很惱怒...
我個bb就生日，上個禮拜老公果邊有個親戚打電話俾我地，話想禮拜六(i.e. 十月一日)過來我地屋企同bb慶祝。
有人主動話同bb慶祝當然好啦，但係果個親戚一家三口連工人，次次來我地屋企都搞到好夜先走，我個bb好幾次一見到佢地就喊到收唔到聲(因為佢地嚇親佢)，果日我工人又放假(公眾假期)冇人幫手，我咪同老公講，果日來我地屋企唔係幾方便wor，我唔想湊bb一日還又要煮飯又要洗碗，佢工人唔放假，不如我地去佢地屋企啦。好野，去人地屋企就好，人地要去佢屋企，佢就一口拒絕(奇啦，咁佢又點解覺得我地方便招呼佢地呢?)。
跟住我話大家好做不如出去食個飯啦，一輪溝通後，佢地提議左一d好遠既屋村酒樓(就佢地wor，係啦，佢地好八閉架，次次都叫我地就佢地去d咩山卡啦地方食d佢地認為好抵食既野，我地就次次番來煮公仔麵)。老公話點都係為我地唯一一個女慶祝生日，應該去d好小小既地方。我咪打鑼問左幾間好d既食肆，好唔容易book到位(因為十一有煙花睇，所以港島區都幾難搵)。老公就打番俾果個親戚。點知佢話:
"吓，xxx，好貴wor (其實都係美心果d酒樓，唔係咩高高高級地方囉)，我地唔去囉，下次啦。"
跟住就收左線，然後冇左下文。
我真係好惱呀。
1. 我地冇預算要搞生日會，只係會正日買個蛋糕，同bb靜靜地過生日。
2. 我地冇邀請果家人，係佢地自己要來既。
3. 唔理人方唔方便，夾硬一定要來我地屋企。
4. 佢果日明明有工人幫手，都唔俾我地去佢度。咁有心，又唔招呼我地?
5. 出去食飯，又唔係佢請(我係打算我請，但係未講到佢就收左線)，唔可以就下我地主人家咩?
6. 依家係我地個BB過生日wor，唔係佢地個bb過生日wor。唔滿意咪再商量囉，冇左下文，即係算點呀?
我想反面呀。
laughin' to keep from cryin'
發表於 
ようこそ！ご覧で下さい !
返回列表
