本帖最後由 wongarma 於 11-10-21 17:03 編輯
我又講下件不可思議既事件先，不過打字好慢，組織能力又可能唔係咁好，請見諒。
好不幸…我阿媽喺舊年因病逝世，而件不可思議的事件係發生喺佢過身後既第三日...............
事源當日我要返娘家執拾阿媽既遺物（因我較熟知阿媽既脾性，會知佢Ｄ野鍾意''攝''喺邊），上去前，我約左同我媽同住既阿哥、嫂飲茶，飲茶期間阿嫂同我講：琴晚我夢見阿媽返左黎呀，個夢好真實架！
我：下？佢自己返？定有牛頭馬臉陪佢呀？
嫂：有個好高、好似做大戲果Ｄ''大花臉''既人企喺屋企門口等佢，冇入屋架。
我：咁阿媽有冇同你講野？
嫂：冇呀，阿媽入左自己間房摷左輪野，跟住無啦啦用鄉下話講左句「好喇、好喇」就急急腳咁走喇，但臨走前，按左一下平安鐘喎。
我當時聽完就算，半信半疑又覺得阿嫂係日有所思、夜有所夢咁，亦完全冇在意佢話阿媽按過平安鐘呢件事。
好喇，飲完茶上樓執完晒野，我同阿嫂坐左喺客廳左面既餐檯傾偈，而阿哥就出左露台食煙，當阿哥食完煙從露台行返入廳既時候，客廳右面既平安鐘竟然無故響起！而種響法…係一定要有人按動果種呢，另一邊（平安鐘公司）即刻有人回應：平安鐘，有乜野幫倒你？
全屋得我地三個人，當時都Ｏ晒咀咁互望，靜止左幾秒後，阿嫂先埋去答：er.....個老人家過左身喇，唔需要再用平安鐘，你地搵人黎收返佢啦。
我當時雖然唔係驚，但真係成身既毛管都戙晒囉，而我地就唯有諗係阿媽怕我地唔知個平安鐘要比月費，所以返黎搞掂埋Ｄ''手尾''囉。
唔知點解…反而佢回魂果晚又咩事都冇發生過喎，Ｄ祭品亦原封不動咁，唔通真係阿嫂夢見佢果晚就屬於回左魂???
要從一種感覺中"走開"，回到屬於原本自己的地方，是一種本領。
當你練就了一身好武功，回頭看那些痛苦已化為灰燼，你會慶幸自己又跨過了。 ...
發表於 
發表於 
mouth:
日間喎!
返回列表
