墨魚太太 寫道:
無雙糧,無福利,無假期,無放工,佢地的家用就好似係老問出糧比你,但LEE份糧係要比奶粉,尿片,買餸,日用品……….
仲要係感覺你無返工,佢養你,&你屋仩,(雖然無講出口)……
OneTwoThree 寫道:
根本無得比, 女人一結婚角色同做女個時係180度改變, 放工要煮飯、做家務、要應付男家既人, 男人基本上都係無乜分別, 放工返屋企等食飯, 到女人有左個種辛苦法只有自己至知, 男人只係睇到你個肚一日一日咁大, 有幾辛苦點會知? 做埋人呀媽就梗加唔洗講野, 同做女個時改變係360度, 生左bb身材走樣、驚老公會搵女人、身體大不如前、做野既放工要湊仔、煮飯, 無做野既都係要湊仔、煮飯兼要做得比返工既好, 唔係會有說話聽, 要挨更抵夜湊bb無覺好訓, 老公個期無$$都唔敢問佢拎多個仙, 男人有左細路如常返工、放工返屋企食飯、頂多都係同d細路玩下, 女人年紀到左30歲左右結左婚有埋細路想再出黎做野既機會只得番30%, 人地會問你洗唔洗趕住返屋企湊仔、煮飯, 查完一輪家宅都係叫你返去等消息, 男人就算到左40歲結左婚有埋細路想再搵野既機會都仲有60-100%, 唔會問你洗唔洗趕住返屋企湊仔、煮飯, 唔洗每個月出糧都要渣頸就命睇住d錢黎持家, 咁你話男人同女人邊有得比....
HKQQbaby 寫道:
我覺得選擇湊仔或出外工作前應清楚兩樣都是工作. 前者是主婦+補習+管家, 報酬是老公之家用. 後者是老闆的顧員,報酬是薪金.放工後再回家做補習+管家. 出外工作的薪金與家用相比 多出的收入就當作加班的收入.
有人覺得後者可每天打扮漂亮出外 月底還可有糧出 又可以買自己喜歡的東西. 但實際出外工作需承受壓力 承擔責任 還要受老闆上司氣. 現在除了政府工 哪份工只需工作8小時 就算銀行工亦要早上8:50am 至 7:00pm 將近10個小時 (因為我之前在銀行幹內部的工作 現已做全職主婦)除非你有超過2萬的收入 否則又要支付約5千請菲傭(底薪加開支)出外上班又要交稅又要交通費 又要在外吃Lunch 應酬, 放工後還要回家教仔. 淨收入不多
如你是主婦 你就當自己已移民到國外, 國外的女人多數是自己帶小孩的. 當自己有條件提早退休好了
發表於 
返回列表
