吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 王學勤醫生????

懷孕前後今日: 1|主題: 330601

收藏本版

發帖

返回列表

跳至頁

查看: 7358 | 回覆: 5

王學勤醫生???? [複製鏈接]

bobopopeye

複式洋房

積分: 410

1^#

發表於 05-10-10 09:56 |只看該作者

王學勤醫生????

有冇人順產睇過王學勒醫生,good or not??

私人傳訊

halui

大宅

積分: 2889

2^#

發表於 05-10-10 10:17 |只看該作者

Re: 王學勤醫生????

我都係睇緊王醫生, 但係今之只係第一胎. 不過我有幾個朋友都係睇佢, 有d係順產亦有d係開刀, 個個都讚佢細心, 所以佢地都推介我睇佢囉.

私人傳訊

bobopopeye

複式洋房

積分: 410

3^#

發表於 05-10-10 10:34 |只看該作者

Re: 王學勤醫生????

咁都放心d!因為我本來係睇鄭君成醫生,掂知到我7個半月佢先話唔接生,(因為佢話今年醫管局加佢保險費加到20幾萬wor!又話可能退休wor!)比佢激C!!

所以我朋友介紹我睇王醫生,睇過兩次,感覺都幾好!而冢34週,

私人傳訊

lyctina

男爵府

積分: 7025

醒目開學勳章畀面勳章

4^#

發表於 05-10-10 10:35 |只看該作者

Re: 王學勤醫生????

我未有bb之前都搵佢做過手術,跟開佢睇婦科,一路都ok...其實我都覺得佢手勢係幾好,我有幾個姊妹都係睇開佢,
我有咗bb初期我作小產,唔知係咪因為0個日星期六,佢好多客,勁冇心機同我睇,咩都冇同我講,只係話我作小產,2個星期後返0黎睇啦...!bb未死得,仲有心跳,冇見紅就唔係大問題0架啦,好多人都係咁0架啦,十個都有3個係咁0架啦.....我問佢多句佢好似好唔內煩咁,你知啦...我第一次有bb,唔知頭唔知路,你話比我知作小產,我真係好擔心,唔知有幾嚴重0架嗎...!!
之後格咗2,3日仲見啡,嚇死我,走咗去睇第2個e生,之後就冇再返去睇佢啦...!!!
不過佢好飄忽....你星期一至五去,佢小人d,佢會好聲氣d,星期六多人d,可能佢做到炆,就會冇咁好聲氣...!!
依個係我個人0既經驗同感受lor....!!

私人傳訊

halui

大宅

積分: 2889

5^#

發表於 05-10-10 11:07 |只看該作者

Re: 王學勤醫生????

朋友介紹佢比我之前都比左心理準備我, 話佢唔多講野. 佢會認為普通既就野當妳知, 就唔會主動講, 妳問佢至答.
之前我都有d擔心, 因為我係第一胎好多野都唔知, 好驚佢唔肯講, 不過睇落都feel到佢真係幾緊慎既, 因為我去做第二次檢查, 佢發現bb有少少不穩定, 佢好詳細解釋比我地知原因係乜, 跟住佢就寫左兩星期假紙比我, 叫我要多d休息, 否則有可能見紅. 兩星期之後再去檢查危機已過左, 我就立即放鬆晒啦.
我第一次去都係星期六, 真係好多人, 以後都唔敢再星期六去啦. 幸好我就無類似 lyctina 既不快經驗.

私人傳訊

fsy

男爵府

積分: 8470

6^#

發表於 05-10-10 13:48 |只看該作者

Re: 王學勤醫生????

我之前都睇過呢個醫生, 但係有啲非常差既經歷. 件事都過咗大半年, 之前我都有係 bk 度提過, 今次見有人問起都想比你哋知道.
其實舊年七月既時候我有咗, check 到有咗之後唔夠兩個星期有見紅. 我屋企樓下既普通科醫生介紹咗王學勤比我. 到七月尾果陣最後都小產咗. 果陣都覺得佢ok, 仲安慰我哋話咩物競天擇, 好多人都會小產. 我同我老公都覺得佢無咩嘢, 所以之後都有返佢度覆診.
到今年三月我又有咗, 點知又有見紅, 於是諗住搵返佢睇. 第一次去睇, 佢話淨係見到胎囊, 未見到個胎, 又話個胎囊個 shape 唔係好理想. 跟住開咗啲安胎藥同葉酸比我, 叫我過多一個星期再返去睇. 之後我隔咗九日再返去, 佢照完 ultrasound 之後同我講話個胎唔得, 仲叫我約埋時間入院做括宫, 我個刻真係唔知比咩反應, 佢見到仲話就算我再睇多幾日個胎成功既機會都係得 5%. 由於我之前果日先睇完中醫, 個中醫仲話個胎應該無問題, 所以我決定再睇多個醫生.
係同一日既下晝 (相隔大概一至兩個鐘), 我去咗另一個醫生度睇, 將個情況講晒比另一個醫生聽. 點知第二個醫生一照, 就同我講個胎已經有心跳, 仲教我老公點睇添. 而家我已經三十六週咯, bb 預計十一月頭就會出世.
我之所以咁詳細咁將成件事寫出黎, 係真係好希望你哋考慮清楚先搵呢個醫生. 想當日如果我信晒佢, 我就等於殺咗我個仔. 我覺得佢覺得小產太平常, 所以好容易就判斷人哋個胎唔得. 我啲朋友都問我點解唔告佢, 就咁就放過佢. 我當時知道 bb 無事已經唔想再諗其他嘢, 但到今日我老公每次講起都仲好嬲.
所以奉勸各位, 真係要諗清楚, 同埋千祈唔好信晒一個醫生, 有啲咩都係睇多個穏陣啲.