吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 影帝親戚(下集) 終於都交戰18+已更新

自由講場今日: 1544|主題: 1354877

收藏本版

發帖

返回列表

跳至頁

查看: 6038 | 回覆: 97

12 3 4 5

積分: 5336

1^#

發表於 11-8-6 17:01 |只看該作者 |倒序瀏覽 |打印

本帖最後由嘈嘈閉於 11-8-7 05:31 編輯

0岩岩講到B姑姐個囡問阿爺借左錢結婚,而我係唔會去,只封500蚊禮!
頭先佢阿媽仲喊緊打比我mami傾電話,1個鐘都唔夠佢個囡打來鬧我....

表妹:喂,表姊呀!我想問你你阿媽係咪教我阿媽我收D禮金要比晒佢呢?
我: 0下?我唔清楚喎!(其實我知道)

表妹:你阿媽點樣做,唔代表我阿媽要咁做囉,喂,依家係我結婚,要針茶,禮金,乜X野都佢話晒事,想簡單D都要寫紙批准過成個家族?
我: 我真係唔係好清楚成件事,你結婚我冇留意你點做,你會唔會問番你媽咪會清楚D?
表妹: 我媽就係句句都講:大嫂嫁女個時都係咁架啦!如果唔係你媽比埋D意見佢,佢唔會咁煩人地點做我就要點做啦!你叫大舅母唔好講咁多,後生既野自己話事!
我: ...............................
表妹: 你有錢梗係比晒D禮金你阿媽,我同老公個個月都唔夠洗,結婚D禮金比一半佢,都已經盡人事啦,係咪先?我唔想再同我阿媽嘈,你叫大舅母咩都話唔知啦,唔該!

我: 你講完喇嘛?你不如唔好結啦,你嫁比人盞害左人地一家囉,你對自己阿媽都係咁,你荒你對人地老爺奶奶好好咩?我話比你知,你有得結婚,都係問我阿爺借錢咋,講到自己咁那巴閉,以為冇人知?阿爺飲茶已經講我知你擺酒D錢係佢借啦,你收左D禮金唔係比你阿媽,更輪唔倒你袋落袋,唔該你係人既話就還番比我阿爺,仲有...唔係我阿媽煩住你阿媽,係你阿媽日日打來搵我媽咪哭訴,你針唔針茶唔關我事,你針我都唔會飲,廢事口生癌,你咁毒!你結婚我唔會到,但$500禮我照比你,留比你用來買口腔膏!

表妹:大舅母冇講過我打死都唔會信囉,我冇話唔還錢,我地會每個月還1000比佢,你放心!就算唔還都唔關你事啦!輪到你出聲咩?多謝喇封500,你比乞衣啦!

我:咁我比你咪即係比乞衣囉,唔洗多謝喎,每個月還1000?阿爺今年80大壽,你擺酒十幾萬,佢仲有幾多個十年呀?諗住佢死左你2公婆就唔洗還?你真係用心良苦囉!你每個月都唔夠洗你搵咩來還呀?我係冇資格出聲,係你打來比機會我插你,我都冇計架?

表妹: 你同你阿媽都係....嘟嘟嘟嘟...(我CUT佢線)

根住佢不停打來,我冇聽,8個MISS CALL之後佢SMS: 你最好唔好出席,我都唔想見倒你!死X婆!

唔知FB 有冇DEL埋我~一陣睇下先知,可能已經十萬句粗口留言比我

好火滾囉...一個月還1000蚊~收倒禮金都唔比番阿爺,好興呀~!!!!!!!!!!!做唔做親戚不嬲都唔希旱,但擺明搵老人家笨就勁著燈,個心鬧完交仲卜卜咁跳..

0 7 1

曾經有一個可以讓我好好咁訓0既晚上，但係我冇珍惜到!到左起身勁眼訓0既時候先至後悔莫及，塵世間最痛苦莫過於此。如果個天可以俾機會我番轉頭既話，我會同周公講我愛佢，如果係都要0係玩bk0既時間上加一個期限，我希望係48小時。

私人傳訊

meinatmn

伯爵府

積分: 19335

2^#

發表於 11-8-6 17:10 |只看該作者

你講得好呀，佢嫁比人，真係害左個男家既阿爸阿媽，呢D咁XX既人，真係比天收呀~~~~

私人傳訊

溋溋

水晶宮

積分: 52403

育兒性格勳章畀面勳章

3^#

發表於 11-8-6 17:15 |只看該作者

你好有guts! 俾個good你

。

呢d正人渣，睇死佢都係走數架啦!

同熱愛這片土地,大家刻骨銘記,愁或喜,生或死,也是香港地
同熱愛這片土地,大家一句到尾,由自己,生與死,也在香港地

私人傳訊

小安

男爵府

積分: 9025

環保接龍勳章大廚勳章

4^#

發表於 11-8-6 17:18 |只看該作者

呢D咁既人,真係等天收,

一D都唔尊重人,又臭口~~~

仲要冇錢充大頭~~~

老人家D錢都借~~~一個月還一千咁多~~

個個月唔夠使就唔好學人擺酒啦~~~

私人傳訊

醜樣豬

王國長老

積分: 51809

至尊種植勳章醒目開學勳章畀面勳章叻叻勳章有「營」勳章 wyeth冷知識勳章陪月勳章爸B勳章王國長老 2011精緻種植勳章環保接龍勳章魅力王子遊學勳章 BK猜猜猜慶中秋 BK Milk勳章

5^#

發表於 11-8-6 17:20 |只看該作者

真係睇完嬲到爆炸

叫阿爺叫佢速速還錢,無錢學咩人結婚呀

比埋個sms你呀爺同老豆睇,唔係你小氣,而係人哋唔請你咋

私人傳訊

ada_790712

禁止訪問

積分: 14132

畀面勳章大廚勳章

6^#

發表於 11-8-6 17:21 |只看該作者

提示: 作者被禁止或刪除內容自動屏蔽

私人傳訊

寵壞了

珍珠宮

積分: 32181

好媽媽勳章

7^#

發表於 11-8-6 17:22 |只看該作者

回覆：影帝親戚(下集) 終於都交戰18+十級火滾

樓主，你表妹會吾會上bk架

點評

ngannatalie 洗驚佢?? 佢打得電話嚟嘈都預咗反面啦!! 發表於 11-8-7 01:52

嘈嘈閉上都唔驚佢,我講既係事實!每隻字都係真真實實佢講出來~佢瘀唔係我瘀~ 發表於 11-8-6 17:24

私人傳訊

tiffany_wong23

子爵府

積分: 13341

8^#

發表於 11-8-6 17:23 |只看該作者

重好!這5舊水都慳返！

我叫葉比比，英文名叫Tristin Ip！

私人傳訊

ABBC

子爵府

積分: 13533

9^#

發表於 11-8-6 17:23 |只看該作者

唔關你事?
你應該教佢咩叫內孫同外孫既分別啦~~
請問佢幾多歲呀?
嫁人嫁到問外家既外家借~~佢都好肉醱下喎~~

點評

ching師奶 agree,呢個表妹真cheap爆!! 發表於 11-8-6 17:44

私人傳訊

ching師奶

子爵府

積分: 11512

10^#

發表於 11-8-6 17:25 |只看該作者

你表妹個未來老公咁無用嘅,無錢又學人結婚!!
女嘅仲衰,借老人錢仲聲大夾惡,佢唔係跟你阿爺姓架,佢先最無資格呀

私人傳訊

Veronique@chan

侯爵府

積分: 24161

好媽媽勳章畀面勳章環保接龍勳章

11^#

發表於 11-8-6 17:26 |只看該作者

唔好嬲,飲杯冰水,冷靜下

私人傳訊

See

伯爵府

積分: 18772

好媽媽勳章

12^#

發表於 11-8-6 17:27 |只看該作者

好野！唔洗比錢！

全世界都在看你家的笑話，騙不過天地，沒不了良心。即管繼續下去，總有一天自己受！

私人傳訊

montana

子爵府

積分: 13930

醒目開學勳章畀面勳章 BK Milk勳章

13^#

發表於 11-8-6 17:27 |只看該作者

娶你表妹果個都唔慌係正常人:;pppp:

私人傳訊

wingchu

男爵府

積分: 5255

醒目開學勳章

14^#

發表於 11-8-6 17:31 |只看該作者

連500都慳番

私人傳訊

MANFUN2010

子爵府

積分: 10558

叻叻勳章醒目開學勳章畀面勳章環保接龍勳章親子達人勳章 BK Milk勳章

15^#

發表於 11-8-6 17:32 |只看該作者

本帖最後由 MANFUN2010 於 11-8-6 17:34 編輯

阿爺唔多唔少都知道表妹為人, 仲要借錢比佢結婚, 一個月還$1000? 要還幾多年至還得哂? 個男人咁無用, 無錢唔好學人擺酒結婚啦!

我結婚嗰時, 比咗呀媽幾多圍酒, 嗰啲禮金係全部由阿媽收返, 唔係咁辛苦養大個女? 呢啲係一點心意, 亦係理所當然...

呢啲咁嘅死女, 真係生舊叉燒好過生佢...比一半禮金, 已經盡人事!

點評

小安同意~ 發表於 11-8-6 20:34

私人傳訊

uchcfm

男爵府

積分: 8164

畀面勳章環保接龍勳章

16^#

發表於 11-8-6 17:33 |只看該作者

嘩,好激呀, 子彈橫飛!
首先可以慳番五百蚊, 應該可以順番小小氣先!

樓主, 我好明白你O既感受
好似我姐夫成日搵笨實我爸媽一樣!
不過我地做細o既, 講又講過勸又勸過, D老人家都係覺得無所謂無緊要
所謂皇帝唔急太監急...就係呢D...

我呢家都睇化哂... 唔好理佢地喇...最緊要你呀爺心甘情願俾, 俾得開心
咁你咪戥佢老人家開心囉! 最緊要ignore你個三八表妹, 唔好激親自己!