想生BB

收藏本版
發帖
返回列表
跳至頁

首頁
12

尾頁
   0
luckybaby2011


水晶宮

積分: 72641


1#
發表於 11-6-14 19:28 |只看該作者
我身體好差，之前又做過大手術，都知好難有BB。
想用西醫方法，但屋企人唔贊成，因為想我調理好身體先，唔係都驚好難成功。

睇左好多個中醫都冇用，個個都睇到唉唉聲。屋企人都煲過補品我食，但都冇咩用咁。
好唔開心，結左婚幾年，壓力一日比一日大...
每次睇完中醫都想喊，個個都話我個底好差...話我既身體機能成個老人家咁，更加唔好話生BB。

有冇身體麻麻既SIS，最後有BB。可以Share下點調理身體同俾d正能量我?

我真係好灰心....
私人傳訊

GentooMama


男爵府

積分: 5486


2#
發表於 11-6-14 22:52 |只看該作者
其實你有冇搵不育科醫生檢查清楚，中醫可以調理，但一黎問題可能係你老公，就算係你例如塞咗輸卵管就點調理都冇用喎，而且你年紀大嗎？因為高齡既話更加要快啲，否則人工方法都幫唔到。我本身有慢性病，要長期食葯，結果ivf成功了，雖然有作小產，但依家中西葯一齊安胎，有時中醫一味拖症，你先檢查清楚再諗點做啦！
私人傳訊

elmolly


男爵府

積分: 7423


3#
發表於 11-6-14 23:10 |只看該作者
我身體一向唔好, 又瘦, 連去睇中醫佢都話我身體咁差唔會有, 有都未必得. 不過我睇左中醫三個月, 睇到自己都放棄唔再睇. 成個月連中藥都無食, 點知無拉拉上個月就中左, 好surprise.
私人傳訊

shine1981


伯爵府

積分: 17080

2018復活節勳章


4#
發表於 11-6-15 00:03 |只看該作者
GentooMama 發表於 11-6-14 22:52
其實你有冇搵不育科醫生檢查清楚，中醫可以調理，但一黎問題可能係你老公，就算係你例如塞咗輸卵管就點調理 ...

我情況同你差唔多,今日開始第二次ivf打咗第一針,請問可以pm你個中醫資料我嗎?thanks!

私人傳訊

lanmami2011


複式洋房

積分: 333


5#
發表於 11-6-15 00:36 |只看該作者

回覆:elmolly 的帖子

我剛剛相返平日身體很好，但試了七個cycle都唔得，睇中醫越調越遲，轉去睇針灸，竟話我身體有好多毒素，要針灸多兩三個月先好有bb，否則生出嚟都唔會好！依家day36，仲等bingo但有強烈m feel！即使bingo又怕針灸師講中，真係好矛盾！
私人傳訊

polarpolar


複式洋房

積分: 316


6#
發表於 11-6-15 02:13 |只看該作者
我唔係話睇中醫唔好...但的而且確好多中醫都誇大病情,跟著拖症..你真係要慢慢試下邊個夾到你先KEEP住睇..要信自己既感覺..自己食完中藥,面色有冇好到,咀有冇紅到,來M仲有冇痛,唔好下下諗住中醫講既說話,放鬆個心情..

中醫講既野我都識背,你同佢講係睇生育,佢地都係講你身體好差WOR,個腎好虛,宮寒,血氣不足,你而家有左都未必留到..但到睇左幾次後食完佢D中藥,佢仲係咁講身體虛既話,即係佢D中藥都唔係好WORK啫..我心諗..


我自己雖然都仲未有,但我都放棄唔睇中醫LU,我睇佢地比我既藥單,來來去去都係個幾味,食左咁耐都M痛..反而,我出戶外做下運動,KEEP住食糙米,個咀反而紅左,面色仲好左添..

點評

umama  Agreed. 我果时隔日游水就bingo!(本身卵巢多囊)  發表於 11-6-16 01:21
私人傳訊

Kit_ming


男爵府

積分: 9408


7#
發表於 11-6-15 02:48 |只看該作者
回覆 polarpolar 的帖子

我身體好差,又落過,又小產過,都冇調理過身體,所以我依4年都BONGO唔到!!!!我上個月先開始睇中醫,我食咗佢D藥,又唔好瞓,又有番經痛,面色冇好過,咀仲青過之前!仲幾有冇暈,M黎仲有頭痛
!我都唔知仲睇唔睇佢好!!我依兩日開始每日做30MIN運動,唔知會唔會好D呢!!

點評

polarpolar  我都覺得係佢D藥唔夾你..你都係轉第二個中醫啦..  發表於 11-6-17 23:30
umama  Agreed ooking. 唔夹既中医食左仲唔舒服！  發表於 11-6-16 01:22
ooking  唔好睇佢喇,佢d藥唔夾妳  發表於 11-6-15 09:00
耐心地等待成功
私人傳訊

bigbigsnake


男爵府

積分: 5557


8#
發表於 11-6-15 09:21 |只看該作者
本帖最後由 bigbigsnake 於 11-6-15 09:23 編輯

其實有時睇E生我覺得都係人夾人...我睇個中E佢只係話我濕氣好重, 要戒凍野同魚生等...又因為我成日有頭痛同好醒訓問題, 所以順便睇埋... 一個月後, 我少左頭痛, 少左夢, 好訓左, 當然又肥左, M 又少好多血塊....

佢已話我好左好多, 濕太重要慢慢,好唔食凍野就OK. 至於生小朋友, 有時真係隨緣, 想急到唔都到我,....你個EC 攪唔掂你, 就轉另一個啦..仲有EC話煲的係好過藥粉.佢地有代煲, 一煲就一星期....

PS...我未生過...
私人傳訊

周c奶


大宅

積分: 2668


9#
發表於 11-6-15 09:42 |只看該作者
本帖最後由 周c奶 於 11-6-18 08:24 編輯

我個case係咁…
我兩年前小產過，之後都有睇中醫及西醫。西醫就去做檢查，check過一切正常後，就睇中醫。我總共轉過幾個中醫，佢地都話我唔夠氣，血行得唔好，好難會有，就算有都未必保得住。之後…有個中醫叫我唔駛去睇佢，佢教我自己登阿膠飲。都飲左一段時間之後，我再去睇西醫，confirm多次自己一切ready，就食西醫開的排印藥。跟住就有好消息了~~

你都要加油啊~~bb等緊你~~



(我會一次過買一盒，依家大約賣九百蚊。可以食到二十次左右。亦可以去d大間既藥材舖，佢地有散裝買。我會用薑登佢，中醫話呢個方法最有效，如果怕薑味就可轉honey。)

點評

Kit_ming  你買阿膠幾錢?幾耐食一次?  發表於 11-6-18 03:23
私人傳訊

mapp2009


子爵府

積分: 13784


10#
發表於 11-6-15 10:40 |只看該作者
樓主唔好灰心, 你未遇到一個好的醫師啫, 我05-06年做咗3次全身麻醉手術, 當時唔識揾中醫調理, 大熱天時冇汗流, 夏天唔駛開冷氣仲可以攬住棉被瞓.................

你可以做運動??游水??初初開始, 唔好急, 游20分鐘就算, 就算游30秒停30秒都唔緊要, 逐漸你feel good, 先慢慢游耐d, 25mins.....30mins....到涼d, 就去行山, 我最初行頭10min, 已喘氣+腳軟!!!

早睡早起, 你有冇返夜班?? 冇的話, 迫自己11pm前返上床瞓, 11pm-1am係肝排毒的key timing

唔駛點補身, 反而該戒凍飲/生冷嘢!!

之前有個吸毒女人, 在公寓順產生咗個女, 跟着"塞"入旅行袋..........你身體更差, 也差不過她!!!

醫生係幫人, 底子好就唔駛睇佢喇, 冇料搞好你咪認lor, 仲乜要咁講嘢, 冇品!!

先用半年時間調理好身子, 之後才打算下一步.

有bb係一種缘份, 冇得勉强, 但想要的, 起碼要做好自己, 等中咗都陀稳d.

點評

tAMtambi  比個 like 你!!  發表於 11-6-15 18:19
patpat422  講得好呀~~~  發表於 11-6-15 15:26
私人傳訊

pongchuchu


大宅

積分: 1189


11#
發表於 11-6-15 13:00 |只看該作者
回覆 bigbigsnake 的帖子

bigbigsnake, 請問你可唔可以pm你個中醫d資料比我呀, 我都想調理吓身體先開始, 唔該哂你!!!
私人傳訊

luckybaby2011


水晶宮

積分: 72641


12#
發表於 11-6-15 14:27 |只看該作者
回覆 mapp2009 的帖子

多謝你地。
我都知有冇BB係天既安排。自知底子不好，飲食同作息已經好健康。見到D生活習慣咁差既人都咁易有BB真係好灰。好似做咩都冇用咁...

我都係大熱天時都唔會出汗同好怕涷，又瘦。當日結婚已經俾人話點生仔.......

想問下你地睇中醫調理身體，係咪日日睇同日日飲藥？睇幾耐先見到D分別？
我睇果話最好日日睇，個個星期做針炙同耳貼，感覺好貴但又冇實質大分別.....
私人傳訊

mapp2009


子爵府

積分: 13784


13#
發表於 11-6-15 15:12 |只看該作者
咪咁灰, 我夠調理好喇, 咪等咗2年, 都未bingo, 唔好灰, 一齊加油!!!

我中醫吩咐保健藥...一周最多2劑, 因始终都係藥.

邊有可能要日日睇, 就算夾啱EC, 都要俾時間身體調節.

前年我做針炙, 1周1次, lasted for 1年, 身子確實很不同!!!

揾中醫調理, 夾啱EC都要3個月或以上, 因人而異

你幾高??幾重?? 太重太輕對身体都唔好, 試下check 自己的BMI, 咪理人点講, 瘦又話瘦, 肥又問係咪有咗; 拍拖未?? 结婚未?? 生仔未?? 生多個未??? 周圍都有人鍾意八卦别人, 要理佢地??? no way!!

http://www.qualigenics.com/hk/index.php?page=bmi

做運動啦!!!
私人傳訊

patpat422


大宅

積分: 1915


14#
發表於 11-6-15 16:18 |只看該作者
唔好咁灰啦! 我 01年 就開始有甲狀腺問題, 反反覆覆, 好過一輪又復發, 直到 07年因為工作壓力太大而去到好嚴重嘅階段, 暈過幾次, 心跳幾乎去到 150, 之後就立即入院, 醫生起初話可能會有心臟衰竭的情況, 我好驚, 我心諗我仲未生仔wor, 後來做完 ultrasound 之後好彩冇事, 但個心係好弱, 因為之前跳得太快同太亂了斤
因為甲狀腺已經去到好嚴重, 所以一定要接受放射性碘治療, 但成功治療之後 醫生話要等最少半先可以生bb, 都冇法啦, 唯有照做. 但好景不常, 治療之後 + 上9個月的觀察期, 發現治療未如理想, 要再做多一次放射性治療, 最終搞到差不多 2010年才可以懷孕.

我同 c6 雖然心情 ready 好懷孕, 但未有考慮其他, 點知第3 個月就 bingo左, 我好感恩, 心諗終於有機會俾我有 bb喇~~ 但因為我同c6 好多嘢都唔識同唔知, 雖然之後已經有買d 懷孕書睇, 但 bb 在7weeks 時已經沒有了心跳. 我們傷心得很, 我直到最近兩個月才好一點.

上年11月做完刮宮手術後就找中醫調理身體, 我的體質真的是很差很差, 因為我接受了兩次碘治療, 從原本"甲狀腺素過高"變成治療後的"甲狀腺素高低", 這樣大的對比, 身體必須經過一段時間的調節, 但我之前沒有想到這點.

經過這 7個多月的中醫調理, 看到體溫表是每一個月都有進步的, 我是每一天都飲兩次中藥, 因為藥粉是每天要飲兩次的, 在排卵期 , ec會開調排卵的中藥給我, 當然會加埋我當時的身體狀況, 例如瞓得唔好, 或者夠唔夠氣.....etc 當高溫期, 佢就會 focus 幫我調黃體~~

我3 個 月前再 ready 試喇, 最衰自己太緊張, d hormone 今個月開始亂d, ec 話叫我放心, 因為我而家體質好番好多, 而又一定有排卵, 佢叫我以後升左高溫先番去補黃體就ok, 但我每星期都會見佢一次, 好似已經習慣左咁.

總結: 我對自己再度懷孕是會充滿希望的, 亦都深信天父會在適當的時候賜給我健康的 bb,
所以我首先要裝備好自己才能迎接新生命的降臨.

因此妳千萬不要灰心啊, 找個好的夾的 ec 調理好身體, 要有恆心有耐性, 調理身體最少要 3 個月
才看見成效, 不要忘記要放鬆心情及多做運動. 要坐言起行, 不要再坐著怨天怨地怨自己,
光陰似箭, 要找緊懷孕最好的時機, 我雖然有點遲(已經好高齡) 還沒有放棄呢, 妳都一定得,
祝福妳啊!

點評

tAMtambi  你好堅強呀!!  加油!!  祝早孕~  發表於 11-6-15 18:23
mapp2009  加油!!皇天不負有心人!你更要放鬆心情,甲狀腺好受情绪影響!!  發表於 11-6-15 16:34
私人傳訊

superbaby1108


大宅

積分: 4076


15#
發表於 11-6-15 17:44 |只看該作者

回覆:patpat422 的帖子

我也有甲狀線問題，請問你是看那個ec?煩請可以告訴我嗎？謝！

點評

patpat422  我的甲狀腺不是 ec 睇番好的, ec只是把我差的身體調番好而已~~  發表於 11-6-15 21:25
私人傳訊

yaya_pig


大宅

積分: 3762


16#
發表於 11-6-15 18:48 |只看該作者

回覆:有冇身體麻麻既SIS，最後有BB。可以Share下點調理同俾d正能量

身體好差架，不過已經好努力改善！正能量從心發出，e+分d俾你啦，樓主！
雖然未有bb，但都要為自己活着努力改善體質，由細到大都好討厭流汗做運動，現在也要堅持！中醫講氣，做運動就係提氣！我做運動兩個月好過食兩個月中藥！脈絡強咗好多，一下一下彈出嚟咁。
中藥…曬氣，食咁多藥都冇改善重同我講我有咗都唔穩，死開啦，扮出名中醫！哈！
私人傳訊

BryanKittyBB


別墅

積分: 568


17#
發表於 11-6-16 00:11 |只看該作者

回覆:patpat422 的帖子

你好呀，我去年也飲過碘，你可以pm你的ec給我嗎？謝謝。
私人傳訊

hihisasa


伯爵府

積分: 15568


18#
發表於 11-6-17 17:45 |只看該作者
回覆 luckybaby2011 的帖子

千奇唔好灰心, 改變返個體質一定可以的.

我個Case係咁. 同C6用左1年時間都未有, 當時差不多到高齡, 係私家照過無野, 只係子宮少少後屈, 所以立即排定瑪麗, 因為唔排就咩機會都無.
跟住就開始睇中醫調理, 我個胃唔好, 但係醫師就不停開補藥我食, 點知食左成左年半都唔成功. 仲以為佢出名, 點知唔識用藥.
係巧合下轉了另一個醫師, 一把脈就講, 食咁多補藥都無用, 個胃唔好, 吸收唔到, 浪費哂. 好感恩, 睇左佢3個月就有左, 但我的身體未係最好狀態, 作小產, 所以要安胎到4個月我才停止食中藥.
所以中醫師就要人夾人, 之前用左好多錢好多時間就得個吉. 放工成日掛住去睇中醫, 又唔去做運動, 身體好難好的. 所以運動好重要. 一定要係晚上11前瞓, 因為11-零晨1時係每天清洗膽經, 零神1時至3時係清洗肝經. 比心機呀! BB會黎找您的.
私人傳訊

SiuFaiMamiTobe


大宅

積分: 1165


19#
發表於 11-6-17 19:01 |只看該作者
Hope the below can help you.

http://www.baby-kingdom.com/foru ... ead&tid=3895232
私人傳訊

luckybaby2011


水晶宮

積分: 72641


20#
發表於 11-6-20 11:58 |只看該作者
好多謝你地。我會比心機調理好身體先。
我唔細架啦，３０＋，我之前仲身體又生過瘤。其實都唔知要唔要小朋友好，怕佢身體同我一樣咁差，但真係好鍾意小朋友架。

有時見好多人好易有完一個又一個，又落過仔都咁易生到，好＂欺虛＂。

醫師見親我都話好頭痛，佢話我補又唔補得，涼又受唔到，都唔知開咩藥俾我。
要搵過好藥師都好難。

有時最痛苦仲要係黎自屋企人，特別係男家父母，因為係我身體唔好先未有ＢＢ，真係超大壓力。老公把口冇咩，但我都知佢好想有，所以我真係好內疚。

你地會做咩運動？我連跑步到想暈同腹痛。。。。
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy