唸緊係咪炒姐姐, 佢黎咗兩個幾月, 都係成日無乜心, 唔記得呢樣果樣, 叫佢煮野食搞錯晒, 炸菜蒸豬肉變炸菜炒豬肉, 蝦米叫佢煮節瓜, 佢將蝦米放埋入粟米,紅羅白合掌瓜湯到, 試過整錯野, 比我62話, 粒聲唔出走去買過d材料,
覺得唔啱食, 同我62 99講, 要去買野食, 我係無意中睇數簿先發現佢買過野, 我問佢先知, 買咗一個好似”舉約”size的辣椒醬$8, 用了2日餘下小小, 我覺得咁樣食法超貴, 同佢講比錢佢去午膳, 叫佢買廿幾蚊, 佢會買足數, 一蚊都唔蝕底. 佢唔自律, 慢慢我都唔再比錢佢keep了,
放假出去前又唔會執埋D野先, 飯枱有個碗都唔會收埋佢先出去, 莫講話小朋友煲粥粥.
又試過將小朋友有份學校的小禮物(食物盒內有兩條毛巾仔), 唔出聲自己拆咗, 毛巾未洗就放入櫃桶, 將個盒放入自己個袋到, 被99發現, 攞返出黎當無事, 之後我同佢講你有需要用要同我講, 唔可以自己收埋我D野.
我有兩個小朋友, 1歲同4歲, 因我62 99日日都上黎, 佢最多有時行開行埋幫手照顧下個細,同幫哥返學擦牙換衫, 但照顧個細的, 我地都唔多放心, 唉!!!
其實, 今次的觸發點係尋日, 我同姐姐帶兩個小朋友出街, 個舖頭個窄, 我叫佢睇住細佬係門口等, 佢又唔知帶埋細佬走去邊(同佢講過好多次唔好走開), 搵極都搵唔到, 都唔知係咪自己走咗返屋企(之前都試過), 於是打比佢, 電話唔通, 朝早都有問佢有無帶電話, 佢話有, 心急到不得了, 結果我趕返屋企, 仲未返, 唸住再出去搵, 佢就返, 我勁嬲, 問佢去咗邊, 佢惡返我, 問我去咗邊, 你睇我唔到, 我睇你唔到, 算! 咁個電話點解打唔到, 唔打比我, 佢話打唔到, 張卡無錢, 我都無用黎打比你點會無錢, 佢話用黎打咗返印尼, 總之對話理直氣壯, 一句錯都無認, 我就嬲到爆炸, 我同C6講我要換人, 夜D姐姐同我SAY SORRY.
我真係好想炒佢, 做野又不是特別好, 因為我真係唔信佢, 人又大胆, 還是我對佢的要求太高, 但驚之後再請到仲衺, 你地話炒唔炒好??
發表於 
返回列表
