事原佢再一次飲到好醉，而我亦有少少醉(佢朋友生日，我陪佢應酬！)，好地地已經返到屋企，我同 d 仔女都上晒床，準備訓覺。跟住佢又開始做埋 d 白痴行為 (影響到 d 細路！)，我真係頂唔順，所以 "cum" 左佢一巴，點之之後佢好似鬼上身咁，不停係咁打我，仲一路打，一路講話忍左我好耐、想打我好耐！ "cum" 左我幾巴，鬧 ... 跟住再用拳頭打我個頭，再繼績鬧 ... 然後雙手"揀"住我條頸！我好驚 ... (一) 我比佢"禁"住黎打 (因我一隻手抱住我地八個月大既仔！)... (二) 兩個小朋友一路濠哭，佢都唔停，我真係好驚佢果刻會打埋 d 仔女 (因大女不停欄住佢，叫佢唔好再打，佢竟然將佢一手推開！) 最後，我同個女歇斯底里叫救命，仲叫個女出廳用電話報警，佢至停手！結果警察上黎，請佢離開...
好可怕，真係好可怕！雖然呢件事已經係一星期前。每當親人、朋友問起，我個心、手腳都仲係好震，最慘係，佢平時既表現實在太好，大部分人都會幫佢講好說話！叫我地有咩問題攤出黎講，平心靜氣慢慢傾！但直到今日，朋友、家人打比佢，佢都話係有悔意，但只不過後悔嚇親 d 細路，繼續堅持佢打我，係因為我"cum"佢先，佢只不過係"還拖"！咁樣試問仲有咩好傾？？！佢根本覺得自己冇錯！佢仲同我 d 屋企人講，好掛住對仔女，好想返黎睇佢地，但我唔肯，因我仲好驚！但佢仲話都唔知我驚乜？！駛唔駛咁呀？？？我已經將屋企所有佢既相都收埋，因見到佢 d 相都好驚！而家一個人出入都好怕佢會隨時出現，成日周圍望！
我真係唔知應該點？？！為左 d 仔女而當冇事發生？但我成日覺得，有一次，一定會再有第二次 (因我以前都結過一次婚，最終亦係因為前夫成日醉酒打我而離婚！)。好矛盾，唔知點算好？！ 請問有冇人比到意見我？
發表於 
今次叫得停佢, 咁下次呢? 佢錯手殺咗你咁點
就算之前發生咩事都應該以小朋友為先, 識後悔係無用
返回列表
