夫婦情感今日: 10|主題: 42709

收藏本版

發帖

返回列表

跳至頁

查看: 568 | 回覆: 1

正能量 [複製鏈接]

joetreemo

子爵府

積分: 14241

1^#

發表於 11-7-18 14:36 |只看該作者 |倒序瀏覽 |打印

覺得呢度好多負能量, 諗下又係既. 唔開心先會想同人傾, 搵人教下自己應該點做. 開心既黐住個老公得喇, 洗乜係度講.

我同老公拍左十三年拖結婚, 而家結左婚先年半多啲啲. 我地未有BB.

係好多靚師奶眼中, 我同老公都未經歷過平淡. 不過我想講, 未結婚前果十三年,

我同老公都經歷左好多野, 好似過山車咁又試過, 平淡到我唔想見到佢都試過.

到臨結婚前, 我有考慮過唔嫁比佢. 就係因為我尊重婚姻, 所以唔想因為婚事已經公之於世, 就怕瘀, 怕失禮, 怕晒錢, 硬住頭皮去進行一段注定失敗既婚姻. 但係最後我都係想嫁比佢.

因為一齊十三年喇. 之前經歷左好多離合. 好多風浪. 我結婚時候, 呢首歌就講出左我對呢段婚姻的盼望:

一擠熄華燈
一天的人生化做宇宙塵
忘掉每日曾遇上敵人
懷內感受你睡意也吸引
光陰的餘溫
迫真安全感發自你每一吻
一天過後有你抱緊
零時零分
放下戒心掃走一天氣憤

祈求每晚與你分享這人生
平平淡淡之中抱你雙手都興奮
瑰麗晚燈亦開始變暗
無用追趕工作動魄驚心
明晨有雨那怕沾濕好黃昏
回頭日落西山與你睡姿都相襯
看著你眼晴看到願望
明日假使失去你能夠吻便要吻

急促的時針
新一天人生繼續要運行
明日世上無盡過路人
明白只是你脈搏最相近
忐忑的眉心
些少的情感已劃破了黑暗
多得每夜有你倒數
零時零分
每日最初始於這一個吻

祈求每晚與你分享這人生
平平淡淡之中抱你雙手都興奮
瑰麗晚燈亦開始變暗
無用追趕工作動魄驚心
明晨有雨那怕沾濕好黃昏
回頭日落西山與你睡姿都相襯
看著你眼晴看到願望
平靜只得一剎那能夠吻便要吻

我只係希望, 每日簡簡單單生活, 返到屋企有老公陪就可以喇~ 婚前, 我有一段時間離開左我老公, 佢同我講, 雖然我唔識製造一段好刻骨的愛比你, 我只想你係我身邊, 無左你, 我咩都唔想做. ー的確, 當你知道, 屋企有個人等緊你, 你就會有動力去做好多野. 人生唔只得愛情, 與其花太多心力係愛情上, 不如穩穩定定找個伴侶, 然後係人生其他方面發掘精彩.

睇到咁多Sis的分享, 我好慶幸我老公都唔係一個完全無情趣的人, 起碼踢一下, 會走一步.

我老公鍾意影相, 於是我又跟他學. 雖然我不是太上心, 不過佢要分享影相既野, 我都略知一二. 甚至一兩次, 我同佢去旅行, 目的都係影相.
我知佢唔會太花心思係我生日, 或者結婚記念, 我會開口叫佢送花比我.放工就有束花係屋企. 我一直都希望我老公可以煮一餐比我食, 有一次, 佢去左買餸, 然後等我放工返屋企, 指導佢煮. 雖然我一向都想我煮佢洗既, 不過一直以黎, 我都逼唔到, 唯有放棄左, 唔通兩公婆成世為左洗碗而鬧架咩!
最僵果次, 係關於家用既, 我老公覺得我有收入, 應該要承擔一下個屋企, 而且出街食, 同買餸都已經係老公比錢, 鐘點又係佢比錢, 我要家用黎做咩? 我就覺得男人點都要比啲家用, 呢個問題我地斷斷續續嘈左好耐. 試過兩三日唔講野, 後來我轉左方法. 男人始終受軟唔受硬. 我唔再問佢攞, 不過間唔中有錢過我手既, 我就抽起一二百同埋啲尾數, 同佢講, "當比家用啦!!!" 咁攞法, 佢又無問題.
有時, 一啲好小既事. 就好似買完超市, 兩個人滿手都拎住野, 急步鬥快返屋企, 都可以好有樂趣了. 其實咁大個人仲覺得好玩咩? 不過鬥下咀, 兩個人相處又會開心啲.
佢都對我好既, 佢見我返新工, 唔適應, 半年內, 同我去三次旅行.

對住個老公, 我都會覺得悶既, 悶既時候, 咪同啲friend出去囉, 婚後, 我都會著靚靚同啲friend係中環或者TST飲野. 我自知係一個唔係好抵抗到誘惑的人, 試過遇到誤會左我既人, 我都立即帶個老公出黎比人見. 當遇到自己都覺得係好男人既人, 我都會刻意迴避, 當所謂既熱情冷卻左, 就唔再係咩一回事. 反而如果初初你有心玩火, 以為自己之後會控制得到, 到頭黎, 只會燒親自己, 燒散頭家.

我知道我唔係一個好夠經驗的師奶, 對於婚姻, 我諗得好簡單, 係呢度講左啲"鬼唔知阿媽係女人"既道理. 講左咁多, 希望人人都有一個美滿幸福快樂的家.