心聲留言 今日: 5 | 主題: 17508

積分: 191

1^#

發表於 11-7-19 22:07 |只看該作者 |倒序瀏覽 |打印

老公.. 唔經唔覺同你分開左5個月喇.... 你自己一個人係出面住, 慣唔慣呀.. 我好掛住你呀..
雖然可能依家我同個女對於你黎講, 根本唔係咩人.. 又可能已經有一個你好想對佢好既女人 ..
今日我唔去同你簽紙離婚, 係我諗通左.. 由上個星期約你之後. 一直個心""囉囉孿""..我知聖靈一路叫我唔好去...
到我決定唔去之後, 我個心就平安一d... 我知. 你同我講你已經唔信嘛... 但你唔好唔記得, 你雖然放低左條十字架頸鍊, 但你額上既記號你無辦法放低, 你係神既兒子, 我同你一樣都有呢個印記, 當你走左之後, 我都好想唔承認, 點解你一次又一次既離開我, 而神都唔阻止?? 但係可以咩... 呢個本身就係痛苦既記號, 但痛苦既背後有愛, 有犧牲, 仲有希望...
當日我同你就係企左係呢個十字架面前起誓, 無論富足、貧窮、疾病、健康, 我都愛你...
係... 我仍愛你..
我知我太口硬, 有時令你受傷了, 我不斷吹你辦離婚, 簽離婚協議書, 唔理你就快可能失業都迫你比生活費, 唔理你懷疑生 cancer 既消息..... SORRY Honey.. i dun really mean tat.. i care... everything abt u ..
仲有你中間不斷 send sms 俾我, 我都無睬你.. sorry.. 個段時間我真係嬲你..嬲你又識埋出面d女人, 嬲你只係得個講, 又話想改, 又話掛住我地.. 但你一樣同出面d女人講你掛住佢地..嬲你捨得掉低幾個月既女走左去....
我明你可能已經唔會再想番黎呢個家.. 但係對我黎講已經唔重要喇... 我會一直守住我係神面前對你起既誓, 就算2年後你向法庭單方面提出離婚都唔緊要..我相信神撮合既, 人不能分開.. 在我、在神眼中, 你永遠都係我丈夫.. 永遠..
可能我地以後都唔會再見.. 亦都唔會再好似以前咁, 一齊好開心行街街, 搵好嘢食...但呢d所有都會變成大家既回憶..
仲有你之前話晚晚諗起係台灣影結婚相, 雖然好攰, 但我地影得好開心... 仲有北海道渡蜜月, 一齊豪食和牛.... 你知道嘛... 我都有成日諗起... 成日睇返電話裡面既相..每張相我地都好開心, 好sweet... 可惜渡蜜月既相, 我已經一早俾你 cut左出黎, 俾你用係 msn 識女仔..
老公.. 我好攰喇.. 真係好想透下..合埋雙眼之後, 唔想再諗起咁多唔開心既嘢..亦都唔想再俾阿女嘈醒..俾我一直咁訓啦..
Love you... Bye Bye 喇..

0 1 0

私人傳訊

積分: 736

2^#

發表於 11-7-20 17:02 |只看該作者

Eli10, 我今天還想send message問候你的近況, 見到你的心聲, 令我好感動, 我希望, 亦相信你的老公有一天會明白, 回轉跟你復和的... 你要加油呀! 即管大聲的告訴你老公, 你有多愛他, 有多想他, 有多需要他, 有多希望跟他和好如初!!!

我昨晚亦這樣跟我老公講了... 盡了自己的力, 餘下就等神工作吧! 我會常在禱告記念你和你的家庭! You are not alone!!!

私人傳訊

mimichong

珍珠宮

積分: 34623

2024年龍年勳章畀面勳章環保接龍勳章 wyeth冷知識勳章叻叻勳章

3^#

發表於 11-7-20 17:07 |只看該作者

雖然我無信仰~
但嘅然神唔阻止妳地分開...可能神有更好的給妳...
妳唔好放棄自己...妳還有女兒要照顧...

前面是絕路....希望在轉角...加油

前面是絕路~希望在轉角

私人傳訊

積分: 191

4^#

發表於 11-7-21 17:51 |只看該作者

回覆 npyuen 的帖子

npyuen,
多謝妳. 無諗過我係呢個留言版留言妳都會睇... 可以係呢個網站, 有妳這個同路人既支持, 我得著好大既力量!

呢個真係咁多個月黎, 最清楚既一個決定! 琴日個女突然發高燒, 我通知他.. 夜晚完左工作之後佢入黎睇下個女, 雖然短短十幾分鐘.. 我能見他一眼就好.. 我唔敢同佢講我既心聲.. 都唔知點樣可以俾佢知道我既諗法...就由它吧...

大家互相代禱吧..

私人傳訊

積分: 736

5^#

發表於 11-7-21 18:16 |只看該作者

本帖最後由 npyuen 於 11-7-21 18:23 編輯

Hey, 你已是我的"好友", 你講的, 我一定會聽!!!

你的女兒好了點沒有?! 求主醫治!

跟你分享我前晚的經歷:
看了你對老公的心聲後, 我都好樣同老公講, 所以我就禱告神, 請祂給我勇氣, 給我機會! 接著靈修時上帝彷彿向我說話, 祂叫我勇敢的將愛行出來... 我想了想, 還是害怕, 就再次祈禱, 求神再給我一個清楚的signal, 應在甚麼時候跟老公講... 就在那個晚上, 老公居然主動同我講嘢, 他的說話其實都好難聽, 但我心即時想到這是時候了, 就不顧一切的跟他講我愛他, 很需要他, 希望能跟他重新開始! 雖然他的反應很冷淡, 但我講完後內心充滿平安, 因我又一次深深經歷主的幫助、同在!

我都要多謝你的分享, 是你的行動鼓勵我, 再加上上帝的幫助, 機會就出現了! 我希望你真的不要灰心, 神真的在看顧著我們, 聽我們的禱告! 神一定會為你安排機會的, 重要的是你要相信祂!!!

為你和女兒代禱! 加油!!!

私人傳訊

積分: 191

6^#

發表於 11-7-21 20:58 |只看該作者

有心... 阿b 食左2日退燒藥都唔得.. 我都唔知佢咩事... 但我相信神會保守她,,,

神藉著妳來給我指引, 同時也用我跟妳說話... 我都唔知點解突然咁感動要將感受寫出來, 只是一心想咁做...這就是神的安排..

你很勇敢..不理丈夫的反應, 向他講出心所想... 我諗我大概就係驚佢俾d好冷淡既說話我.. 甚至親口同我講佢已經同第2個一齊... 或者已經同人同居..我接受唔到呢個事實.. 只要諗下已經覺得個心好寒, 好恐怖... 所以都係唔講喇..

雖然你丈夫聽完反應冷淡, 但可能已經深深埋左係佢個心度... 當神既時候一到, 你既說話就係重新聯繫彼此關係既鎖匙!!

不要灰心.. 等待神既聲音...
送多首 hillsong 俾你..
http://www.youtube.com/watch?v=9M9wowQaXYk

私人傳訊

edunpx

伯爵府

積分: 19247

父親節2025勳章母親節2025勳章 2025勳章蛇年勳章虎到金來勳章牛年勳章 2018母親節勳章畀面勳章 BK Milk勳章 hashtag影視迷勳章最關心BB問題熱投勳章

7^#

發表於 11-7-21 23:20 |只看該作者

兩位加油~~

私人傳訊

kaorisa

男爵府

積分: 8997

8^#

發表於 11-7-30 13:18 |只看該作者

Eli10 發表於 11-7-19 22:07
老公.. 唔經唔覺同你分開左5個月喇.... 你自己一個人係出面住, 慣唔慣呀.. 我好掛住你呀..
雖然可能依家我 ...

婚姻需互相承諾,不可拿離婚開玩笑,多的溝通,雨過會天晴.

私人傳訊

積分: 736

9^#

發表於 11-7-31 00:56 |只看該作者

好耐冇見你留言了, 你好嗎?

私人傳訊

hare910

積分: 759

10^#

發表於 11-7-31 11:09 |只看該作者

看到你的留言…明白你的心…希望一切都會轉好，不論事情發展如何

私人傳訊

積分: 191

11^#

發表於 11-7-31 12:03 |只看該作者

回覆 npyuen 的帖子

阿b 中左玫瑰疹, 搞左成個星期... 依家 ok哂喇... 但好痴身.. 希望遲d好d啦...
老公知阿b病左, 佢每日都有問住阿b個情況, 仲黎左睇佢幾次...
雖然我知佢唔係黎關心我, 但我見到佢. 個心都... 唉...唔識形容.. 又唔係好開心..但又唔係唔開心囉...

我有嘗試表達俾佢聽, 我會守住係神面前對佢立既約... 不過同你一樣.. 佢無反應, 只係回應話好掛住個女囉...

琴日同阿b 返 playgroup , 第一堂.. 唔知係佢唔慣定點呢.. 喊足大半堂, 死都要攬住我, 老師叫做咩都唔肯.. 見到人地d 小朋友, 有 daddy mammy 一齊玩, 我個心好酸... 點解我既小朋友會咁慘...錢又俾左無得退, 感覺真係好差.. 唔想同佢再返.. 第時阿b真係要開始返學, 我都唔知點... 實心痛死..

神呀, 點解祢願意見到祢既小孩變成咁... 當日是祢認為是適當時候才給我們一個嬰孩, 但係佢出左黎5個月就要佢無左 daddy... 可能佢依家仲未知自己咁慘... 大個之後你要我這個 mama 點講俾bb聽呢個事實？　求祢，　主呀.. bb 需求一個完整既家, 佢需要愛佢既 daddy... 請祢還她吧...求祢..我們已經受夠了祢的錘鍊, 已經很痛苦了.. 我知道要如何珍惜我既家, 愛我的家人, 如何的親近祢... 求祢憐憫我們吧...

私人傳訊

par3186

子爵府

積分: 11987

畀面勳章

12^#

發表於 11-8-1 13:51 |只看該作者

你比d耐性
同時間大家la
神....一定安排最好的在後面ga
加油ar..... [我唔系信主ga..]

點評

npyuen 說得對, 我們所信的上帝一定安排最好的給我們! 多謝你的提醒和鼓勵! 發表於 11-8-2 20:09

:-? 沒有一百分的另一半，只有五十分的兩個人 :wave:

私人傳訊

積分: 736

13^#

發表於 11-8-2 19:59 |只看該作者

回覆 Eli10 的帖子

莫說是小朋友, 當大人病倒時, 都特別想人關心, 呵護吧... 經一病, 孩子又會成長多點, 放心吧!

照你咁講, 我覺得你老公都仲關心你們的! 有朋友跟我講男人要面, 就算他再關心都好, 他仍要擺出高姿勢... 我不肯定這講法是否真實, 不過我相信若他真的決定要斷絕關係, 就可以做得更決絕囉... 我係咁樣鼓勵自己的: 我邀請老公一齊食飯, 他不拒絕已是他的讓步了! 有第一步, 就有機會行第二步, 一步一步慢慢來啦! 最緊要係自己盡力做好, 並堅持唔放棄, 其餘的就交給神吧!

我都好明白生活上常有觸景傷情的情況... 自我小產到現在已2個月了, 但每當我遇上大肚媽媽同d BB時, 我的情緒就立即被牽動, 感覺很難受... 我都有問過神為甚麼, 但一想到天父比我還愛我的BB時, 我就不會再問了... 試想若天父不愛我們和我們的孩子時, 我們的情況不是比現在更差嗎?! 若我們信得過祂, 就真的要耐心等候了... 我鼓勵你下次帶BB去playgroup時, 你禱告神, 多謝祂給你看見他人家庭的溫馨, 求主大大祝福你自己的家庭, 並深信有一天你們一家能再次被上帝的愛連在一起, 重現美好時光. 我就是確信這是上帝的心意, 而當我們按著主的心意求, 祂就聽我們!

「我們若照他的旨意求甚麼，他就聽我們，這是我們向他所存坦然無懼的心。」約一5:14

加油呀姊妹, 我會以禱告不斷十卜你們!!!

私人傳訊

積分: 736

14^#

發表於 11-8-2 20:08 |只看該作者

par3186 發表於 11-8-1 13:51
你比d耐性
同時間大家la
神....一定安排最好的在後面ga

姊妹, 你看! 未信的朋友都相信我們的神有最好的安排, 不是很奇妙嗎???

我都有一位未信的好朋友曾提醒我上帝的大能, 我就深深知道神要我信靠祂!

所以我們真的要堅持下去呀, 神就在我們前頭, 正為我們開路呀!

God will make a way, where there seems to be no way. He works in ways we cannot see, He will make a way for me!
He will be my guide, hold me closely to His side. With love and strength for each new day, He will make a way, He will make a way!!!

私人傳訊

kaorisa

男爵府

積分: 8997

15^#

發表於 11-8-3 00:41 |只看該作者

努力加油.

私人傳訊

妮妮妈

大宅

積分: 2389

16^#

發表於 11-8-8 17:03 |只看該作者

没有人,一身都只会行平路.遇到波折时不要偏向一边去想.你要相信主愛你和你的小朋友.你要相信祂一定会带你们走正确路!加油!加油!

有爱心.勤力.不计较的陪月员.保健员.抽血员

私人傳訊

積分: 191

17^#

發表於 11-8-10 17:38 |只看該作者

但係我其實真係諗唔通!!

我諗無人會反對一個小朋友, 有親生父母係身邊係最幸福快樂, 咁既然咁樣係最好既時候, 點解佢要俾我個女無左個老豆囉...

我依家做人媽媽, 我都知有時個女想要得到一d嘢, 例如係針咁.. 我明知會整傷佢, 所以佢幾唔鍾意, 大喊都好, 我都唔會俾.... 但係一個女人既丈夫, 一個小嬰兒既親生爸爸點都唔會係一支針掛, 咁既要求好過份咩???!!!

但佢既安排, 總有佢既意思... 依家我真係唔明... 可能遲d明, 又可能一世都唔明.. 咁就等上到天堂既時候問啦... 若果上唔到既, 請各位姊妹有機會幫我問...

私人傳訊

積分: 736

18^#

發表於 11-8-13 23:54 |只看該作者

姊妹, 我幫你問又有甚麼意義呢?! 這個忙我幫不到你了, 要問你就自己問... 我好明白你的心情... 我都會問相似的問題, 你的想法和要求一點都不過份!

但當我們遇到一些想不通, 甚至係不能理解的事情時, 我們真的要學習放手, 我們的生命有好多限制, 有好多事情都是我們不能掌握的... 唯一可做的就係交給神, 由祂處理! 我們真的不會知道祂會點做, 但我們總要信任祂! 要堅持相信祂很愛我們, 祂最為我們切想, 我們所交付祂的事祂必認真處理! 上帝的意念遠高於我們的意念, 我們要打破自己思想的框架, 全心仰望上帝的工作...

我能這樣說不代表我能這樣做, 但我卻不斷提自己要堅持相信! 再辛苦都要捱下去, 總有一日會見到上帝的作為...

求主堅固我們的信心, 耐心等候祂!

私人傳訊

wcpcelia

雲母殿

積分: 1367084

虎到金來勳章 2018父親節勳章 2018母親節勳章 2018復活節勳章開心吸收勳章最關心BB問題熱投勳章認識瑞士牛牛第二回認識瑞士牛牛第一回育兒性格勳章我的育兒心得勳章想生BB熱投 DHA勳章好媽媽勳章醒目開學勳章畀面勳章 wyeth冷知識勳章貢獻勳章環保接龍勳章親子達人勳章 hashtag影視迷勳章 15週年勳章親子王國15週年勳章

19^#

發表於 11-8-14 15:41 |只看該作者

樓主,謝謝你的分享,希望你和小朋友好好加油呀

私人傳訊