吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 兩公婆成日因為奶奶嘈

夫婦情感今日: 1|主題: 42777

收藏本版

發帖

返回列表

跳至頁

查看: 12126 | 回覆: 103

兩公婆成日因為奶奶嘈 [複製鏈接]

12 3 4 5...6

iriswy

子爵府

積分: 11284

1^#

發表於 05-7-28 17:14 |只看該作者

兩公婆成日因為奶奶嘈

同老公結左婚都4年, 每次嘈交都係話我對奶奶好冷淡, 係呀, 我真係唔like 佢, 原因有太多太多, e.g. 我生完bb 佢黎我到幫手6日, 問我拎車$, 坐月咁耐, 都無"鄧"過一樣野俾我, 但之前我話請陪月, 佢又話佢要黎, 叫我唔好請, 仲之我真係好唔鍾意佢, 咁依家我連叫佢都唔想, 老公成日覺得我連戲都唔肯做好過份, 次次去完佢阿媽度都嘈, 我真係好煩, 我已經話左好多次我唔想去, 點解仲要迫我

私人傳訊

ac321

侯爵府

積分: 24705

好媽媽勳章

2^#

發表於 05-7-28 17:49 |只看該作者

Re: 兩公婆成日因為奶奶嘈

iriswy
睇開D啦！吾使同99住，已經好幸福啦。
做乜要比佢黎姐？自古以來，99都係靠吾住嫁！

私人傳訊

yammyma

大宅

積分: 4605

3^#

發表於 05-7-28 17:56 |只看該作者

Re: 兩公婆成日因為奶奶嘈

我覺得就算你幾唔鍾意你奶奶都好,咪俾面老公做戲做全套,又唔係要你成日見.你諗下如果老公咁對你阿媽,你都會同佢嘈,係咪 ?

[img align=left]http://www.dchome.net/emote/icon/548.gif[/img]

私人傳訊

babyying

大宅

積分: 2270

2024年龍年勳章畀面勳章環保接龍勳章

4^#

發表於 05-7-28 18:01 |只看該作者

Re: 兩公婆成日因為奶奶嘈

算啦，凡事看開一點，自己都開心啲．
其實做老公既都好慘，夾心人，手掌係肉，手背又係肉，老公始終想婆媳關係好啲，大家融洽啲，話晒都係一家人，有時做吓戲令到老公好過啲，如果掉翻轉頭諗，老公唔鍾意自己家人，自己都會難過．

私人傳訊

calcal

男爵府

積分: 6227

5^#

發表於 05-7-28 18:21 |只看該作者

Re: 兩公婆成日因為奶奶嘈

剛結婚後，老公都要求過我將佢俾奶奶o既家用，經我手俾奶奶喎(咁做法係老爺向老公要求o既)，忽忽o地o既，做埋d門面功夫，我好決絕咁話唔制！仲同老公講：你咪試下經我手囉，你俾我我就袋埋，到時你老豆唔好係度瓜瓜嘈話無家用(老爺奶奶經濟能力好好，其實唔需要老公俾家用)

私人傳訊

noproblem

洋房

積分: 209

6^#

發表於 05-7-28 18:59 |只看該作者

Re: 兩公婆成日因為奶奶嘈

iriswy,

我老公以前都會要我做門面工夫, 但當佢想清楚99是衰人時便沒有再叫我咁做, 所以俾D時間你老公看清楚99的真面目吧

私人傳訊

claudiamother

大宅

積分: 4051

7^#

發表於 05-7-28 19:19 |只看該作者

Re: 兩公婆成日因為奶奶嘈

每次要同佢屋企人食飯前，我老公都會叫我歡容d，佢話叫我做戲都做好d，我話我唔識做戲喎，咁我咪唔去囉，激到佢死，不過講就係咁講，都要比番d面佢，但每次食完飯我都會問佢

[img align=left]http://img.mms.sohu.com/mms/1420/81/14881/p1.gif[/img]

私人傳訊

BB2WONG

大宅

積分: 2837

8^#

發表於 05-7-28 21:05 |只看該作者

Re: 兩公婆成日因為奶奶嘈

我結婚已十年，由我和老公註冊當天，我奶奶在我阿媽面前話我唔識做，結婚事什麼都無使佢理，註冊完兩家人吃飯佢在酒樓樓下哭，我老公說要我下去請她去來吃飯！sorry！我死都唔去，說不如明天唔好結婚，我老公就話咁由佢得，我老爺叫其他人帶奶奶回家！由那天開始我已唔like我奶奶，不過我阿媽日日都叫我唔好頂奶奶咀，要就奶奶才是她新抱。因為我奶奶唔like我時，會打去找我阿媽數我的不是，弄到我阿媽一邊聽一邊話自己唔識教女，屈在房中哭。我d家姐見到話番我知，我問阿媽佢都唔認。我大肚時奶奶天天都煲燕窩由九龍灣拿到我荃灣屋企比我食，我2次坐月一口都無食過燕窩，連豬潤水都無飲過，本來我想bb給我阿媽帶，她即該打去我阿媽說自己內孫當然自己帶，無理由給外姓人帶，我阿媽即該唔肯幫我帶。在我媽家坐月，出院第一天我奶奶來看bb，帶500元及一隻花膠給我阿媽，叫我媽幫我坐月說已好足夠，我阿媽即時眼濕濕說多謝。之後我媽媽一天煮七餐我吃，隔天吃鹿茸、當歸、燕窩，天天都吃一隻雞。我阿媽就身體健康是我自己，一定要補好，將來有病她又不在時無人可憐我。所以我老公叫隔個sun我回去吃飯我會，叫我晚晚打去跟她聊我就做唔出，我老公知我唔like，但是他是48孝，什麼都是奶奶對，錯了都唔會出聲，什至奶奶比痰罐個仔玩都話無問題，已洗淨。我現在好醒，唔會係老公面上跟奶奶硬碰，費事次次2個一起說我不對。我叫我阿仔在玩痰罐，馬上問奶奶，她說已洗淨才比他玩，我扮可愛問她如果用痰罐洗淨煲粥比她食唔食，她馬止掉左個痰罐，又沒有話番比我老公知我頂她，幾成功。

私人傳訊

Kee

大宅

積分: 2061

9^#

發表於 05-7-28 22:14 |只看該作者

Re: 兩公婆成日因為奶奶嘈

記得以前係babykingdom有人提過, " 唔怕老公包二奶, 最怕那個係奶奶" 嘩! 簡直拍案叫絕.

面對一個唔like的99都算是幸運, 我要應酬唔like的99, 老爺, 仲有個位姑仔, 三人都係極品, 不過我地係外人, 始終不能同人平起平坐, 我會提自己, 人地無當我係自己人, 大家錦話, 所以都無以前不開心, 看開了

私人傳訊

Ka__Ying

男爵府

積分: 7163

10^#

發表於 05-7-28 23:43 |只看該作者

Re: 兩公婆成日因為奶奶嘈

Kee 寫道:
記得以前係babykingdom有人提過, " 唔怕老公包二奶, 最怕那個係奶奶" 嘩! 簡直拍案叫絕.
面對一個唔like的99都算是幸運, 我要應酬唔like的99, 老爺, 仲有個位姑仔, 三人都係極品, 不過我地係外人, 始終不能同人平起平坐, 我會提自己, 人地無當我係自己人, 大家錦話, 所以都無以前不開心, 看開了

Kee, I agree with you 100%.

極品99, 極品老爺 & 個位極品姑仔, 三人都無當我係自己人!!!!

私人傳訊

onon1022

子爵府

積分: 12600

好媽媽勳章

11^#

發表於 05-7-28 23:57 |只看該作者

Re: 兩公婆成日因為奶奶嘈

其實我覺得...唔鍾意奶奶係另一回事...我都唔鍾意我奶奶...但係我同我老公一齊...我唔會同佢嘈...亦都唔會主動同佢講野...佢同我講野我先同佢講...我覺得...同佢嘈...一陣老公實幫佢阿媽...掉轉頭係咁多人面前話番我...或者兩夫妻為左佢嗌交我就覺得唔抵...我會照做戲...俾面老公...如果兩夫妻...日日為左奶奶一個...傷害感情...幾唔著數...你另原做戲...夫妻開開心心...定係日日為左奶奶係到嘈...遲早一日攪離婚呀...呢d野...自己諗清楚好d...

[url=http://lilypie.com][img]

私人傳訊

maggiechow

大宅

積分: 2616

12^#

發表於 05-7-30 08:56 |只看該作者

Re: 兩公婆成日因為奶奶嘈

我都成日因99的事同老公嘈，嘈到差要不多離婚，又來兩公婆協議唔再提99的事，感情才好些。

仔仔06-12-2003出世

私人傳訊

angelmak

大宅

積分: 2974

13^#

發表於 05-7-30 09:21 |只看該作者

Re: 兩公婆成日因為奶奶嘈

maggiechow 寫道:
我都成日因99的事同老公嘈，嘈到差要不多離婚，又來兩公婆協議唔再提99的事，感情才好些。

我都係呀~ 宜家我搬咗出嚟住就好好多啦! 冇同老公嘈咁多!
不過我都尊重佢老人家嘅, 見到佢就算係好唔開心我會"笑"~
其實我99對我都幾好o家! 我又唔係唔妥佢, 只係睇唔過眼個
老公咁28孝, 99錯咗都唔準我出聲! well, 不過我都係照話!
如果我老公對我屋企好嘅, 咁我自然會對番99好啦! 公平啲
至得o家!

2個寶貝~雅詠&灝泯

私人傳訊

ringoivy

翡翠宮

積分: 76971

14^#

發表於 05-7-30 11:10 |只看該作者

Re: 兩公婆成日因為奶奶嘈

哎, 大家做後生既就無謂同d老人家鬥啦, 好話唔好聽佢地仲有幾多日人要做同比你去對住佢呀

記住一句說話家有一老如有一寶, 仲有幫你老公諗下 "樹欲正搖風不息, 子育養兒親不在", 好多野都唔好咁一面倒, 我亦相信有時d老人家係會野蠻左d似老賣老, 但若果你對佢地唔好你老公又點會對你d屋企人好丫, 將心比已你老公對你屋企人好點解你唔可以學似佢咁呀

我亦唔想信你對個老人家好個老人家都會對你唔好的, 大家都會比面個仔即係你老公架麻, 所以退一步海闊天空

同住既可能會較辛苦, 但不同住既咪開飯時先浦頭, 食完就拍"籮友"走人囉唔係個兩三粒鐘都做唔到戲呀, 你返到去入左廚房幫手真係幫又好假又好總之唔使留在廳裡對住奶奶咪得囉. 唔好再為奶奶影響夫妻感情了. 你要知道嗰個係佢亞媽呢一個係永遠都改變唔到既事實, 無你奶奶你又點會嫁到呢個好老公呀

咪當報恩囉

私人傳訊

anon

民房

積分: 20

15^#

發表於 05-7-30 12:30 |只看該作者

Re: 兩公婆成日因為奶奶嘈

ringoivy
閣下深明大義, 明白因果循環, 他日必享兒孫福.

私人傳訊

ringoivy

翡翠宮

積分: 76971

16^#

發表於 05-7-30 12:38 |只看該作者

Re: 兩公婆成日因為奶奶嘈

我都希望係咁, 亦相信因果所以我對兩老都好好, 而佢地亦對我好好, 所以我先夠膽講做事要將心比已, 自己唔好怕蝕抵先, 自自然有應得既回報, 若然未報時辰未到. 我都有同老爺奶奶住過一年多才搬走, 而搬走係因為有小朋友地方唔夠住姑仔又未嫁所以才搬並非因為不歡而散的

私人傳訊

Ka__Ying

男爵府

積分: 7163

17^#

發表於 05-7-30 12:43 |只看該作者

Re: 兩公婆成日因為奶奶嘈

onon1022 寫道:
...如果兩夫妻...日日為左奶奶一個...傷害感情...幾唔著數......

Agree with you! I'll still avoid her as much as i can!

私人傳訊

mymelody2003

男爵府

積分: 8646

18^#

發表於 05-7-30 12:45 |只看該作者

Re: 兩公婆成日因為奶奶嘈

完全agree, 由囝囝出世之後, argue比以前多好多, 我地巳經唔係一齊住, 又唔洗佢湊囝囝, 自己比錢請工人湊; 但每一次返去佢地度, 當佢地相劍合壁對付我時, 返到自己屋企真係差d對住老公喊, o個種被屈的感覺真係好難去形容, 我由老公結婚的第一日起巳經在老公面前表現得好積地去溶入佢地屋企, 但外人始終係外人, 囝囝出世後佢地做左好多事表現佢直頭當我透明咁, 依家忍左3年, 有時

自己都控制唔到, 試過一次同佢地argue, 老公怪我點解咁做, 叫我忍下, 但最後點oY, 咪又係有苦自己知, 依家唯有少去見佢地為妙, 唔比佢地自己帶囝囝去街, 費事煩.

[quote]由 Kee 於 2005-07-28 22:14:11

我地係外人, 始終不能同人平起平坐, 我會提自己, 人地無當我係自己人, 大家錦話, 所以都無以前不開心, 看開了

私人傳訊

ivy_lau

男爵府

積分: 5054

19^#

發表於 05-7-30 12:57 |只看該作者

Re: 兩公婆成日因為奶奶嘈

我都好唔鐘意我老爺奶奶，結婚果時明明講好左禮金係幾多，到過禮果日竟然可以出爾反爾，搞到我都唔知點面對自己父母，自己靜係識走入房喊，我簡直覺得佢地當我乞衣，後來因為呢件事同我老公嘈，我老公解釋係佢老豆出既主意，佢自己都唔知，由果時開始我勁憎我老爺。到有左bb之後，佢地好似發左癲咁對我好好，又買燕窩我食，又怕我冷親，到生左之後，佢地對我當然係打回原形啦，乜都無鄧比我食，日日只係識得抱住個孫，我覺得自己似生仔機器多過人地新抱，佢地又用以前果套對待我個女，我話佢地，佢地又話我唔尊重佢地，結果我忍左兩年幾決定自己湊返個女。