吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 跟別個有曖昧關係，亦算是婚外情嗎？

夫婦情感今日: 1|主題: 42774

收藏本版

發帖

返回列表

跳至頁

查看: 11027 | 回覆: 45

跟別個有曖昧關係，亦算是婚外情嗎？ [複製鏈接]

12 3

唔該哂

洋房

積分: 77

1^#

發表於 10-4-14 21:22 |只看該作者 |倒序瀏覽 |打印

婚外情，你會接受嗎？

我所指的婚外情，並不至於出軌到跟第二個上床，而是跟別個有曖昧關係吧。。。。

又或者問題應該是：跟別個有曖昧關係，亦算是婚外情嗎？

不知你是不是這樣想，但老實說，我總覺得，人總是喜歡多人鍾意，特別是討異性喜愛，因為這樣可以更肯定自己的價值，或者說：可証明自己仲有market。

我今年33歲，老公大我4年，有一仔（6歲）一女（2歲半），我19歲就跟佢啦！中學時代讀女校的我，老實說，真的好狠拍拖，於是一上到大專，就急不及待同一個同班男同學開始了，可惜，就是因為太急，令我被愛情沖昏了，傻得可憐的我，即使明知個男同學係利用我去激佢以前女朋友，我都覺得，我可以用我對佢既愛同埋誠意感動佢。。。。結果，我狠狠地被甩了；被甩的過程，慘不忍睹，這個所謂男朋友，相信應該是十分討厭我吧，因為佢連甩我，都覺得不值得同我face-to-face講分手，只叫另一個同班男同學開口叫我走，話佢根本唔鍾意我，但個男同學唔肯幫佢講，於是，佢唯有一直避開我，經常說要做part time，無時間陪我，好讓我知難而退。回想當年的我，就像被重擊致全身癱瘓，自信心跌到落谷底，賤過地底泥。

就在此時，我識到我老公，當時佢好錫我，好照顧我，令我覺得是上天補償給我的禮物。不過不得不提的是，他與我其實是兩個世界的人；佢只得中三畢業，一直從事藍領工作，可說是一個粗人；而我就大專畢業，一直做文職工作；當我們走在一起時，不論是家人或是朋友，都不太贊成/不睇好。其實回想返，或者是timing岩卦，當時我被人狠狠地甩了，當我覺得在這世界沒有人再愛我時，佢就出現，根本來不及認清是否夾得來就一起了。

就這樣，我和他一直無風無浪地走在一起，今年已是第14年，還有兩個化骨龍呢！漸漸地，我開始明白咩叫「七年之癢」，原來新鮮感真係好關鍵，我和他的第1個「七年」，就有阿仔來令我們進入一個新階段，新鮮感毫不缺乏，但在第2個「七年」，我們之間變得沒甚麼話題，有時更在照顧孩子方面有爭拗呢！而在這時，我怕我在「思想上」有點出軌了。。。。

在這一年，我轉了我人生第4份工，這份工特別之處係男人多，可謂超級「陽盛陰衰」。在這裡，自問樣貌普通，帶眼鏡，從不化妝、返工牛記笠記，但樣貌打扮比真實年齡年輕的我遇到一個好nice既男同事，不知是我敏感還是甚麼，總覺得他對我有好感，（我強調，一開始我已向同事表明「已婚」，而他亦喜歡叫我「靚女媽咪」，而論樣貌，我老公是靚仔d既，嘻嘻！相比之下，這個男同事樣貌老實！）而我都得承認，我是很容易鍾意人，只要他對我稍為好d，或者稍為岩傾d，我就即刻「中招」。相比之下，這位男同事的行為、舉止、修養、外型，甚至學歷，都比我而家老公更好，佢唔煙，唔酒，唔打牌，寫起英文上黎井井有條（這個是我老公超級弱項，他的中英文真係小學都不如…唉），聽起來，似乎真的跟我合襯點吧！突然間，甚至令我覺得有點『相逢恨晚』。。。。

幸運的是，我和這位男同事不是經常見面的（一個樓上，一個樓下），否則再加埋『日久生情』，就真不敢想像了！！就這樣，偶然才見一次，這種有心跳的感覺加曖昧的相處狀態，老實說，也挺好feel的，就像小時跟人拍拖前，比人追的感覺，我諗，我就是欠缺這感覺了。回想當年，其實老公並無追過我，當時年少氣盛，只為一杯啤酒，說一句甚麼：「受溝既就乾左佢……」我就和他一起了，很兒戲吧！

幸好，老公一直都很愛錫我，或許他知道我是「下嫁」他吧，而我亦很享受和他一起過的「零壓力」生活。「零壓力」的意思是我不需擔心他出去拈花惹草，亦不擔心自己生了孩子後，有了小肚腩而自覺配不起他，也不需費神打扮和他外出，以免在他朋友面前影衰佢。。。。

不好意思，要你們看這麼多字。。。。其實，我想問下大家，我係咪好衰呀？我這樣算是對老公不忠嗎？另外大膽的問句，你們有試過跟別的男人關係曖昧嗎？或者有無人試過有過類似經歷？

0 0 0

私人傳訊

premum2006

侯爵府

積分: 20748

好媽媽勳章醒目開學勳章

2^#

發表於 10-4-14 21:34 |只看該作者

其實
你嘅case真係一街都係
在我
有機會去曖昧/有人想同我曖昧/....whatever
並唔特別令得我沾沾自喜
反而
係我ignore哩D人/事...令我更尊敬自己

點評

joetreemo 係我ignore哩D人/事...令我更尊敬自己 <-- 我都好尊敬你. 發表於 11-7-16 15:46

放低自己，尊重別人
提升內蘊，不為別人為自己

私人傳訊

Nancy20090615

瑪瑙宮

積分: 137692

3^#

發表於 10-4-14 22:32 |只看該作者

玩火自焚, 傷己及人.

私人傳訊

wong_cat

男爵府

積分: 8844

畀面勳章

4^#

發表於 10-4-14 23:07 |只看該作者

個人認為愛情的角度唔應該有尊卑
你俾我感覺係, 覺得你老公襯唔起你
因為你讀書俾你老公多, 你條件好d
所以可以搵個更好, 你同老公一齊都係因為timing啱, 咁其實你愛唔愛你老公??

私人傳訊

rainbowhere

大宅

積分: 1329

5^#

發表於 10-4-14 23:36 |只看該作者

做個好媽咪, 記得教仔女好多野係
不可一, 不可再

私人傳訊

wife

子爵府

積分: 14859

6^#

發表於 10-4-15 00:30 |只看該作者

我只係想知"點解好傾D就會鍾意人,就會同人曖昧,點解D感情咁兒戲?幾多歲都好,都應該明白自己身份,咩可以/吾可以做;至於算吾算AFFAIRS.......我相信當時人應該可以判斷,大人大者,心裡有數...啦! 係同吾係吾係最重要, 最重要係....諗清楚後果...!

私人傳訊

canies

翡翠宮

積分: 97204

7^#

發表於 10-4-15 00:56 |只看該作者

幻想調劑下無妨。。總之要適可而止。。切莫越界

私人傳訊

JoanC

水晶宮

積分: 51138

8^#

發表於 10-4-15 01:10 |只看該作者

算唔算婚外情，可唔可以接受，好容易分別者，過得自己過得人，如果你發現你老對另一個女人都係咁時，你覺得 comfortable, 無問題，OK，咁咪得囉！

每人都有長短，當日你揀得佢，同佢結婚，咪代表佢係有值得你欣賞的地方。今日字裏行間卻暗示佢襯你唔起。係自已變，自己心野啫！證明自己有market，哩Ｄ我個人係最唔可以接受的解釋。咁你老公係唔係都可以因為想證明自己有market 而同另一個女人發生曖昧關係呢？

點評

kokobear Agree!! 發表於 11-7-20 15:22

私人傳訊

Alfababy

洋房

積分: 123

9^#

發表於 10-4-15 01:37 |只看該作者

有一晚，男友問女友︰「如果有個條件更好的男人追求妳，妳…會走嗎？」女友堅定地說不會，但男友似乎很不相信。於是，女友寫了以下的故事給男友︰

　從前一位小和尚問老和尚：「甚麼是愛情？」老和尚叫小和尚走向麥田，然後摘下一顆最大的麥，但絕對不能回頭，只能摘一顆。小和尚走著走著，發現一顆看起來很大的麥，但他心想前面的可能有更大，因此沒有給摘下來。他抱著這個想法一直向前走，沒想到已經走完了整個麥田，但他雙手空空如也。老和尚就跟小和尚說：「這就是愛情了。」

每個人都跟小和尚一樣，心想真的得到最好的，但沒想到時間一幌，人生已經終結。在我們人生中，總有些人比較好，條件很優厚，只是剛錯過了時間。或許會可惜，或許會悔恨，若干年後你可能會想怎麼當年瞎了眼嫁給那笨蛋？可是，如果人生不斷的追求「最完美」，便會永遠沉淪在追求當中，看著緣份一次次的溜走。

　情侶，最好的不一定合適；但能夠合適的已經是最好。
　女友說︰「你在合適的時間出現，做了合適的事，在我來說已經是無可取替的好了。」

私人傳訊

Alfababy

洋房

積分: 123

10^#

發表於 10-4-15 01:59 |只看該作者

我十九歲時也認識了丈夫，廿年的婚姻亦淡如水，他無論學歷、職業都比我高，但他卻不懂情趣，大家很少話題。我也曾渴望過有其他人追求，再次尋回戀愛感覺。

但樓主，我們已為人母，再不是十九歲的小女孩，要懂得分辨感情的真與假，有時同事間只是投緣些，做對男女之間的普通朋友，不要有太多幻想吧！

私人傳訊

carmenchiong

大宅

積分: 2985

11^#

發表於 10-4-15 04:37 |只看該作者

其實有個愛錫你既老公已經好難得，
就算搵到個高學歷過你，
佢都未必比得上你老公咁愛錫你啦，
珍惜眼前人啦！靚女媽媽。

私人傳訊

janetlam74

侯爵府

積分: 21751

12^#

發表於 10-4-15 10:12 |只看該作者

很高興看到大家對婚姻咁忠誠!!!
做了人媽媽,還是像少女般情懷似詩嗎???
不會吧!!!留返d心機教好兒女,做一個好老婆!
人地同你講多幾句/望多幾眼/笑多幾下/讚多幾句...
不是一定{喜歡你},這是正常社交!就算你feel到,都要
迴避,因你的身份已是媽媽!
如你咁容易喜歡人,咁你咪好唔得閒?
阿仔學校男老師學識好又鐘意/超市經理勤力靚仔又鐘意/
住屋對面屋主人地老公你覺得好過自己老公又鐘意????
跟住又返屋企話自己老公粗人/得中三/揾錢少.......

只要堅持相信神是愛我,為我捨己
《麥田裏的守望者》為世界貢獻了一個詞語：守望。教育不是管，也不是不管。在管與不管之間，有一個詞語叫“守望“。

私人傳訊

beebabybee

大宅

積分: 1144

13^#

發表於 10-4-15 12:03 |只看該作者

三十多歲人, 為何還像中學女生一般?
看不起自己老公, 點解仲要同佢結婚生仔?

想清楚你想要一個愛錫你的男人定係有條件的男人
能十幾年都對你咁愛護既男人已經好好
總會有人比你老公好
能影響夫婦關係的, 不應該是其他人的好...

有時覺得跟一個年輕時爛玩爛浦的人, 比一個一直乖巧從規道舉的人好
前者會鳥倦知還, 後者可能會之後先發現呢個世界仲有好多野好吸引, 覺得未玩夠