吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 爸爸專區› 男友架車俾人炒左,心情好肉酸...好down.... ...

爸爸專區今日: 0|主題: 16424

收藏本版

發帖

返回列表

跳至頁

查看: 1998 | 回覆: 21

男友架車俾人炒左,心情好肉酸...好down.... [複製鏈接]

aggiekitkit

複式洋房

積分: 396

1^#

發表於 05-9-18 04:10 |只看該作者

男友架車俾人炒左,心情好肉酸...好down....

我地兩個儲錢,好辛苦先買到第一架車,
花左好多心機好多時間同錢再去幫佢裝身,只不過4個月,已經放左好多錢同心機落去(我地都係窮人,對於人地幾萬蚊可能少數目,不過我地就已經係辛苦錢)

今日佢阿媽個咁既"契仔"黎食完飯要我男友車佢走,男友媽跟埋車3個人.
"契仔"又話自己識路,又話自己渣左幾年巴士,連小巴大車牌都有,叫男友俾佢渣.
點知行錯路上錯飛鵝山要u turn 架車抄左上駁仲要比繼續油向前,
"哇啦啦...啪!"成份頭甩左出泥,我男友叫停,佢仲話"無事既"開車走.
點知成份頭飛左出黎,我男友去執番...唉..之後仲要停燈位開車入後波!唔拉手製就開車!..我在場我一定x條契仔囉!!

番到泥一睇個心都實埋,條"陣"曲左,頭pum巴頭唇成個甩左,漏迫力油.和尚頭又有事.死氣喉都扁埋.我架車仔黎架咋.撞少少少都到肉...........
條"契仔"好冷靜咁"整左幾多俾返錢你".佢地眼見以為甩左個頭咁少事,其實已經內傷....錢可以俾咩?佢地實以為幾百蚊少事,真係整既一萬蚊都未落到樓!條"陣"無得整架!!!!依家間車俾佢撞一撞要拎去"湯"喇!!!!!!!!!!!!!!!!!
錢事少,我地d心機,真係好唔捨得,男友都眼紅紅,兩個眼光光訓唔著,點賠?????
最攪笑男友爸媽覺得好少事"整番咪千零蚊,整番囉!!"
唔係你個仔唔岩呀!係個"契仔"!

依家既心情好似俾男朋友飛左...突然間無左樣野......你地可能覺得好誇張,但我地真係好鍚架車,自己唔食都要俾佢泊有頂停車場,怕佢曬親..............點解咁快玩完,仲要衰係人地手上..............

就算契仔真係俾錢,男友都收唔落!收左佢阿媽點見人(佢契仔同佢媽係同事)

訓唔著...發完up瘋了......唉...無晒心機...............

上傳了我的作品,來看看啦^Q^ :-D

私人傳訊

Sonic

子爵府

積分: 10187

好媽媽勳章醒目開學勳章

2^#

發表於 05-9-18 10:27 |只看該作者

Re: 男友架車俾人炒左,心情好肉酸...好down....

錢照收

私人傳訊

子爵府

積分: 13296

3^#

發表於 05-9-18 11:41 |只看該作者

Re: 男友架車俾人炒左,心情好肉酸...好down....

agree

Sonic 寫道:
錢照收

私人傳訊

matau

大宅

積分: 2122

4^#

發表於 05-9-18 12:31 |只看該作者

Re: 男友架車俾人炒左,心情好肉酸...好down....

有錢都唔收就笨啦，有幾多收幾多。

私人傳訊

Sonic

子爵府

積分: 10187

好媽媽勳章醒目開學勳章

5^#

發表於 05-9-18 12:46 |只看該作者

Re: 男友架車俾人炒左,心情好肉酸...好down....

一係出個部新車, 叫佢比錢

私人傳訊

aggiekitkit

複式洋房

積分: 396

6^#

發表於 05-9-18 14:59 |只看該作者

Re: 男友架車俾人炒左,心情好肉酸...好down....

就算條契仔俾,佢都係以為幾百蚊先應得咁口爽
d人唔識車,以為架間仔整得幾多錢丫,連男友媽都係咁諗架"整幾多咪俾返你囉!"
就算佢真係俾,我男友點收,佢話佢阿媽返工點見人,
收得多又話斬佢,收得少又於事無補,唔通真係收佢幾百蚊?
鈴

上傳了我的作品,來看看啦^Q^ :-D

私人傳訊

LFC

別墅

積分: 635

7^#

發表於 05-9-18 18:04 |只看該作者

Re: 男友架車俾人炒左,心情好肉酸...好down....

既然知對方咩人
約埋佢去收車, 等佢知幾錢, 如果佢一次過俾唔到, 分期還返俾你地都係方法. 香港地幾多人扮痴扮傻.
如果收返佢錢怕冇面影響關係, 到頭來不斷嗌苦嗌笨既只不過係你倆.

私人傳訊

臭吉媽咪

大宅

積分: 2474

8^#

發表於 05-9-18 23:37 |只看該作者

Re: 男友架車俾人炒左,心情好肉酸...好down....

再唔係叫妳男友個亞媽一齊去收車, 等佢知幾錢！

私人傳訊

aggiekitkit

複式洋房

積分: 396

9^#

發表於 05-9-19 02:56 |只看該作者

Re: 男友架車俾人炒左,心情好肉酸...好down....

我同大家諗法一樣,契仔點都要負責.
我有叫男友聽日去驗下報價先,如果整要整幾多錢,不過佢話架車整返都唔再似樣..
我同左佢講,我地整唔整都好,個契仔點都要賠返錢,無理由要我地吞晒落肚唔出聲.
佢爸今日竟然講:"算啦,唔好追人,唔好同契仔講架車唔要得了"
我呆左囉!撞完架車,仲要唔俾佢知,怕佢難做?咁我地又好過咩?
唔通個賊偷左我野,仲要唔捉佢,理由係"唔好意思捉佢"咁喇喎?
我叫男友,就算唔賠足,一千幾百佢一定要俾!
佢都係話收左人錢,佢阿媽點見人!唉!
我地因為"唔好意思"而唔追究,咁人地會唔會覺得"唔好意思"而自動賠返錢?
依家契仔仲以為好少事完無無野咁.唔同佢講既佢錯左都唔知!
我真係唔知男友一家人點諗.
我話男友唔好意思既,我出聲,我打俾佢囉.佢又唔俾.
佢老豆先最攪笑"湯左佢囉,執返2.3千都好"

佢地就講得輕鬆............自己個仔都唔幫!!!!

我明白點解人地個個都唔借車俾人渣!大家都唔好借車俾人渣!唔熟既一定唔借,熟既更加唔好借!

上傳了我的作品,來看看啦^Q^ :-D

私人傳訊

男人四十

水晶宮

積分: 70999

10^#

發表於 05-9-19 03:35 |只看該作者

Re: 男友架車俾人炒左,心情好肉酸...好down....

我都係過來人...好明白你而家

今夕吾軀歸故土他朝君體也相同

私人傳訊

mingb

大宅

積分: 1093

11^#

發表於 05-9-19 04:20 |只看該作者

Re: 男友架車俾人炒左,心情好肉酸...好down....

aggiekitkit,

聽完你個故仔心都酸, 愈擺得多心機落架車度, 就愈對佢多感情~

我唔知個契仔係咩人, 我就當佢係好人一個, 平時好錫你男朋友個阿爸阿媽, 好到好似一家人咁. 如果係咁, 我亦明白點解佢阿爸阿媽會咁講, 但係我又唔明, 如果佢係好仔既話, 點會賠完錢會去唱人呢? 契媽都唱? 咁既契仔要唔要都罷啦~

我個仔好得意架

私人傳訊

henry2000hk

複式洋房

積分: 211

12^#

發表於 05-9-19 22:56 |只看該作者

Re: 男友架車俾人炒左,心情好肉酸...好down....

一於帶埋佢去車房驗，等佢知道問題之嚴重性。一係要硬食，但我相信妳及男友這一世都會同佢面阻阻，但佢可能當沒事發生，最終的又係妳地心傷，會覺得遺憾。因此，一定要脾所有人知道包括事件中每一個人知，因此，錢可以再找，但道理(即氣)用錢都買唔番，唯有同男友當係一次經歷law，第日講起都唔會遺憾。

私人傳訊

junkone

大宅

積分: 2378

13^#

發表於 05-9-20 00:47 |只看該作者

Re: 男友架車俾人炒左,心情好肉酸...好down....

算啦，有時一場親戚真係幾難做，睇黎個契仔同你男友家人好似幾close，傷左感情仲衰。故事教訓你唔知對方斤兩千忻咪隨便借車！

我的日誌@Bobonation

私人傳訊

別墅

積分: 758

14^#

發表於 05-9-20 12:27 |只看該作者

Re: 男友架車俾人炒左,心情好肉酸...好down....

我與老公早有共識, 私家車不外借 :evil:

私人傳訊

o者o厘媽

男爵府

積分: 7050

15^#

發表於 05-9-20 16:48 |只看該作者

Re: 男友架車俾人炒左,心情好肉酸...好down....

嘩~~~~撞完人架車唔賠錢, 你問o下佢仲要唔要面!! :evil:

唔好意思o既應該係佢, 唔係你o地, 問佢攞番錢天經地義, 你o地無錯喎, 呢o的同趙完鬆有咩分別? 下流!

Jerry in Studio 其實無咩要求, 得到o既反而越多.........

私人傳訊

chaiwawa

男爵府

積分: 6191

畀面勳章

16^#

發表於 05-9-20 17:51 |只看該作者

Re: 男友架車俾人炒左,心情好肉酸...好down....

我老公都試過借左架車比佢個所謂FRIEND,點知借多幾次以為部車係佢咁..因為有一段時間,我老公要出TRIP,而當時我亦未學車,有一日放工諗住睇睇架車..發覺唔見左喎..?? 我咪立即打比老公,我話係咪條X街拎左去?但兩條車匙都係我度..無理由架?? 點知我老公打完比佢,打比我話原來佢COPY左條車匙..我當時幾嬲..仲話要報警呀..賊呀!! 但我老公話算啦..咪以後唔借咯,我都鬧左佢咯...咁就算數!! 所以我老公一返來,立即去換匙胆,我仲立即走去學車,咪以為我老公出左TRIP,就可以亂黎..我都識駕車架!!

私人傳訊

c_jany

民房

積分: 47

17^#

發表於 05-9-20 18:16 |只看該作者

Re: 男友架車俾人炒左,心情好肉酸...好down....

如果係我，我一定叫埋佢一齊去車房，等佢知道有幾嚴重和維修費不是他想的幾佰，而是幾仟至一萬。同時立即問他，他想怎樣賠償給你o地，我不會因為佢係邊個邊個o個"契仔"而覺得唔好意思叫佢賠償law !!因為他要為自己所做的事負責任。

相反來講，如果係你o地用佢架車，導致炒車，我相信他一定會叫你地賠償，雖然可能不需賠足，起碼一半。

我見到你地為架車，付出這麼多，現在炒成咁，我都戥你地心痛！希望你快o的解決事情!!