吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 老公硬叫我做全職媽媽

在職全職今日: 14|主題: 48040

收藏本版

發帖

返回列表

跳至頁

查看: 824 | 回覆: 5

[全職媽媽] 老公硬叫我做全職媽媽 [複製鏈接]

順子

大宅

積分: 1209

1^#

發表於 11-8-1 13:22 |只看該作者 |倒序瀏覽 |打印

租屋住, 有一個15個月既BB仔, 本身自己身體唔多好, 生完後腰痛未停過, 最近老公又提出想生多一個BB陪阿仔, 怕佢悶喎! 我已經同佢講以我地既經濟條件, 生多一個真係好吃力, 想買樓就天加唔駛旨意, 我老公話到時你有左就唔好做, 自己湊番阿仔囉, 又可以申請公屋了, 我當時我已即時拒絕, 因為我真係無信心可以照顧兩個細路, 仲要同時間去買餸煮飯打掃屋企, 點知我老公就發爛, 話好多人都係生兩個都係咁, 我知呢個世上有好多人都好本事的, 除左係以上原因, 我覺得自己在情緒上真係care唔到囉, 有時候辛苦都要有價值架, 成日比人下下針對做呢樣唔好個樣唔好, 你係我會點先? 老公成日講到我好歎咁, 又話我唔幫手做家務, 有時睇住個仔點做呀! 我條腰又痛, 你又會可憐我咩? 阿仔早晚係我湊的, 我返工前就要坐幾個站輕鐵推阿仔去奶奶度, 之後就行返公司, 除放假自己全日湊番外, 日日如事, 我post出黎都想各位全職媽媽比d意見, 大家認為我可以生多個當上全職媽媽嗎?

0 0 0

私人傳訊

mypineapple

公爵府

積分: 28208

2^#

發表於 11-8-1 13:42 |只看該作者

等呀仔番學先再諗第二個呀

私人傳訊

順子

大宅

積分: 1209

3^#

發表於 11-8-1 15:30 |只看該作者

呢樣野, 我奶奶半年前已經講左喇! 佢同62一齊話等我阿仔返幼稚園時, 我早上送佢返學, 順便推細B來, 之後我就返工, 收工就接阿仔放學, 之後就帶返2個細路返屋企, 因為我老公夜晚要返part time, 換言之, 我要一腳踢做哂所有野...不過最近老公見申請公屋入息額調高左, 就即刻叫我唔好做喇! 博上公屋, 點知我99一聽到後就即刻叫我快d生多個, 唉~ 荒死我會係屋企無野做咁

私人傳訊

Mimmy

珍珠宮

積分: 42291

2024年龍年勳章育兒性格勳章畀面勳章

4^#

發表於 11-8-1 15:55 |只看該作者

全職媽媽真係唔易做架, 我雖然只湊一個但都好忙好多野做, 我無用工人, 感覺真的比返工還要辛苦, 每個人價值觀唔一樣, 有人會覺得即使日日捱麵包都值得去做全職媽媽, 但睇樓主你既字裡行間應該唔係100%去想去做, 有幾樣野好值得你去慢慢諗

1. 經濟壓力, 一個人搵4個人駛(你老公想你生多個)仲要可以申請到公屋唔過額(其實我唔知實際個上限係幾多), 咁人工應該唔太多, 即使有公屋, 你地都好難有積蓄, 個人認為好危險下

2. 身體狀況, 你自己都有腰痛, 一個你都辛苦, 陀B你會仲辛苦, 生埋照顧多一個, 好難想像會有幾痛

3. 個人意願, 如果你根本唔想做全職媽媽, 全因為滿足老公想你咁你就去做, 就好似我日日要你做一份你唔想既工一樣, 你會有比死更難受既感覺

私人傳訊

順子

大宅

積分: 1209

5^#

發表於 11-8-1 16:32 |只看該作者

Mimmy, thank you your sharing. 依家我有份工, 出街見到d咩野靚野都可以買比個仔, 當然唔係話好貴名牌個d啦! 起碼阿仔行出來仲係光光鮮鮮, 將來讀書點都有個鬆動錢啦! 有陣時, 全班同學仔都去報, 就係你無錢所以無得參加, 我都明白當中既痛苦...就算我將來真係唔做野, 要睇住阿仔既功課, 起碼都只係照顧一個小朋友既開支, 生多個即係分薄左, 其實呢個道理我老公都知架, 佢仲話會cut左阿仔份基金, 唉! 為咩先...家下又唔係意外有左, 點解要咁, 我老公只係識聽佢阿媽講生生生, 好在我都識生個仔先...唉, 真係唔知點講老公先明