打招呼, 跟住就開始講金融d野, 又問我諗唔諗入返d金.
我問: 你地係market research 定金融公司?
佢: 我地係金融公司, research 係另一個部門既同事做既
(我明明認得由頭到尾都係呢個姓譚既)
我: 咁你之前又話自己係市場調查? 我只係諗住幫忙做份問卷, 一份就一份, 兩份就兩份, 我投資既野關你地乜事, 你同我傾乜呀?
佢: 冇, 我諗住比多個選擇你, 因為見呢排個市....
未等佢講完, 我就炳佢: 問卷就做左, 我冇其他野要你幫手,你唔使再call 架喇, 你清楚唔清楚呀?
佢仲想講, 不過我收左線.
發表於 
扼個人資料...
返回列表
