跳至

首頁
1

尾頁
   0


複式洋房

積分: 223


1#
發表於 05-9-14 20:15 |只看該作者

你地bb清醒時,是否一定要抱?

你地bb清醒時,是否一定要抱? 我bb除了吃奶及睡覺外,清醒時一定要抱,否則就喊 :-( 有冇方法可令她自己玩?


男爵府

積分: 9520

好媽媽勳章


2#
發表於 05-9-14 20:42 |只看該作者

Re: 你地bb清醒時,是否一定要抱?

都唔係架, 我有張朋友送既搖椅, 上面掛左 d 公仔, 又有音
樂, 佢都鍾意坐架, 而且我係床仔度擺左 d 掛飾, 會轉同有
音樂, 佢都會靜靜地望一陣, 不過如果佢玩到攰或都眼瞓都
會喊要人抱.


複式洋房

積分: 436


3#
發表於 05-9-14 21:15 |只看該作者

Re: 你地bb清醒時,是否一定要抱?

你bb幾大?我bb最初又係咁,不過近排開始食飽自己會再rocking chair玩,最好就有人倍佢玩,玩到累了眼瞓就會扭抱要暗佢瞓.可能要等佢大啲就會自己玩.有啲人就話我抱慣咗,但我唔鍾意尤得佢哭


民房

積分: 14


4#
發表於 05-9-15 00:27 |只看該作者

Re: 你地bb清醒時,是否一定要抱?

唉! 我o個個最初都係成日扭抱,真係頂佢唔順,攪到無得休息. 而家買了奶咀比佢就好D,不過有時都唔得,因為食幾食又吐出來又喊過,我咪插完再插. 真係想用膠紙貼實個奶咀 哈哈!!!!


大宅

積分: 4702


5#
發表於 05-9-15 09:40 |只看該作者

Re: 你地bb清醒時,是否一定要抱?

我個BB同mchan89個BB一樣。

由BB出世到而家,我無特登因為驚BB扭抱而唔抱佢,因為我同老公認為BB喊,係佢有一定既需要,除左肚餓或尿濕等,可能覺得無安全感要人陪。所以當佢喊既時候,我地會同佢傾下計,摸下佢或者抱起佢。

平時等佢安靜時,你可以多D同佢玩,講下野,唱下歌,等佢知道你係旁邊,佢自然會有安全感,唔使成日抱。我同我個BB可以係大床上玩成一個鐘,佢都無要我抱。

我有個做兒童心理學既朋友,佢好鼓勵父母抱BB,因為咁樣可以建立BB既安全感,BB將來會較勇敢面對困難,接受挑戰,例如比較敢學行。如果你相信呢一套,你就唔會覺得抱BB係辛苦事。

mchan89 寫道:
都唔係架, 我有張朋友送既搖椅, 上面掛左 d 公仔, 又有音
樂, 佢都鍾意坐架, 而且我係床仔度擺左 d 掛飾, 會轉同有
音樂, 佢都會靜靜地望一陣, 不過如果佢玩到攰或都眼瞓都
會喊要人抱.


大宅

積分: 3051


6#
發表於 05-9-15 09:56 |只看該作者

Re: 你地bb清醒時,是否一定要抱?

我個b一個月左右都係瞓醒會喊,抱起咗就唔喊,我媽咪都話唔怕抱慣bb,反而唔理佢由得佢喊,第日bb大咗脾氣會好大.
依家bb兩個月,佢瞓醒會自己玩,玩耐咗先會叫人抱下佢,有時抱耐咗,佢又要番去床度自己玩


大宅

積分: 4922


7#
發表於 05-9-15 11:33 |只看該作者

Re: 你地bb清醒時,是否一定要抱?

dorisfung, bobo媽,
我之前睇過書都係好似你地所講,bb喊得耐唔理佢,佢會好無安全感,大個會缺乏自信,所以我個B如果瞓醒喊我都會即刻抱起佢,食飽又換完片放番佢落床佢都好肯自己玩!


大宅

積分: 4702


8#
發表於 05-9-15 12:07 |只看該作者

Re: 你地bb清醒時,是否一定要抱?

QutieBaby,你有無發覺自從BB識望野之後,佢就安靜好多。記得佢未滿月前,真係剩係喊、訓、食,我連去洗手間都唔得閒。但自從佢識得同外界作目光接觸後,佢對呢個世界好似好好奇,我可以放佢係high chair度,佢就會望住個吊牆黑色喇叭(因為初生BB鍾意顏色強烈對比既野)好耐,咁我就可以去洗下衫仔,泵下奶咁。

所以我覺得,而家BB開始易湊(我意思係無咁"痴"身),但自己就要返工,真係無奈


大宅

積分: 4922


9#
發表於 05-9-15 13:44 |只看該作者

Re: 你地bb清醒時,是否一定要抱?

dorisfung,
我都覺得個女而家大左後,對眼識得對住D有趣o既野眼定定,我有時開左佢床仔個音樂轉環俾佢,佢都會好定咁望住,有助佢穩定情緒,而且有時我地開左電視,佢都會好入神咁望住,可能係郁郁下o既影像吸引佢啊!


大宅

積分: 2065


10#
發表於 05-9-15 13:56 |只看該作者

Re: 你地bb清醒時,是否一定要抱?

我個B都勁鐘意睇電視,真怕佢養成壞習慣。


大宅

積分: 1228


11#
發表於 05-9-15 18:47 |只看該作者

Re: 你地bb清醒時,是否一定要抱?

我個女出世至第1個月我都唔敢同唔比人抱佢咁多,我怕佢扭抱,第2時我返工夜晚就麻煩,之後可能佢習慣左同埋佢成日郁手郁腳冇時停,連抱住佢影張全家福都好難,過左第1個月大左可能定d,佢鐘意自己在床郁手郁腳,佢唔鐘意人抱佢,抱一陣勉強都可以,耐d佢會勁嘈,我記得有一晚10點幾餵佢食最後果餐奶,點知食左一半就唔制,仲係咁嘈,以為佢唔舒服,點知越安撫佢越嘈仲面都紅晒(未見過佢咁惡),後來冇辦法放佢返落床,佢即刻冇事好開心對住我地笑,原來先至知佢係唔想我地抱佢同埋佢想瞓覺。


複式洋房

積分: 223


12#
發表於 05-9-15 20:12 |只看該作者

Re: 你地bb清醒時,是否一定要抱?

ev928,
你就好啦,好多時間做自己野,我亞b一定要抱到訓,好黐身


大宅

積分: 3118


13#
發表於 05-9-16 09:46 |只看該作者

Re: 你地bb清醒時,是否一定要抱?

dolphinpinkpink, 我 bb 初初都好黐我, 搞到我乜都做唔到, 後來佢大 d, 開始八八卦卦周圍望, 我就試下擺佢落床, 佢初初
我要學習做會笑的媽媽


別墅

積分: 877


14#
發表於 05-9-21 19:16 |只看該作者

Re: 你地bb清醒時,是否一定要抱?

我個細B好扭抱,搞到我完全冇時間做其他野 :-(
不過佢已經比初生時乖左好多....有時佢喊得好淒涼,我一定忍唔住抱佢就會俾老爺奶奶話我縱壞佢,唔俾我抱佢...要我放低佢 :cry: 見佢喊到咁我真係好心痛....佢岩岩先喊左半個鐘,累到訓左覺.. 不過佢真係識揀人黎扭...佢知我心軟成日扭我...但見到我奶奶就會死死地氣收聲...因為佢知奶奶唔會抱佢...
過去的留不住, 未來的難預測, 守住現在,當下即是~


複式洋房

積分: 223


15#
發表於 05-9-22 01:25 |只看該作者

Re: 你地bb清醒時,是否一定要抱?

creamsoda,
你俾bb喊半個鐘,真係幾忍到心; 我都試過忍心d,唔理佢喊,但唔夠15分鐘,我就死死地氣抱番佢,因為我見佢喊到面紅晒,眼淚流晒,個身熱晒,真係好心痛架...


別墅

積分: 976


16#
發表於 05-9-23 00:15 |只看該作者

Re: 你地bb清醒時,是否一定要抱?

creamsoda,
喊左成半個鐘咁耐呀....
比我佢喊3分鐘就忍唔住抱啦!!
bb咁喊法好淒涼呢 :-(


大宅

積分: 1948


17#
發表於 05-9-23 05:32 |只看該作者

Re: 你地bb清醒時,是否一定要抱?

我個女都係,我今日成日冇抱過佢,除左餵奶,佢用D眼淚嚟要我屈服,最終我都係輸左!!凡我一抱佢時佢即刻眼定定望住我,好似同我講:媽咪:我嬴左啦!!嘻嘻!! -- 古惑妹


洋房

積分: 195


18#
發表於 05-9-23 06:43 |只看該作者

Re: 你地bb清醒時,是否一定要抱?

係呀,我都覺得bb開始認人.唔知點解,工人姐姐睇佢時唔駛抱,但係我一出現佢就勁喊要抱,而爸爸呢,仲衰,bb心情好至俾佢抱咋,心情唔好時爸爸抱一定喊.問您傷唔傷心!唉!! :-(

首頁
1

尾頁

跳至
Presslogic Logo
Baby Kingdom Logo