Baby Kingdom - 親子王國 香港 討論區 › 首頁 › 0-6個月› 新手爸爸好多野一問

0-6個月

收藏本版
發帖
返回列表
跳至頁

首頁
1

尾頁
   0
Syter


複式洋房

積分: 196


1#
發表於 11-9-15 18:01 |只看該作者
我囡囡上星期二順產出世，出世時2.65磅, 之後老婆在醫院都埋身餵母乳，及後3日後出院便發現黃疸3百幾度 (嚇死我地), 之後第2日再入醫院照燈, 3日後出院。出院時俾出世時輕了一點, 大約2.4x磅，由於在醫院照燈時姑娘姐姐係俾60ML佢飲, 所以出院後都俾呢個份量 (每2.5小時一次母乳)，而由於老婆怕再埋身餵唔知餵左幾多, 所以爸爸(我)在家時我餵, 佢負責泵奶，而佢泵完D奶會放入雪櫃冷藏, 而每次囡囡飲奶時便弄暖給她飲, 故此一直都是純母乳 (但辛苦了媽媽 ><)。

現在已9日人仔了, 其實應該飲多少呢? 因為昨天老婆帶囡囡去健康院時 (8日人仔)姑娘姐姐CHEAP話體重都算正常, 但都係輕, 所以明天(星期5 - 10日人仔)要再去健康院CHECK體重等事情。琴日開始就大約2.5小時 (1日約9-10餐), 每次飲75ML-80ML左右。其實是否已經足夠呢? 而由於餵夜奶由爸爸(我)負責, 可惜今早凌晨自1:30AM餵完後，原先打算4點再餵，但一來自己很眼訓, 二來眼見囡囡訓得好淋, 沒有刻意叫醒她飲奶，終於到早上6時左右便狂喊了, 於是媽媽便出動餵奶。而爸爸 (我)因為要上班關係，這幾天自出院後都睡得不好，所以便繼續休息。

但其實這樣好嗎?
1) 每日9-10餐, 每次75ML-80ML純母乳，其實是否足夠? 因為本身感到可能體重輕一點，所以都很擔心不知奶量是否足夠?
2) 如果根據我的SCHEDULE去餵，1:30AM, 4:30AM, 7:00AM是否合適呢? 是否在她熟睡時叫醒她飲奶呢? 雖則我也知道BB訓覺仍會自動波飲奶的，但是否在體奶積存咁多奶睡眠好呢?
3) 琴晚發現囡囡飲夜奶時 (熟睡中), 頭部以至頸部比早上或晚上時特別特別鬆, 真係好驚整傷佢, 可能同佢熟睡有密切關係，那應該怎樣辦才好?
4) 餵奶或掃風時，囡囡間唔中左右移動, 又有時會用手仔推開奶樽，我想應該都要繼續讓她飲晒才收工, 對嗎?
5) 在醫院照燈時，由於只有爸爸 (我)負責探望囡囡 (始終媽媽生產後不易出出入入), 而那裡姑娘姐姐教我餵奶時用手指 (頭2隻)從後面叉入托住個下額餵奶，但有時我頭2隻手指在支撐承托囡囡下額時會弄到她的耳仔, 我好驚會弄傷她或弄到"DOVE風耳", 應該怎樣才好呢?
6) 我有時抱BB時咪需要托BB後腦抱起她, 托起她時感到她後腦好似有血管 (也許是正常), 感到有條粗粗野, 我估係血管, 但當然唔敢深入漠佢, 我也是不小心才漠到, 不漠到由自可, 漠到就驚是否她腦有甚麼不正常的問題。真的驚驚! 大家有咩意見?
7) 最後便是奶奶與老婆的關係了, 由於老婆生產完後便在我娘家坐月, 可以方便我媽媽 (奶奶)照顧，且當老婆放完產假後，便由奶奶接手平日上班時由她照顧囡囡，可惜自經照燈事件後，再經昨日健康院姑娘姐姐話囡囡體重正常但偏輕，她們便對於老婆堅持餵母乳有微言，而老婆亦向我投訴她們，變相爸爸 (我) 企在中間成為磨心，老人家不想孫兒體重輕，想她健康成長，加上爸爸 (我)由細到大都係食奶粉大, 所以她們老人家便想我同老婆傾傾溝D奶粉俾囡囡食，但我老婆十分堅持餵母乳, 始終母乳對BB發展及吸收都係百份百好過奶粉, 但她們老人家又說奶粉會加入其他維他命等成份, 會過過母乳, 間唔中溝D俾囡囡飲, 媽媽(多時間休息)及囡囡(吸收)2者都得益。而我其實囡囡係夠食, 我都想佢飲母乳, 因為我地明白母乳同奶粉的分別。所以上文才提及究竟飲70-85ML是否足夠。而其後奶奶 (我媽) 可能灰氣說將來你們 (我們2公婆)番工後, 會用「爽身粉」幫囡囡塗, 唔似我地 (我同老婆)次次換片後塗「花士令」, 但我地都知「爽身粉」現今說對BB氣管唔好, 所以都係唔知點算好, 大家有無咩意見??

感謝大家爸爸媽媽用這麼多時間看完我這個既「新手爸爸」，亦是「可能第一個患上產後緊張擔心囡囡症狀的爸爸」, 謝謝!
私人傳訊

mupooh


琥珀宮

積分: 152793

好媽媽勳章 畀面勳章 環保接龍勳章 BK猜猜猜慶中秋


2#
發表於 11-9-15 21:37 |只看該作者
我d仔女係食奶粉，之不過食奶粉定母乳都好，滿月前一定要半夜餵奶，唔好見bb訓得林就唔比奶佢飲，訓緊覺時bb都會啜架~
私人傳訊

cotychan


伯爵府

積分: 18748

畀面勳章 環保接龍勳章


3#
發表於 11-9-15 23:24 |只看該作者
你太太之後駛唔駛返工呢?如果唔駛,不如埋身餵更架好.埋身雖然唔知囡囡食咗幾多,但係佢食夠就會停,係唔駛擔心佢食得少.而且偎身媽咪無咁辛苦,又要泵奶,泵親最少半個鐘,又要洗奶樽奶泵咁.埋身上奶亦會好啲,會因應囡囡食到幾多,而自己身體週節要上幾多奶.

好難講話一個小b,每餐要食幾多.但係我覺得,2.5一個鐘,食得太密,我2個仔出世嗰磅數都同你個囡差唔多,都係頭半個月三個鐘餵一次追磅數,之後慢慢較到4個鐘一餐,除非佢早咗喊.同埋如果媽咪谷奶,就直接比bb埋身食.

如果睇你咁講,2.5鐘食差唔多2安,我覺得ok,或者係多咗少少tim~出世幾日會收水,係一定會輕咗,唔駛擔心.瞓得既bb,會重得比瞓得少既bb好,如果佢瞓咗,我唔會叫醒佢,不過呢樣嘢,好睇個人點諗.或者可以比佢瞓多一陣,半個至一個鐘都唔起身食奶先整醒佢.不過通常佢唔餓,夠飽就會瞓.如果埋身餵,就唔會有起咗身要等啲奶整返暖先有得食,喊到拆天既問題~~
私人傳訊

Syter


複式洋房

積分: 196


4#
發表於 11-9-16 10:34 |只看該作者
So far 佢都好少喊醒話要食奶, 唔知算唔算食得足?
琴晚我2:00 餵佢食左90ML, 結果最後餵完 + 換埋尿片 + 呵訓, 搞到3點30分落床。如按原先計劃, 應該4:30分要叫醒佢飲奶, 如是咪訓得1個鐘? 佢飲得, 我都眼訓死 (第2朝又要番工), 所以就唔叫醒, 直訓到今早6時許, 老婆起身餵佢), 都唔知夠唔夠。

但剛剛老婆去完健康院, 帶阿囡磅過都有2.67, 醫生話都重左, 都幾理想, 叫我地繼續。我想可能我地個SCHEDULE同泵奶餵母乳係WORK。以家老婆想1日可能2-3餐埋身餵, 咁樣對2個都好D。大家有無D咩埋身餵經驗?

私人傳訊

cotychan


伯爵府

積分: 18748

畀面勳章 環保接龍勳章


5#
發表於 11-9-16 16:49 |只看該作者
因為琴日唔得閒,所以答咗你一半.

BB一餐食90ML,咁如果用樽餵,佢要食幾耐先食晒支奶?點解會搞成個半鐘先放番佢落床?

可以日間餵奶,夜晚就用樽餵,咁媽咪會無咁攰,如果你係夠精神既,就可以幫手用樽食.你想問啲乜嘢埋身餵經驗?邊方面你唔明,其實餵母乳,可以去母乳版貼POST.

2.5鐘,我覺得食得太密啦!佢無時間瞓,就唔長肉.媽咪無時間休息,奶量亦都唔好,2個半鐘,啲奶都做唔切啦!

姑娘教你從後面叉入托住個下額餵奶,其實你可以托住佢成個後腦都得.你講既後腦有條好粗既嘢,我無留意過,如果有問題,下次番健康院問下姑娘.

如果覺得囡囡條頸好鬆,好無力咁,好正常,你抱佢輕輕托住佢個後腦就OK.

而老婆同99關係,好睇你係中間咁調停,餵人奶你多啲支持你老婆,一方面多啲同你媽咪講母乳好處,返健康院既時候,帶埋佢去,叫姑娘同佢講解下母乳.而且只要有成績,係有目共睹既.到時你媽咪就唔會再講任何嘢.多啲照顧你太太感受.

會用「爽身粉」幫囡囡塗, 唔似我地 (我同老婆)次次換片後塗「花士令」, 但我地都知「爽身粉」現今說對BB氣管唔好, 所以都係唔知點算好, 大家有無咩意見??←而家有啲叫爽身液,係爽身既液體裝.你推薦比你媽咪用.
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy