夫婦情感 今日: 0 | 主題: 42799

積分: 3100

1^#

發表於 11-8-10 16:15 |只看該作者 |倒序瀏覽 |打印

前兩天發現 c6 上網 check spy softwear, 唔知係佢以為我出軌, 定係佢自己出軌而身有C, check 定有咩方法我會跟到 ... 有d迷茫 ... anyways, 呢個唔係我嘅重點.

我喺度諗, 如果真係發現佢又出軌 (已經原諒過佢1次), 我會點做呢? 呀女先得幾個月大, 分開對bb好唔公平, 唔想bb喺一個唔完整嘅家庭長大. 但係我又唔會認得到. 我好想 check 佢, 但又唔敢, check 到係咪分開先 ... 我自己都唔知. 經濟絕對獨立, 可以同呀女生活, 唔會有問題. 只係女女會少d見爸爸. 諗到呢度, 我又唔敢動手去 check 佢.

有個朋友喺佢生咗bb之後, 佢發現老公有第三者, 一直拖拖拉拉到而家, 10個年頭, 都仲喺度拉鋸緊分唔分開. 我未生個女之前, 講得好大聲 ... 我係你一定走, 仲咩要留喺度呢? 又有經濟能力 ... 朋友答我, 你未做媽媽梗係大聲啦, 到時你有小朋友你就知點解我走唔到.

我而家明喇 ... 完全 feel 到.

唉 .....

其實我 c6 好清楚我脾性, 如果佢又衰多次, 我一定會帶埋個女走, 我諗佢唔會咁豬掛. 佢好錫個女, 佢如果唔想乜都冇晒, 希望佢醒醒定定啦.

0 0 0

私人傳訊

十三魚

積分: 3322

2^#

發表於 11-8-10 16:30 |只看該作者

回覆：Never say never

其實都係兩條路，

如果你會因為唔想個女係破碎家庭大而忍耐，咁你就唔好check, check 到係，自己心入面有條刺，check到唔係，又自己攞黎驚。

而如果你真係接受小朋友係單親家庭大，而又真係可以好決絕，咁你就check。

Anyway, bless you!!

私人傳訊

積分: 3100

3^#

發表於 11-8-10 16:34 |只看該作者

所以咪唔知點好囉 .... 唔 check 又 law law lun ... check 咗如果係又火滾 ... 唔會忍到佢 ... 但又唔想對個女唔公平.

做女人真係辛苦...

私人傳訊

wksin

男爵府

積分: 8455

4^#

發表於 11-8-10 17:17 |只看該作者

回覆：Never say never

請問咩叫check spy software?

私人傳訊

wksin

男爵府

積分: 8455

5^#

發表於 11-8-10 17:18 |只看該作者

引用：前兩天發現+c6+上網+check+spy+softwear,+

原帖由 bilobilo 於 11-08-10 發表
前兩天發現 c6 上網 check spy softwear, 唔知係佢以為我出軌, 定係佢自己出軌而身有C, check 定有咩方法我 ...

What is spy software?

私人傳訊

shpfamily

積分: 16757

6^#

發表於 11-8-10 17:19 |只看該作者

C6 對你好嗎?

私人傳訊

積分: 3100

7^#

發表於 11-8-10 17:21 |只看該作者

即係有d軟件, 可以 install 喺個電腦或電話度, 跟住你可以查到佢地打過咩電話, text msg, email, 上過咩網, 喺電腦做過d咩 ... 咩都俾你知到晒囉.

私人傳訊

cotychan

積分: 18748

畀面勳章環保接龍勳章

8^#

發表於 11-8-10 17:26 |只看該作者

要知道,同床共枕過一世既係你,唔係你個女!如果一生存住啲佢有無出軌既諗法,你對住你老公都唔會開心,只會成日去諗住呢樣嘢.....

我唔知你點解會覺得佢有可能出軌,有可能係因為佢衰過比你,所以佢而家有少少做啲特別舉動,你就覺得佢好可疑~

2公婆要信任對方,可能佢曾經做錯過,但係你已經選擇原諒佢,比機會比,咁就唔好疑神疑鬼.

真係佢再一次不忠,要諗既亦都唔係諗會唔會令到個女喺單親家庭長大.如果家庭不和睦.父母感情唔好,佢就算再細個,佢都會感覺得到,而且佢會長大,佢會睇得更清楚,反而對佢心理健康唔好.尤其係你地可能會經常鬧交既話,咁樣對女女影響更深.

私人傳訊

滅絕施太

別墅

積分: 851

9^#

發表於 11-8-10 17:52 |只看該作者

本帖最後由滅絕施太於 11-8-10 17:54 編輯

男人呀~!難忍~! 我絕對相信一件事，就算佢再出軌，你都會再原諒佢的。
男人有一就有二，女人都一樣，會一而再，再而三咁原諒佢c6。
我曾經有一個經歷，不過c6唔係出軌，而係打人，我個時都係為左個女，所以一次又一次比機會佢，最終比佢打到入院我至真正清醒，決定離婚收場。我而家同個女有新生活，我地過得不知幾好。
目前你只係懷疑，又冇比你捉到佢d咩行差踏錯，你放鬆d啦!煮到埋嚟就食啦。

點評

Hi-Fi 我都超憎打女人的男人,你做得好啱, 同個女好好過生活, 祝福你... 發表於 11-8-11 11:16

私人傳訊

積分: 3100

10^#

發表於 11-8-11 10:34 |只看該作者

回覆 shpfamily 的帖子

人地睇, 佢對我幾好, 面光佢做到足. 不過我見到佢d自私嘢, 特別係錢銀. 成日側側膊. 佢冇俾家用我, 不過屋企開支佢出, 供車一人一半, 油錢我俾, 買嘢俾個女我俾. 佢爭我幾萬蚊, 而家一個月還3千俾我, 慢慢還囉.
其實你問我佢對我好唔好, 我都唔知 ... 可能真係以前發生過事, 我對佢好有保留, 對佢冇咁好. 我都唔知自己有冇問題 ... 但係我唔開心囉.

私人傳訊

積分: 3100

11^#

發表於 11-8-11 10:45 |只看該作者

回覆 cotychan 的帖子

其實我唔應該話佢出軌, 我係懷疑佢上網玩 cyber sex, 佢之前都係咁, 俾我捉到正. 而且襯我出 trip 出去食埋. 喺佢個袋度搵到 condom. 我地都唔用嘅 ...

佢收工即刻返屋企, 基本上我知佢唔會有機會或時間出去偷食, 咁係咪就算佢玩 cyber sex, 我都由得佢呢? 我好想 check 佢, 不過又唔敢, check 到係, 我又唔會忍得到, 一定吵到飛起.

佢而家電話跟身, 又裝埋d唔會咁易 track 到嘅 online 電話號碼, 仲可以 send msg 嘅, 話就話用嚟打電話俾屋企人 (佢係鬼佬), 但係我唔知呢個係咪唯一原因囉.

我都好想信佢, 但係佢對住部電腦仲多過對住我. 老實講, 就算佢冇做對唔住我嘅嘢, 我而家都唔開心, 我投入唔到同佢一齊 enjoy 任何一樣嘢, 我諗係我仲未放得低之前嘅事.

我都知如果兩公婆感情唔好, 就算勉強喺埋一齊, 對個女都冇好處.
好想知點樣令自己好過d ...

私人傳訊

shpfamily

積分: 16757

12^#

發表於 11-8-11 10:49 |只看該作者

回覆 bilobilo 的帖子

O岩o岩先睇到 "又衰多次", 即係之前衰過?

私人傳訊

積分: 3100

13^#

發表於 11-8-11 10:53 |只看該作者

回覆滅絕施太的帖子

我諗如果佢出軌多一次, 我唔會再原諒佢. 第一次出事, 佢搵咗幾個朋友同我傾 ... 我同佢講過, 如果再有下次, 佢唔會再有機會. 佢好錫有個女, 希望佢知道, 佢再衰, 就咩都冇晒, 包括個女, 撫養權一定喺我度. 希望佢識諗.

佢都有打過人, 仲俾人告埋, 搵律師攪掂咗, d錢都係我借俾佢 ... 呢樣都係我好唔 like 嘅地方, 我同佢講過無限次, 唔好出手打人, 佢唔聽, 好啦, 俾人告喇, 而家連個 visa 都未簽到, 都唔知會唔會續俾佢. 唔續佢就要執包袱走人, 我唔會放棄份工跟佢走架.

我係懷疑, 好想搵証據, 不過又唔敢 ... 唉, 煩呀.

私人傳訊

積分: 3100

14^#

發表於 11-8-11 11:03 |只看該作者

回覆 shpfamily 的帖子

冇錯 ... 仲要係結咗婚3個月後衰, 你話點會咁易唔記得吖. 仲要衰完再衰 ... 唉
兩個連住落 ...
一個就食咗架喇, one night 嗰隻, 一個就玩感情, 不過冇食到. 嗰個女人都離開咗 hk 喇.

私人傳訊

shpfamily

積分: 16757

15^#

發表於 11-8-11 11:55 |只看該作者

回覆 bilobilo 的帖子

鬼佬更開放?
真係好難取捨
雞肋....
或者你順其自然, 乜都唔好做, 乜都唔好理
對自己好D, 過自己開心的生活先啦
或者佢會自動流失
或者佢會良心發現
有D野又講唔定的
CYBER SEX...我會當唔知, 睇唔到啦, 亦無謂去睇啦

私人傳訊