joeylee 寫道:
個印印琴晚比我撞到正佢用凍水照頭淋我個１歲9個月嘅細女(好似同狗仔沖涼咁)話幫佢沖涼洗頭,當時係喺我媽咪屋企,個女疴咗嗅嗅,咁我就叫個印印同我女去廁所換片,突言聽到我女大喊,我咪即時入廁所睇吓咩事,點知入到廁所我見到我女成頭泡係個企缸度一路叫一路走,個印印就企係度攞住個花灑追住我個女照頭淋,我當時咪即刻抱起個女點知個女成身凍冰冰,仲係度震,我摸吓Ｄ水,點知Ｄ水又係凍冰冰之如仲連小小熱都無,問佢點解咁做,佢淨係一路唔出聲,今朝個女就病咗嗱, :-( :-( :-(
< 你哋話佢係咪痴線架?>個agent直程問佢係咪專登,佢竟然唔出聲 
,之後個agent同佢講話我女今次唔舒服睇醫生嘅費用要佢付責直至我女好返晒為止,佢話好...其實我哋一早已經簽咗第２個印印,(佢唔知架)只不過個新工人要10月頭先至到,所以先一路用住佢,(因我早前跌傷了尾龍骨,企多陣都唔掂,一直睇緊醫生,而且我有2個小朋友,所以暫時自己湊唔到)而點解當時會炒佢,最主要一:係因為佢之前因為唔小心令到我女比杯熱咖啡燙到手碗 ,起晒水卜,二:因為佢話我大仔(6歲)百厭唔願沖涼,發脾氣用廁所板夾我仔(倆件事發生前後一星期唔夠),另外加嘛佢好無耐性,脾氣好差等等...其實決定炒佢之後,非必要我已經唔會比佢單獨照顧我Ｄ仔女,但點都估唔到,咁多人係度佢都咁大膽囉,我諗佢心理一定有Ｄ問題,我而家簡直好似放咗個炸彈係身邊咁,好可怕.......
發表於 
ようこそ！ご覧で下さい !
返回列表
