話說小妹係一名買衫的購物狂。
但生仔之後超忙，沒晒時間shopping，因為小妹係在職媽咪，大仔返學，細仔交俾本地姨姨湊，(即夜晚要自己湊返)。自問個人都幾守時，一放工就去接返細仔。星期六日就更加唔使講，一定係親子時間。
有一日放工，我奶奶出山幫手湊一晚。於是我book咗去睇牙醫，報到之後姑娘話要等半個鐘。我咪把握時間，係商場逛逛。入咗一間燈光好暗的boutique, (睇唔清楚啲衫的顏色，anyway我一向只買黑色同深藍色的裙，應該唔會出事嘅) 睇中咗一件連身裙，試埋上身都覺得cutting好靚，$699都叫within budget，二話不說就買咗，由行入去到俾錢走人都唔使15分鐘。
跟住返屋企條裙順手放咗入衣櫃。過咗成個月至記起有條新裙，想攞出來著。點知打開紙袋，發現件衫的肩膀位置同腰間有gucci的招牌紅綠黃線，腰間條belt仲刻住“GUCCI made in Italy”。
頂！$699買來的連身裙點都應不會是真貨GUCCI吧？其實條裙著得幾好睇的，但我又怕人見笑，平時寧願買無牌子的衫同袋，都從來無買過A貨的。
我估我的同事朋友好易分辨到條裙係A貨啦！
依家件衫仲掛咗係衣櫃，著又唔係，唔著又覺得side咗成$700。大家點睇呢？如果係你，你會唔會攞出來著呢？
發表於 
返回列表
