大仔大女媽媽會 今日: 0 | 主題: 177860

積分: 3114

1^#

發表於 12-3-29 12:44 |只看該作者 |倒序瀏覽 |打印

尋日我細仔剛好18個月大去健康院, 姑娘問佢識講咩? 我話阿仔主要講英文, 一兩個音節既單字識好多, 三個音以上都識d, 短句識幾句,識唱好多歌仔咁.

姑娘話佢平時有要求會點講? 我話阿仔平時好少要求, 最多係想人抱, 講 "hug, hug”. 另外, 想開門會講 “open” “open the door”. 佢平時好鍾意睇書, 佢會自己攞, 有時會講“book” “I want book”. 見到milk, 唔會自己講要 milk, 你問佢 "what is it?" 佢會話 "milk".

仔仔會自己叫人, 屋企人成日都叫, 出街就一時時, 有時會自己叫ee, 叔叔, 公公, etc. 佢對number最敏感, 一見number會自己講, 有時d colour都係自己講無人問, 見到tree會講tree等. 但係仔仔講既大部份野, 係你問佢what is it? What is the colour? Which one is big? What is your name? 佢會識答.

講講下姑娘就話 "咁佢只係記性好強, 仲係未識溝通!” 之後就問我有無脾氣唔好, 我地可唔可以control佢, 同人有係眼神接觸, 我話好正常呀. 最後姑娘話2歲要返去跟進. 佢話有d小朋友某d野好叻,如記性好, 但某d野會差過正常, 如社交, 溝通. 叫我同個仔多d互動溝通, 唔好俾佢睇咁多書.

請問你地小朋友識點溝通?

0 0 0

私人傳訊

kittytyl

積分: 3576

2^#

發表於 12-3-29 13:21 |只看該作者

回覆：18個月大點溝通?

你個仔咁叻嘅！你平時點教佢？

咁叻都要跟進？

我果個乜都未識

私人傳訊

Fongyee

複式洋房

積分: 317

3^#

發表於 12-3-29 14:25 |只看該作者

本帖最後由 Fongyee 於 12-3-29 14:36 編輯

我亞b無你仔仔識咁多嘢，其實你仔仔真係好叻。亞b識講唔係好多字咋！
我哋除咗同佢睇書外，好多時都同佢玩，好似會玩舉手遊戲，會問佢邊個係BB，佢會舉手大叫"到"，上次去健康院爸爸在姑娘面前同亞b玩，姑娘都好滿意。我唔會攞住支milk問佢係什麼，我會開奶前問佢，Do you want milk? if you want milk tell 姐姐 "milk please".佢現在會自己話比姐姐知要milk please。有時會問佢不如一齊去Boo爸爸好唔好，如果佢點頭，我就會同佢一齊去嚇爸爸，佢每次都好開心架。我哋唔會樣樣嘢都主動比佢，要佢自己要求，佢唔識講我就要佢帶我去，指比我睇，跟住我會問佢係唔係要xx？慢慢佢就開始學到用有限的字 +身體語言同我哋溝通。
多啲同佢玩及互動，佢會溝通得好啲架。

私人傳訊

ewy_chu

積分: 1612

4^#

發表於 12-3-29 14:41 |只看該作者

我阿女 "呀" 字走天涯...乜都係用手指指然後就 "呀"...佢個阿媽(即係我)..就會好了解佢想要乜囉...

其實佢識講嘅野就好少..e.g. 媽咪咪,爸爸(要大大聲),花花,波波,婆婆..係同一個嘴型嘅字..

不過唔好恰佢唔識講...其實佢地咁細個bb係識得聽好多野同指令架..

e.g. 比張大毛布佢..話要沖涼..佢就識拎去房間,準備"莫"光豬...
叫佢close the gate...佢又識去閂..然後拍手,掌聲鼓勵自己...
同佢講去街街..會去自己拎鞋仔...

點評

cycream

發表於 12-3-29 16:37

私人傳訊

積分: 3114

5^#

發表於 12-3-29 16:33 |只看該作者

Fongyee 發表於 12-3-29 14:25
我亞b無你仔仔識咁多嘢，其實你仔仔真係好叻。亞b識講唔係好多字咋！
我哋除咗同佢睇書外，好多時都同佢玩 ...

多謝你. 我明白你意思啦! 其實我都有問佢 "do you want xx?" 佢會答 "yes". 除咗"book", 佢會講 "i want book", 我諗係因為有一次我係教佢講 "i want book", 所以book佢就識講 "i want book". 其餘野, 都係答 "yes". 咁我明我應該點教佢啦!

私人傳訊

積分: 3114

6^#

發表於 12-3-29 16:58 |只看該作者

kittytyl 發表於 12-3-29 13:21
你個仔咁叻嘅！你平時點教佢？

咁叻都要跟進？

其實我同老公都要返工, 平時工人湊, 好少時間俾2個仔. 俾呢個細仔時間仲要係少過大仔, 我都教唔到佢d咩.

佢有上playgroup, 都係姐姐帶佢去, 姐姐好有心機, 教完d野會返黎同佢重溫. 佢好鍾意睇書, 一起身就會攞書睇, 無人叫佢都會攞書睇, 教幾次佢就識講. 佢每日都睇下vcd同聽cd, cd係故事或者係音樂. 佢識唱好多歌, d歌唔係一句一句教, 只係有時同會一齊唱, 咁佢就識唱.

都係一般教小朋友咁教, 我無用咩flash card果d特別教法, 亦無迫佢睇書睇vcd, 佢唔鍾意走開就由佢.

私人傳訊

doraemonfifi

積分: 27716

7^#

發表於 12-3-29 23:16 |只看該作者

回覆：18個月大點溝通?

你地啲小朋友個個都好叻呀，識得講咁多野，我嗰個剩係識發"ma"音，兩星期前先識叫爸爸，不過BB就聽得明我地叫佢做乜，或者想叫我地做乜（但只係手指指兼呀呀聲）囉

私人傳訊

doraemonfifi

積分: 27716

8^#

發表於 12-3-29 23:17 |只看該作者

回覆：18個月大點溝通?

私人傳訊

doraemonfifi

積分: 27716

9^#

發表於 12-3-29 23:18 |只看該作者

回覆：18個月大點溝通?

私人傳訊

garfieldwat2003

洋房

積分: 92

10^#

發表於 12-3-30 11:42 |只看該作者

你地d bb都好叻呀, 我個b 到而家一個字都未識講, 不過健康院姑娘話係正常, 叫我2歲再返去睇, 我已經不斷同佢講野, 唯有希望大d會開始講啦

點評

cycream 小朋友一係唔講, 一講就好快識同講好多, 加油! 發表於 12-4-2 10:55

私人傳訊

suiyiu922

男爵府

積分: 6645

11^#

發表於 12-3-30 12:04 |只看該作者

健康院要既係bb主動講...唔係媽媽引導佢講...

私人傳訊

Phoebe_snufkin

積分: 25021

hashtag影視迷勳章 BK Milk勳章

12^#

發表於 12-3-30 16:15 |只看該作者

我囡囡最叻叫"爹爹", 喊個陣先識叫"媽媽", 好多bb話, 未聽明佢講咩, 佢去完街返到屋企, 幫佢少少, 然後佢自己可以除鞋, 除襪放好, 褸除一隻袖, 佢自己攪掂埋, 我都有d擔心佢好似講得唔係好多字咁

私人傳訊

mimichong

珍珠宮

積分: 34693

2024年龍年勳章畀面勳章環保接龍勳章 wyeth冷知識勳章叻叻勳章

13^#

發表於 12-3-30 16:39 |只看該作者

妳仔已經好叻...
咁都唔叫識溝通..只係記性好強...

mouth:
見妳個姑娘要求咁高架

我個件隨隨便便...就打發我走

前面是絕路~希望在轉角

私人傳訊

Fongyee

複式洋房

積分: 317

14^#

發表於 12-3-30 22:26 |只看該作者

本帖最後由 Fongyee 於 12-3-30 22:27 編輯

回覆 cycream 的帖子

我見好多報告都話電視/vcd係單向的，如果bb對住電視講嘢，電視/vcd係唔會有回應架，所以睇電視/vcd某程度上來講係會影響bb的溝通能力的，所以我自己係唔係太讚成bb多睇電視的，我亞b一星期就睇唔到15分鐘電視，vcd就從未睇過。

點評

cycream 多謝提醒

發表於 12-4-2 10:57

私人傳訊

我愛Corina

瑪瑙宮

積分: 137905

2025勳章 2025勳章蛇年勳章 2024年龍年勳章好媽媽勳章醒目開學勳章環保接龍勳章

15^#

發表於 12-4-2 06:26 |只看該作者

18個月大點溝通?

健康院姑娘想點溝通？
我仔識講好多單字，亦都會表自己想要乜，但數字、顏色仲未得。
我覺得每個小朋友發展都唔同，18個月仲係好細。

私人傳訊