吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 埋身bb 點訓練自己瞓覺？

母乳餵哺今日: 0|主題: 85707

收藏本版

回覆發帖

返回列表

跳至頁

查看: 4870 | 回覆: 22

埋身bb 點訓練自己瞓覺？ [複製鏈接]

daisylhn

男爵府

積分: 8200

好媽媽勳章

1^#

發表於 11-8-5 12:13 |只看該作者 |倒序瀏覽 |打印

我全人奶埋身餵bb, 而家快三個月了, 想同bb建立有規律的生活習慣. 但瞓覺同食奶係一個問題!

bb 慣左飲完奶奶就瞓, 而家大個左啲, 玩完想瞓時都會搵嘢啜, 我無買奶咀比佢, 而佢暫時只識食右手拳頭仔, 但都係食兩下就唔食, 係都要搵我啜下; 我試過唔比, 抱佢好耐先瞓, 一放低就醒/ 喊; 又試過由得佢喊, 係旁邊拍下佢同佢講嘢氹佢, 喊半個鐘到攰先瞓, 又係瞓唔冧, 一行開就喊醒... ...

如果我比佢啜, 佢就啜十至二十分鐘左右就瞓, 有時會一放口就醒, 但好啲囉. 咁樣佢其實未夠鐘飲奶, 啜住瞓又飲左啲, 跟住個幾鐘又餵奶, 攪到時間好亂, 唔知點算好. 反而夜晚8-9點臨瞓嗰餐食得好, 飲完奶會自動lur 番乳頭出來, 有時醒番都會自己瞓番.

佢飲奶大約2.5-3hrs 一次, 跟7am-11am-1pm-4pm-7pm-11pm-4am schedule, 但如果中間加埋啜奶奶瞓覺, 就變左個幾鐘飲一次奶...

到底需要同佢戒啜住瞓呢個習慣嗎？定大啲先戒？

0 0 0

私人傳訊回覆引用

草

伯爵府

積分: 18713

環保接龍勳章

2^#

發表於 11-8-5 14:45 |只看該作者

如果你真係唔想, 其實一開始就唔比佢啜住訓會好d, 越早越易戒, 唔係越大個佢會喊得越耐, 你會越頂唔順, 妥協得越多仲越難戒, 因為bb會學識'喊就會有平時訓教的環境'. 同埋應該比佢係床仔訓, 唔係抱住訓着之後放底, 環境變左, bb會冇安全感, 好易訓一陣就醒.

不過好多奶媽都唔想戒, 因為好enjoy做安撫奶咀, 睇下你個心態同決心.

私人傳訊回覆引用

kikiki815

複式洋房

積分: 219

3^#

發表於 11-8-5 15:03 |只看該作者

回覆：daisylhn 的帖子

其實用奶咀唔係壞事，我囡囡之前都要人抱住去哄佢訓，而家日間眼訓會要奶咀唔要人抱,夜晚放床仔一熄燈就自己訓！當然一開始訓練佢嗰陣要忍受佢喊，但一個星期左右會習慣ga la

點評

jeannie_cheng 讚成奶咀唔係壞事，bb係好需要soothing。發表於 11-8-8 11:15

私人傳訊回覆引用

bksbb

男爵府

積分: 8279

4^#

發表於 11-8-5 15:21 |只看該作者

回覆 kikiki815 的帖子

my baby boy too...

私人傳訊回覆引用

wwy_08

別墅

積分: 838

5^#

發表於 11-8-5 15:38 |只看該作者

same here! 做左人肉奶咀。。。

私人傳訊回覆引用

ava@yu

大宅

積分: 4281

6^#

發表於 11-8-5 16:59 |只看該作者

我阿囝而家10個半月大,一直都係埋身喂佢架~~不過佢早排咬到我損左~~所以的起心肝幫佢介~~之後仲諗住轉做全泵媽

但係我忍受唔到阿囝對我既超慘喊樣

+眼淚攻擊......

最終都係介唔到~~~
而家我一放工返黎....佢就會古古惑惑咁對住我笑~~

想食奶.......
所以算啦~~都係做住人肉奶咀先啦 !!!

私人傳訊回覆引用

jeannie_cheng

大宅

積分: 2012

7^#

發表於 11-8-5 18:01 |只看該作者

本帖最後由 jeannie_cheng 於 11-8-5 18:10 編輯

daisylhn 發表於 11-8-5 12:13
我全人奶埋身餵bb, 而家快三個月了, 想同bb建立有規律的生活習慣. 但瞓覺同食奶係一個問題!

bb 慣左飲完奶 ...

我覺得你早d戒好，大咗仲玩固。我個女細時同你個一樣，我要到佢四個幾月先知佢係要啜至瞓得返，一直以為佢係肚餓。仲衺係佢半夜醒咗要啜我至瞓得返，有時一晚醒幾次但我第二朝要返工 T.T 而我當時係新手媽媽唔知咁多，由出世開始都係抱到佢瞓冧至放床但到3個星期就養成抱住瞓幾耐都得，一放落床無幾分鐘就喊，但如果"枕"住我隻手臂就算係床又係瞓到好耐，一拎開無5分鐘又醒。

跟住我睇咗本書，個作者個小朋友又係咁，咁佢解釋咗BB係點瞓著，就明哂點解BB要啜住瞓同唔肯瞓床。BB天生係唔識點入睡，只會係極惓及極飽先會自己瞓著。咁BB由開始有意識就會將佢瞓著前做緊咩嘢同瞓著聯繫埋一齊，即係話如果佢多數時間瞓著前係沖緊涼，咁佢每次就要沖住涼先會自己瞓著。依家D人係點令初生BB瞓著，1. 用奶奶粉塞到佢勁飽等佢瞓，食2oz唔瞓就餵3oz,4oz到BB瞓著為止，所以D人成話食奶粉既B好瞓D，其實BB係過飽，但咁好容易會令BB過肥。2.由得佢喊到攰就會自然瞓，但咁要好忍心個BB又好慘，我就做唔到。

我估你平時應該係餵奶到佢睡到好冧先拎走佢，咁佢就習慣啜住瞓著，所以你可以係嚟緊一星期每次餵奶試吓咁:

1.當你覺得佢食夠但瞓咗就同佢換片掃風，目的係要分開瞓着同啜住你，但佢初初可能會喊唔好理佢，只要習慣就無事。

2.跟住係咁同佢玩、講嘢(就算瞓著咗)等佢瞓前有一陣清醒既時間，一見佢有睡意，(日頭)就息燈等間房暗哂，即放佢係床仔拍佢瞓，咁就健立佢張床同瞓著的關繫，等佢瞓著要係自己張床。

3.餵奶時要佢瞓係枕頭/餵奶枕之類既嘢，目的係要佢習慣瞓係床感覺，而唔係你既懷抱，咁佢就唔會一放落床就喊。

4.最重要唔俾佢瞓好冧先放佢離開你個乳房及懷抱

另外你一唔俾佢啜佢會喊但一啜返佢又刻瞓返著，你試吓佢啜住但當啜既動作開始慢就拎返乳頭出嚟，再禁住佢下巴合埋佢咀仔，如果喊得勁就俾返佢啜，再到啜既動作慢咗又拎返乳頭出嚟，如是者重複好多次直至你拎返出嚟佢唔會喊，每次餵奶你覺得佢瞓著就咁做直至佢無咗個乳都可以瞓返，一定唔會做一次就得，可能要重複幾日一星期都未定，請有耐性，但我既經驗就係唔好俾佢瞓著或者瞓冧，會好d及越早戒越好。不過如果你唔介意佢食手指，佢識食就可以半夜醒咗/眼瞓會食自己手指瞓返，希望幫到你^_^

私人傳訊回覆引用

PFRC

大宅

積分: 2004

8^#

發表於 11-8-6 00:48 |只看該作者

回覆：jeannie_cheng 的帖子

多謝你篇分享，好有用，我明天就會開始實行。我希望我囡囡可以自己瞓覺而唔係啜住嚟瞓！

點評

jeannie_cheng 客氣!希望幫到你，有D較玩固BB初初俾食奶咀/啜手指會容易過度,祝BB早日戒發表於 11-8-6 21:24

私人傳訊回覆引用

szekamama

大宅

積分: 3887

環保接龍勳章

9^#

發表於 11-8-6 02:23 |只看該作者

呢樣幾困擾我,我ＢＢ１１個月了。之前都試過ＯＫ同ＢＢ按摩到有睡意擺去ＢＢ床，好有成功感。不過當ＢＢ６個月時曉企,佢就起到喊，老公返早又不可嘈，咁就錯過了，家下ＢＢ越大越好動，做不到按摩，而家惟有俾佢食到開始入睡，就同佢講嘢，等ＢＢ醒一醒，放口，我就用被遮住個胸，等佢聞唔到Ｄ未，佢喊幾句又玩下玩具，再碌來碌去入睡，不過都係在大人床

應該點改良

私人傳訊回覆引用

jeannie_cheng

大宅

積分: 2012

10^#

發表於 11-8-6 22:18 |只看該作者

szekamama 發表於 11-8-6 02:23
呢樣幾困擾我,我ＢＢ１１個月了。之前都試過ＯＫ同ＢＢ按摩到有睡意擺去ＢＢ床，好有成功感。不過當ＢＢ ...

唔嘈得我都苦惱緊(我個2歲幾)，我個囡頭一個月瞓得唔好，唔敢嘈，到依家都要黑哂唔嘈得，成家人好似做賊咁T.T!!!

如果你唔介意陪到BB瞓著，我睇過有個專家教(Dr.Sear但係youtube無咗段片)，個方法同你做既差唔多，抱、暗或餵到佢有睡意/剛入睡但未完全冧，就放佢落BB床，佢會喊小小，用手掌按佢心口，等佢FEEL到你係身邊，到佢瞓冧D就慢慢放鬆，咁做佢慢慢會習慣瞓係自己張床仔。個重點係要佢放落床仔未瞓冧，按住心口俾佢知你陪緊佢，到佢習慣瞓床仔可能未必要"店"住都瞓到。
其實你bb肯瞓大人床點解唔放佢係床仔瞓?我有無誤會你意思?定係你唔想餵到佢瞓?想佢好清醒咁放落床仔自己瞓?

私人傳訊回覆引用

jocberry

大宅

積分: 3052

叻叻勳章睛靈勳章

11^#

發表於 11-8-7 17:11 |只看該作者

回覆 jeannie_cheng 的帖子

真係多謝你既提議, 我ar b同你個bb 一模一樣, 一定要啜住zzz, 有時zzz左又會扎醒(仲要係幾次, 有次自己放個屁都醒左, 又要再啜......)
我之前試過抱住佢, 等佢zzzz左, 但一放落床仔唔使2min就醒...............

我會今日試行, 希望ar b盡快學識~~~~~

ps: 咁你個bb係咪都係食飽自己就離口~???

點評

jeannie_cheng 自己放個屁都醒左好搞笑!!! 發表於 11-8-7 22:25

私人傳訊回覆引用

kejeye

大宅

積分: 1096

12^#

發表於 11-8-7 18:58 |只看該作者

我個b都係咁, 依家個半月人仔, 我訓練緊佢用奶咀, d 朋友話7個月至1歲介到就ok, 好過啜住我訓, 不過佢依家啜奶咀, 成日係甩, 要係旁邊睇住, 希望佢唔好習慣佢就算有奶咀, 都有我係側邊先訓到啦

私人傳訊回覆引用

jeannie_cheng

大宅

積分: 2012

13^#

發表於 11-8-7 22:24 |只看該作者

本帖最後由 jeannie_cheng 於 11-8-7 22:27 編輯

jocberry 發表於 11-8-7 17:11
回覆 jeannie_cheng 的帖子

真係多謝你既提議, 我ar b同你個bb 一模一樣, 一定要啜住zzz, 有時zzz左又會扎 ...

唔係呀，佢係咁啜得好實我以為佢仲係食緊，健康院D姑娘已經提我唔好俾佢瞓。我諗個囡食10幾分鐘應該就瞓咗但係咀仲係啜兩嘢停吓咁，好似仲食緊，一整開佢就喊，除非瞓到好冧但可能已經成個鐘。就係佢有晚半夜餵完無1個鐘又喊，一埋身啜咗2下就瞓返，真係2下，係咪O咀@_@嗰時我先好夢初醒!!!!

你BB幾大?我睇咗幾個website同書，都好推薦要同bb係瞓前有個routine去set小朋友有固定入睡時間及幫佢瞓過夜。每日做同一組動作，下面係我當時既組合:
~餵奶
~沖涼(要分開啜同瞓)
~細時係按摩，大咗(約8-9個月)改為講故事
~見佢有睡意(細時)，夠鐘(大咗)就放佢落床
~細時同佢做瞓覺手勢，大咗講"覺豬啦"
~息燈，拍佢瞓，大咗佢抱抱枕同隻手仔要"卒"下下d縫線位
我當時都有做，約5日至一星期見效。我同個囡做咗幾日，佢開始到某個step就開放打喊路/喊要瞓，咁即刻縮短d步驟放佢落床，拍佢瞓會好快瞓著。但如果想容易d可以俾奶咀/啜手指，等佢習慣咗係床瞓，再俾個公仔/抱枕/沙巾佢抱住代替奶咀，咁佢會有安全感。如果忍心d可以做息燈就走出間房，由佢喊5分鐘，仲喊入返去拍(最好唔好抱除非喊到癲咗)到佢安靜再走，下次由佢喊但格10分鐘先再入去，如是者每次增長離開既時間，直至bb自己瞓著。我直係忍唔到，但覺得如果得會幾好，到小朋友大咗息燈走就做自己嘢!!!!

私人傳訊回覆引用

kata_hihi

伯爵府

積分: 15675

畀面勳章環保接龍勳章

14^#

發表於 11-8-8 00:04 |只看該作者

wwy_08 發表於 11-8-5 15:38
same here! 做左人肉奶咀。。。

me 2, 9 months now

私人傳訊回覆引用

kata_hihi

伯爵府

積分: 15675

畀面勳章環保接龍勳章

15^#

發表於 11-8-8 00:08 |只看該作者

回覆 jeannie_cheng 的帖子

thanks for sharing

私人傳訊回覆引用

szekamama

大宅

積分: 3887

環保接龍勳章

16^#

發表於 11-8-9 04:36 |只看該作者

回覆 jeannie_cheng 的帖子

ＢＢ就係一感覺到要抱起擺落床就典起腰再喊，其實我好忍得下喊聲，不過ＢＢ大咗識企，會企起身喊，不會喊到瞓，加上我老公頂唔順嘈，有Ｄ難度。不過我試咗我個方法幾日，今晚ＢＢ唔駛碌來碌去，見我拍下佢枕頭仔佢就曉僕低瞓，可能都明白無得啜住瞓，趁我老公呢排唔駛返早，夜晚又未放工時再試埋你個建議，有好消息再上來ＳＨＡＲＥ下，唔該晒你！！

點評

jeannie_cheng 希望你成功!!!大發表於 11-8-9 09:23

私人傳訊回覆引用

jocberry

大宅

積分: 3052

叻叻勳章睛靈勳章

17^#

發表於 11-8-10 15:07 |只看該作者

回覆 jeannie_cheng 的帖子

thx for ur sharing, 我b女個半月啦~我想問你係咪個幾日都不停train?? 者係每餐食飽就train??

我前晚試左一陣就暫停左, 我由佢8點pm開始食奶train, 一直去到11點pm, 其間bb不停食下, 又拎返出來, 勁哭又食過(中間見佢眼訓就抱住拍下暗佢, 佢收聲開始打呵欠, 但又唔肯訓,轉頭喊又要食) 我見到11點, 係佢下一餐既時候就stop左, 加上其他家人要訓覺, 所以暫停左.
尋日又俾佢啜一陣, 又暗下佢咁; 但最後都係要啜住先訓到, 但好似好d, 見佢啜慢左就拎出來, 再拍下佢都肯zzz(但係同我同床的.....)

所以想知你果時係咪每餐食飽就train, 咁樣我同佢都會好累下????
ps: 我老公有日頂唔順, 試過俾奶咀佢, 佢醒係唔識食(自己頂出), 反而訓左扎醒果下, 一下塞入d, 佢就會自己啜(但一路啜一路"唔唔"咁鬧), 其間想拎返出來, 佢自己擋住, 唔俾拎.............

私人傳訊回覆引用

daisylhn

男爵府

積分: 8200

好媽媽勳章

18^#

發表於 11-8-10 15:49 |只看該作者

話想train 下佢, 但完全攪唔掂! 阿b前晚喊左一個鐘都唔肯瞓.. ...

我想問下日頭瞓覺係咪都係咁呢？

我昨天試過比佢瞓床仔, 同清醒時放低佢, 同佢玩、講嘢氹佢, 最後佢都係喊哂口, 佢前後喊左2個鐘先瞓... 但幾秒就扎一扎, 15分鐘又醒左... 最後又到左下餐奶時間, 抱佢去大床側瞓餵佢, 飲完即瞓著... ... 喊得勁抱起佢到唔喊, 放低喊得比之前仲勁，書教嘅方法對阿b 唔work..

跟住全日就變得非常扭計, 平時一瞓醒可以自己玩一個鐘, 昨日全日都要抱住, 我估可能嚇親佢, 夜晚夜奶由平時2點幾一次、5-6點一次, 變到2點幾、4點、5點、6點半... ... 攪到我今日都病病地... ...

睇來都係要行番親密育兒法, 比多啲安全感阿b 好啲...

私人傳訊回覆引用

Cherrywg

複式洋房

積分: 330

19^#

發表於 11-8-10 16:01 |只看該作者

引用：話想train+下佢,+但完全攪唔掂!+阿b前晚喊

原帖由 daisylhn 於 11-08-10 發表
話想train 下佢, 但完全攪唔掂! 阿b前晚喊左一個鐘都唔肯瞓.. ...

我想問下日頭瞓覺係咪都係咁呢？

我都係吖,try 咗2日，bb反而仲喊多咗同小咗，又好易醒，邊度出問題？

私人傳訊回覆引用

jeannie_cheng

大宅

積分: 2012

20^#

發表於 11-8-10 16:45 |只看該作者

本帖最後由 jeannie_cheng 於 11-8-10 17:50 編輯

jocberry 發表於 11-8-10 15:07
回覆 jeannie_cheng 的帖子

thx for ur sharing, 我b女個半月啦~我想問你係咪個幾日都不停train?? 者係每 ...

係呀!?!一個半月應該會易d，聽你咁講琴日好似有進步，但真係唔係幾次/1-2日就會有效，點都係5日到一個星期或者甚至2個星期。我要返工所以只係放咗工埋身餵先train，每天2餐，weekend就可以2日full day。我個囡當時四個幾月我係每餐都咁做，再加餵咗先同沖涼/換片做個routine，頭3日都失敗(同你依家一樣)要俾佢啜同搞咗2個鐘至瞓，半夜都係起2-3次，都係咁做都要啜-->拎走-->啜-->拎來回好多次至佢瞓到，到第4日好d無喊咁耐，第5日開始唔洗抱放係床拍瞓可以瞓到。日頭小睡都係一樣，日頭係我阿媽湊，我強迫佢一定要放bb係床拍瞓，真係要5-7日。咁你開始咗幾日呀?不如你試下日頭每餐咁trian，日頭唔怕嘈住家人。
如果真係幫唔到你，俾個奶咀佢都係另一個方法，好過啜你！但都希望你update下睇有無改善!!!