夫婦情感 今日: 0 | 主題: 42802

積分: 244

1^#

發表於 11-7-9 14:00 |只看該作者 |倒序瀏覽 |打印

有無媽咪可以傾下,係外國住左好多年,返來香港適應唔到,唔知點好（有D長）

我住向美國加州已經十幾年,同老公結左婚都3年幾4年...向美國生活平淡,踏實,平時weekday唔會好多應酬, 係好簡單嘅Family Life. 老公想衝一番事業, 大家商量好就決定俾幾年時間, 咁我都唯有放棄當時份工, 我唸住有屋企人(父母)向香港, 之前又會放假番香港探佢地, 應該唔難適應...重有老公唸住我地計劃生bb, 咁佢差唔多讀grade school我地就番去...
但係呢半年, 我完全投入唔到...我發覺好多人都無咩禮貌...感覺生活好混亂... 空氣又差...老公好多應酬...D同事好似日日都要HH咁...
初初老公有Invite我...但係香港嘅culture好似唔慣叫埋另一半...而且我又唔係好吹得...慢慢我都去少左....初初老公都會陪我多D...但係佢做得夜我都唔可以好野蠻要佢晚晚餓住個肚一定要番屋企同我食0架! 多左去阿媽度, 佢都發覺我唔對路...但係我呀媽性格好剛強, 佢一來叫我要睇實D老公, 二來覺得我要跟實D...但係我真係唔想好似吊Her鬼咁吊實佢...

係美國時唔係好多女同事會打俾老公....而且大家思想都比較純樸, 通想gathering都會係人人帶埋另一半, 返香港老公多左電話, 試過有D新識朋友嘅朋友（女仔）約佢出去食飯, 好在so far佢都唔會去,唔想俾錯signal, 因為佢重好錫我....但係有時都會唸D傻野, 都會擔心會唔會有女仔送上門...

就算係生活上, 香港D人好燥...有時見到街上D人嗌交, 唔理自己啱定錯, 總之夠大聲夠惡就得...有時係街唔小心撞親人都好, 對方已經怒目相向!好似你有心撞埋去....我試過睇住朋友架車(因為佢等緊我)係D等人區度, 個阿太因為拖住個老人...二話不說就開始罵佢黑心好阻住人上車, 又粗口又啤住佢....我朋友道歉話...但係其實呢D事都好小事...其實多D包容就已經OK...可能外國地方大空間多，好少會有呢Ｄ事發生

我真係好想知幾耐先可以適應到香港嘅生活。。

0 0 0

私人傳訊

yanyan25h

男爵府

積分: 6556

BK Milk勳章

2^#

發表於 11-7-9 14:22 |只看該作者

回覆:有無媽咪可以傾下,係外國住左好多年,返來香港適應唔到

香港人生活緊張，節奏急速，在所難免脾氣會差d, 你大住個肚或者帶住bb，啲人好多時都唔讓位，雖然風氣唔好，但試想想，好多人工作10個，8個鐘，此乃等閒事，例如做sales,已經站立10個鐘，你仲想唔想起身讓人坐？

，有冇舊朋友多d聯絡啦！我諗可以幫到你適應。至於你老公，我個人覺得多關心都係好事，香港有好多中女，熟女，盛女...但又唔駛太過份！

私人傳訊

月希

珊瑚宮

積分: 119943

2024年龍年勳章好媽媽勳章畀面勳章

3^#

發表於 11-7-9 17:49 |只看該作者

我有個FD..係英國住左10幾20年...上年都返黎HK...
佢好習慣..重話都係HK好...

原本佢諗住只係住一年..比個仔學番好DD廣東話...最後佢決定住多年..佢話HK真係太好住喎...

其實我覺得..你放鬆D..HK生活一向都係緊張,快...HK人既機心係比外國人大...講真..轉數係快D...
但係你依家係咪冇做野?如果係既..你咪唔好理周圍..自己用番自己既步伐黎行囉....

其他乜野女同事果D...其實你老公都知..唔想比錯signal人...咁你都唔好太WORRY

私人傳訊

sfmeow

積分: 49430

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

4^#

發表於 11-7-9 19:45 |只看該作者

本帖最後由 sfmeow 於 11-7-9 19:50 編輯

回覆 mamaSabrina 的帖子

我地都0係美國加州住左十零年, 打算過兩年生左bb 番香港, 個plan 同你一樣, bb 讀grade school 就番美國... 前排熱左幾日, 我地已經好辛苦好唔慣... 好擔心番香港唔適應.

你俾多d 信心老公啦, 疑神疑鬼仲易出事.

或者識多d 成家立室左既朋友, 咪會多d family day gathering. 我覺得香港未結婚既好少帶埋另一半出席...

近幾年我都覺得香港人燥左好多, 0係香港住既朋友都有投訴呢樣野....

私人傳訊

tired

積分: 30410

5^#

發表於 11-7-9 20:20 |只看該作者

引用:[i=s]+本帖最後由+sfmeow+於+11-7-9+19:50+

原帖由 sfmeow 於 11-07-09 發表
本帖最後由 sfmeow 於 11-7-9 19:50 編輯

回覆 mamaSabrina 的帖子

香港人燥左怨氣多左，因為多左班蝗蟲

點評

黑白豬 agree 發表於 11-7-21 21:53

520yu agree!!! 我都覺得自已躁底左發表於 11-7-17 10:01

私人傳訊

sfmeow

積分: 49430

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

6^#

發表於 11-7-9 20:56 |只看該作者

tired 發表於 11-7-9 20:20
香港人燥左怨氣多左，因為多左班蝗蟲

呢樣真呀! 至憎人大聲講野, 推人, 打尖!!!!!!

上次去香港迪士尼, 有個印度樣既0靚仔撞開我2 次, 次次我都攔住佢叫佢排隊唔好推! 第3 次同佢阿媽一齊想推開我打尖, 明明個細路講廣東話架, 個阿媽同我講"No Chinese, English", 哈! 開正我個瓣, 用英文勁鬧果兩母子, 鬧佢地好唔排隊, 俾個仔推人, 男仔推女人算係非禮架!! 點做人阿媽點教仔!? 其他排隊既人係咁笑佢地, 叫佢地go back to the end, go back. 鬧鬧下個阿爸0係幾個人後面勁嗌sorry, d 人俾佢行上黎, 我問佢點做人阿爸同老公!? 唔想俾人歧視就守下香港既規矩, 叫佢地去隊尾再排過!! 個阿爸就捉住果兩母子去隊尾囉. 我fd 話佢地扮唔識中文咁抵死丫那~~ 真係唔好彩, 撞著個美國番黎既! 其他排隊既人話佢地好心涼

細個果陣好多公民教育係"隨地丟垃圾乞人憎", "笑一笑世界多美妙", ... 唔知點解宜家香港無呢d 野?

點評

Mrs.Kangaroo 開正我個瓣<---- very good!! they asked for it~ hahaa.... 發表於 11-8-7 17:50

dhc 做得好!大快人心! 發表於 11-7-16 22:04

私人傳訊

tired

積分: 30410

7^#

發表於 11-7-9 21:07 |只看該作者

回覆:sfmeow 的帖子

抵啦！扮晒野！有時佢地d行為真系好討厭，乜都中意搶，搶床位、搶奶粉、男人都搶！真系怕後佢地，面皮成尺厚

私人傳訊

積分: 244

8^#

發表於 11-7-12 13:07 |只看該作者

多謝媽咪鼓勵, 我唸好似你地講, 要用自己嘅步伐適應,唔可以急. 可能因為無返工, 初初攪搬屋Settle down都會好忙, 近來天氣又實在太悶熱,特別係落完雨，太陽蒸出來Ｄ熱氣，就會想返美國, 係美國就算幾近都要揸車, 香港雖然好方便但係地鐵行上行落再行香港站去中環站（探阿媽）都令我好佩服著高根鞋Ｄ小姐，重要無位坐企全程，真係唔易

其實我都好想搵工，但係同老公商量過，佢話我要造人，就唔好呢頭返３個月，個頭就大肚，自己又辛苦，請著我個個又慘，train完我又要再train個temp.　雖然我未到高齡，但都快，平時身體又唔係好好，唯有慢慢來。。。係香港生活真係壓力好大架！有時睇新聞話難搵床位，唔知點解，我就會有Ｄ唔開心，有Ｄ"憫"，大肚已經辛苦，仲要怕買唔到奶粉，book唔到醫生同床位，返nursery都話要出世無耐即刻Apply! 好嘅幼稚園差唔多要全家總動員用哂D 人物關係圖, 我以前真係無唸過，一時間好多呢Ｄ生活上嘅細節，都令我唸自己可唔可以handle到。。。所以我唸最多捱到grade school，唔好攪到大人細路咁大壓力。

不過真係好多謝你地嘅分享，雖然我有好多嚕囌，但係我會努力去適應架！

點評

tchu "怕買唔到奶粉", breastfeeding is an other option! :) 發表於 11-7-22 22:18

sfmeow 加油呀!! ^^ 發表於 11-7-15 21:29

私人傳訊

為食熊

積分: 2289

9^#

發表於 11-7-12 13:28 |只看該作者

我都同你差唔多, 不過我無住在美國甘耐, 都係5年左右, C6就係ABC, 我地返左hk生活年幾喇, 我就唔會唔慣啦, 佢就好開心, 宜家要佢返usa佢都唔肯! 因為香港生活多姿多采, 食野買野咩都有, 在美國想食d野都要渣車, d鋪頭又唔集中, 成日要去東去西先買齊d野, 香港踢對拖鞋就有得食喇! C6話美國好悶, 放工就返屋企! 不過佢都覺得某d香港人好無禮貌, 開門俾佢地好似老馮甘, 又多推撞, 但每個地方都有好有唔好之處!

我大緊肚, 宜家無返工, 一早已經預約左床位, 都唔驚無奶粉既, 宜家好多奶粉都要訂! 我鍾意呢度多d, 因為在香港睇醫生好平, 又快好, 在美國睇醫生, 好多時都無藥食, 有時都會懷疑醫生既能力, 唔係好信得過果邊d醫生囉!

你C6返緊咩工呀? 我C6都多應酬, 不過十次叫佢HH, 佢只會去一兩次, 每次唔會超過9PM返! 我都未見過佢D同事喎~ 你地有無家人在HK呀?

點評

sfmeow 你都加油呀 ^^ 發表於 11-7-15 21:29

私人傳訊

積分: 244

10^#

發表於 11-7-16 05:02 |只看該作者

多謝sfmeow同為食熊你地關心加鼓勵, 啱啱跟左老公去台灣, 所以而家先睇到POST.老公做生意,要兼顧好多野, 有時D內地客戶要應酬, 美國個邊d人又要...所以無邊個季特別得閒我阿爸阿媽就加港兩邊走, 因為阿哥成家住加拿大..所以係香港唔太多親戚...老公D親戚好似世界地圖咁..好多結婚個時見過一次都未有機會再見...其實我都有d中小學朋友有keep住聯絡, 不過佢地好事業型, 好博, 有時見佢地都鄧佢肉痛, 不過當然回報好可觀啦, 我算係比較無事業心...

其實行開幾日個人好似鬆d, 無之前咁燥, 可能之前突然有女仔約我老公攪到我手足無措, 因為咁多年都未試過...結婚前無婚後都無..

不過原來都唔少媽咪返香港住好慣又好適應, 既然揀左返黎, 一定要努力!

私人傳訊

積分: 244

11^#

發表於 11-7-16 05:07 |只看該作者

差D唔記得, 為食熊媽咪, 祝你生個肥肥白白嘅可愛寶寶! :)

點評

為食熊多謝！發表於 11-7-17 20:58

私人傳訊

masiemacy

積分: 2332

12^#

發表於 11-7-16 12:48 |只看該作者

hk係咁架不過都好睇你老公同d咩圈子既人一齊
冇錯香港好多時都唔興帶另一半出去玩/應酬
但如果個圈子係正正常常帶埋自己另一半出去完全唔會怪
反而我覺得你應該理下你老公身邊識既係咩人
如果你地plan生bb 而你而家又有咁多野唔滿意到時你會好辛苦
陀住bb時心情會特別差而且好多生理同心理變化
一時間咁多野堆埋一齊你會覺得好辛苦架..
其實你可以出去識多d"好"既朋友我可能係有小小bias
不過識返d有學識/有返咁上下家底既人通常都會有禮貌d
出入既地方又高尚d d人都冇咁冇禮貌你會舒服好多

私人傳訊

Suissesse

伯爵府

積分: 19930

13^#

發表於 11-7-16 20:38 |只看該作者

回覆 mamaSabrina 的帖子

係難d適應但都ok我以前返香港住時中文字又唔識
講cantonese音又唔準
成日比人同我講國語

請盡量唔好點評我，因為我通常用手機版，睇唔到ga！！！

私人傳訊

piglet713

男爵府

積分: 5706

環保接龍勳章

14^#

發表於 11-7-16 22:35 |只看該作者

今年係我返咗香港嘅第十二個年頭，都仲未習慣。
空氣差，好迫，好急，無事忙，好多人都好無禮貌，好現實，你算我我算你，好辛苦呀!
我記得初初返來香港，一入笠講早晨，成間笠D 人都呆咗。果陣覺得有D 難受，點解D 人咁冷漠呢？比番少少溫情OK 嗎？唔係人人都係咁現實，唔係人人都係利字當頭嘅。

私人傳訊

ndw

子爵府

積分: 13921

15^#

發表於 11-7-17 06:57 |只看該作者

sfmeow 發表於 11-7-9 19:45
回覆 mamaSabrina 的帖子

我地都0係美國加州住左十零年, 打算過兩年生左bb 番香港, 個plan 同你一樣, bb ...

"...前排熱左幾日, 我地已經好辛苦好唔慣... 好擔心番香港唔適應..."

唔好話翻香港，我地從加州搬去德州幾年，天氣方面都適應唔到。因而段曬翻香港0既意思。

私人傳訊

ndw

子爵府

積分: 13921

16^#

發表於 11-7-17 07:17 |只看該作者

回覆 mamaSabrina 的帖子

既然翻到，就要向好過方面想：
正面的：
你可以經濟上請印印或賓賓。
唔使自己開車，使用公共交通工具都好方便。省翻D車保險費。
唔使交醫療保險，公家醫院可以生。
你唔使翻工，你老公一份人工都可以生活到。0甘你可以全職教好D仔女。
若果你系美國公民，你還可以 home school 你的仔女。唔使花錢送入名校讀書。
出街唔慣同人逼，就揀非繁忙時間出街。唔好住市區。住村屋。
我行我數，唔好理人地點睇你。但是唔好變得麻木地去接受那些人與人間相處的不好的態度。說不定，你可以正面地影響到周圍的人呢？

私人傳訊

ndw

子爵府

積分: 13921

17^#

發表於 11-7-17 07:28 |只看該作者

piglet713 發表於 11-7-16 22:35
今年係我返咗香港嘅第十二個年頭，都仲未習慣。
空氣差，好迫，好急，無事忙，好多人都好無禮貌，好 ...

"...一入笠講早晨，成間笠D 人都呆咗。果陣覺得有D 難受，點解D 人咁冷漠呢？比番少少溫情OK 嗎？唔係人人都係咁現實，唔係人人都係利字當頭嘅。..."

以前老公申請過一份在香港某某大學的教授之職，好在見不成，去左德州某某大學教。若果唔系，我睇我老公仲快頂唔住0甘0既工作文化。所以，人生遇到不如意事，都唔好肯定一定系唔好的事。

但願你不會被別人不好的相處態度麻木了自己，只要是對的就我行我數，說不定你可以正面地影響在你身邊的人呢？
願你早日適應！

私人傳訊

520yu

積分: 2581

18^#

發表於 11-7-17 10:15 |只看該作者

回覆 piglet713 的帖子

我係 HK 大既都覺得HK 缺乏"溫情"呢兩個字.
同同事間都好D, 對住陌生人, 係不自覺會有一道牆,
驚人會呃您, 吹迷煙...之類

我覺得HK 呢幾年嚴重左! 呢種感覺同我番大6 既時候越黎越接近!

Anyway, 如果識到朋友/番工既話, 我諗回流hk 既朋友會容易習慣D
某程度上係缺乏左安全感!

私人傳訊

whitesky