阿女3歲k1,讀緊int'l k, 佢地學校係混齡班0既,即係無分k1-k3,
一班入面有大有細,旨在大年齡0既小朋友可以教d細0既,同埋做個榜樣佢0地睇.
今日接阿女放學,班小朋友好鍾意一放學就0係學校出面塊空地周圍跑同玩.
其中一個4歲0既同班小妹妹,一路追另一個同學一路係咁講"FXXK".
我聽左幾次好肯定佢係講緊粗口,同埋佢應該係有心咁講.
因為佢一追唔到其他人就係咁講"FXXK".
我問另外個媽媽聽唔聽到果個妹妹講粗口,佢話聽到,都好愕然.
跟住我就叫住果個妹妹,同佢講呢個字係唔好0既,唔可以講,
點知佢竟然"FXXK"我,然後走左.
個女仔多數係工人接送,果個工人都係勁HEA唔多理果隻.
上次學校旅行時,個工人直頭係唔知行左去邊,無人理個小妹妹的!
我應唔應該同老師講?等老師同佢傾.
抑或有時會見到佢媽媽接送時直接同佢媽媽講好?
我又驚自己多事左,其實平時係佢父母係咁講,陣間做左醜人就好肉醜.
我就叫左阿女唔好執果個妹妹口水尾,
依家最擔心其他小朋友聽到又學埋佢咁講呢.
版權所有,任何傳媒論壇未經本人同意,不得擅自轉載!
發表於 
mouth:
返回列表
