話說我個好朋友有強迫症既性格. 雖然佢老公之前好愛佢, 忍受左好多無理取鬧, BOSSY性格, 但十年後既今日, 佢老公終於頂唔順, 要分居, 話唔可以再同佢一齊, 其他事到我朋友醫好個情緒病先算.
我朋友亦知事態嚴重, 終於同意去睇精神科, 開始食藥. 之前佢唔認為自己有問題, 所以死唔肯去.
而家兩個人分開主.
一人一間屋, 一個工人跟一個細路.
佢剛剛生完BB (二個月大), 細因跟佢, 由新工人照顧, 而老公就同個大囡 (2歲幾), 舊工人一齊住, 因為大囡好跟舊工人, 所以就咁安排.
好啦, 問題開始出現, 我朋友雖然有強迫症性格, 但絶對唔係D疑心重既人, 但近來佢發覺個老公同個舊工人有D唔對路, 例如:
1.
個老公送左個有大囡樣既key ring比個舊工人;
2.
個老公要返英國散心, 帶埋大囡同工人去; 之前又一齊去迪士尼玩
3.
個工人近來天氣涼的情況下, 係屋企時常著超短衭; 留指甲, 放低長頭髮, 全部都係之前我朋友唔比佢做既野;
4.
我朋友因為下星期一就放完產假返工, 要返去老公個邊攞衫, 用喼時, 個工人同佢講先生借左mum個喼比佢用, 我朋友即刻着火, 問佢點解唔用自己個喼, 唔會比佢用.
點知個工人話要問先生先可以比返個喼我朋友; 最後係佢老公借自己個喼比個工人!
5.
叫佢做野唔聽, 駁咀;
6.
佢老公話個約完左, 下次個顧主名寫佢, 唔係我朋友.
7.
個老公同大囡同一間房, 夜晚個工人會入佢地房安撫bb (如果bb睡得唔好)
8.
叫老公上去佢個邊睇細囝, 原本話好, 後來就話要就工人個煮飯時間唔去;
其實我朋友問左個老公二次佢同個工人有冇野, 佢老公話冇, 佢只不過當係人與人之間既尊重, 唔係當工人咁使 (佢老公係外國人), 仲話而家唔會, 將來都唔會.
而我朋友亦因為老公既承諾而信任佢, 但心底裏卻驚個工人係特意咁做, 就算佢老公唔係有心, 但難担保個工人唔係有心咁做.
每次我聽佢講都好心痛, 亦担心個工人有企圖, 但應該點做呢?
如果炒左個工人, 一定會激男女男佢老公, 話佢分開左都仲要控制住佢, 管佢d野.
佢老公認為因為佢兩個關係咁唔穩定, 個工人係個囡唯一可以安心既事, 所以一定唔可以冇.
但唔通就咁比個工人上位嗎?
大家覺得個工人有問題嗎?
我都唔知比乜意見佢好….
發表於 
為對仔女
返回列表
