國家地區媽媽會今日: 0|主題: 20267

收藏本版

發帖

返回列表

跳至頁

查看: 691 | 回覆: 2

[美國] 帶三歲小朋友返香港會唔會好辛苦？ [複製鏈接]

baby_turtle

大宅

積分: 1090

1^#

發表於 11-7-27 20:52 |只看該作者 |倒序瀏覽 |打印

諗緊帶仔仔十月份返香港，但又驚辛苦，有以下問題：

1. 亞仔有少少哮喘，香港空氣差會唔會好易發？
2. 好唔好帶stroller呢？坐地鐵巴士會唔會好麻煩？
3. 仲介緊片，係屋企已經唔使用，但係去街就一定要着片，唔肯用街外嘅厠所，去到香港點攪呀？
4. 最後一樣亦係我最擔心嘅，亞仔對花生有敏感，香港嘅食物標籤有無美國咁清楚？ d酒樓食店會唔會有好多用花生油呢（花生油係亞州應該比美國普遍）？

有無媽咪可以share? Thanks!

0 0 0

私人傳訊

lizalch

大宅

積分: 2041

2^#

發表於 11-7-28 15:00 |只看該作者

1。我上次帶我個仔返去HK都帶埋佢喺度醫生開比佢嘅氣喘噴劑同藥丸。盡量唔帶佢去人多嘅地區如旺角﹑銅鑼灣嗰D﹐莫講話佢﹐我有鼻敏感﹐去過呢D地方之後﹐打乞懥流鼻水流咗我幾日(我重要係日日都食兩次Claritin D)!著過出街嘅衫一返到屋企即洗﹐兼且即刻同佢沖涼洗頭﹐因為仍然有好多人係打乞懥同咳都唔用手遮住個口﹐就咁噴出去空氣中﹐三歲嘅小朋友高度啱啱好食到正一正﹗

2。我帶埋佢D針卡去﹐怕大吉利是要入院醫生可能會問打過乜野針。

3。我個袋有佢D私家餐具同消毒濕紙巾。出面D廁所洗手盆好高﹐唔係個個廁所都有小朋友洗手盆。如果你腳骨力夠﹐可以承受單腳頂起個小朋友﹐另外兩隻手同佢洗手都好D﹐如果唔係嘅話﹐消毒紙巾可以幫到你。

4。十月可能都重熱﹐但商場可能會開到家冷氣好鬼大﹐帶定件外套好D。

5。你架stroller重唔重﹖大唔大件﹖我個仔以前有架graco﹐兩歲帶去HK用﹐三日後我決定放棄。因為好多地鐵站係無電梯搭﹐如果得你一個人同呀仔出街﹐你要一邊拖住佢﹐另一邊單手托架車上好多好多級樓梯。上巴士好麻煩﹐我試過一個人帶個仔出去﹐上咗巴士都唔知先安置個仔定架stroller先﹐因為好多司機係唔會等你坐好先開車﹐我個仔試過由這頭嗰度因為司機大腳油搞到成個人仔衝向車尾﹐一隻托車另外隻手攞住一袋二袋﹐睇住個仔飛去車尾嚇到呆咗﹐好彩中途有個乘客接住我個仔。又試過帶架stroller上小巴比司機鬧我好帶架咁大嘅手推車阻住佢地方。(HK人有好多唔會包容大小朋友出街嘅人﹐你推住架車行﹐隨時預咗後面會有人踩你鞋踭﹑ji ji jip jip你﹐甚至出聲話你阻住晒。)

6。如果你小朋友唔肯用出面嘅廁所﹐我建議你用片。HK嘅廁格好細好迫﹐有時一個人入去都要側側地身先閂到門﹐何況係帶多個人入去﹗我帶個仔去要成個人抱起比佢疴尿﹐抱多幾次﹐有D覺得條腰就嚟斷﹗(我個仔上次喺呢度帶尿片返去用﹐因為覺得HK賣得好貴﹗)

7。出面食肆嘅野就肯定唔會標明係唔係用花生油﹐唔知西餐廳會唔會﹐但中餐肯定唔會。你不如問下你仔仔嘅兒科醫生睇下有無藥可以旁下身﹐萬一真係唔好彩食咗花生嘅野都可以頂住比到足夠時間你帶小朋友去睇醫生。

8。拖實你個小朋友﹗我個仔試過行行下街突然比個迎面嚟嘅人將我個仔成個抱起﹐嚇到我死死下﹗幾驚佢會突然將我個仔定落地下﹐抱咗一陣先肯比返我﹐我重要扮無野﹐對方望落可能有精神病﹐我驚我大吵大鬧刺激到佢﹗