吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 請俾意見, 我錯了嗎?

少年成長今日: 1|主題: 15991

收藏本版

發帖

返回列表

跳至頁

查看: 1472 | 回覆: 14

請俾意見, 我錯了嗎? [複製鏈接]

Joy

子爵府

積分: 12241

1^#

發表於 05-10-19 14:45 |只看該作者

請俾意見, 我錯了嗎?

我想SEND 以下封信俾學校, SEND唔SEND呢?

你們好!
我是天天的媽咪, 有些問題想請教一下, 望你們能在百忙之中抽空看一看並解答我的困惑.
首先十分抱歉, 我不該將這些家庭瑣事寫在這里, 不過關於天天的教育, 我又很想聽一下你們的專業意見.
今天跟張老師就有關天天星期一在學校午睡時賴尿一事討論過, 我相信老師也同意這不過是一件小事, 而我所關心的是小事後面看到的令我擔心的東西:
1. 天天會為了滿足我們家長的詢問而在腦海中編造一些想法說出來. (所謂童言無忌, 我不覺得他在刻意說慌, 或品德有問題, 只是不想他分不清事實與幻想)
2. 凡事要認叻
就第1點, 之前已跟劉老師達成共識, 我們家長在家中不要過於詢問學校的事, 以免天天為滿足我們的問題而編造故事或造成他不必要的心理負擔.
第2點, 基本上我認為追求上進是好事. 只怕他在未達到真的”叻”時就以為自己叻, 所以我一直避免在他不需要讚揚時過度去讚揚他. 誠然稱讚和鼓勵對孩子是十分重要的, 所以我會經常鼓勵他去做一些未能做到的事. 但就他力所能及, 或應該做到的事, 我不會有太大的反應, 我想要他明白這是他的份內事, 是他的責任.
另外就是, 我以為家長與學校多溝通, 了解孩子的發展及行為, 這樣可以在孩子走歪第一步時就糾正他.
不知各位老師對我以上的看法可有意見.
1. 因為天天的婆婆曾經也是一位老師, 她痛斥我把天天說的話告訴老師是一種出賣天天的做法. 如果老師明日問天天, 為什麼這樣跟家人扭曲事情時, 將對天天是一種傷害, 讓天天覺得不被信任及沒有安全感. 請問, 是嗎? 我真的做錯了嗎? 老師真的會對天天有成見嗎? 會認為他在說謊那麼嚴重嗎?
2. 我不介意天天在小時候受些挫拆, 最重要是我們一直在他身邊輔導他, 教他如何面對及處理困境, 這樣也不對嗎? 婆婆說天天在班中年紀最小, 我不該對他要求太多. 我真的對他太嚴厲刻薄嗎?

真的很抱歉要你們看我囉嗦, 我第一次為人母, 第一次為人家長, 真的不太懂處理. 我以為家庭與學校是同一陣線, 可以無所不談. 其實是不是我太理想化了呢? 我的行為是不是真的造成了老師的困撓和對天天不滿呢? 如果是, 請容我在此說句抱歉, 我相信每個孩子都是天真無邪的, 有問題的是因為家長自身未做好而教的不好, 所以學校指正一下. 謝謝!

我係天天豬, 爸爸媽媽好愛我呀!

私人傳訊

SUSANNA

伯爵府

積分: 17159

好媽媽勳章 BK Milk勳章

2^#

發表於 05-10-19 15:34 |只看該作者

Re: 請俾意見, 我錯了嗎?

我覺得你太緊張別人(老師/婆婆)說話了, 每個小朋友到學校係學習自理及學識, 尿尿這種事相信每日都發生在小朋友身上, 老師見怪不怪, 但我認同父母與老師應保持默契, 互通小朋友在家校表現. 才能有效地幫助小朋友成長.

私人傳訊

wongnysw

洋房

積分: 601

3^#

發表於 05-10-19 15:35 |只看該作者

Re: 請俾意見, 我錯了嗎?

Joy,
你好, 很高興看到你對孩子的關心和愛護, 我也是兩子之母, 非常明白父母緊張仔女的天性. 你寫信給學校一事, 我認為可先在口頭上跟校方傾談一下, 因為寫信好像"比較嚴重", 而且信中你提到的情況又不是如此的壞, 你媽媽都是老師, 你可以多些跟她傾傾, 再作打算.
信中你提及 "把天天說的話告訴老師是一種出賣天天的做法", 這句我有些感受.
我女女現三歲, 在小便方面仍未能控制好好, 有時因為玩得太開心而有"滲尿", 弄濕內褲. 白天在家中是奶奶照顧女女初時奶奶會把"滲尿"事件告訴我和丈夫, 我們會輕輕責罵她. 其後女女會要求不要把事件告訴我和丈夫, 奶奶應承了. 但當晚奶奶如舊把事件告知, 女兒馬上表現不高興, 她覺得奶奶出賣了她.
以後有 "滲尿"或其他特別我事, 女女也不想被奶奶知道, 可能她認為奶奶一定會再告知我們. 最終我們教導過, 女女才像以前般, 什麼事都會告知我們.
其實你可試試跟老師私下傾天天我情況, 但也請老師保守秘密.

私人傳訊

b_B

大宅

積分: 2249

4^#

發表於 05-10-19 15:42 |只看該作者

Re: 請俾意見, 我錯了嗎?

其實小孩子都好喜歡把自己幻想既事當成真, 這些都並非他刻意說慌, 而是有點分不開...這些都是正常既行為.
我們做父母的, 只要好好去聽, 鼓勵孩子說出想法, 不用刻意強調這個是幻想, 這個是事實....慢慢他會分清楚事實與幻想之分別.

當然, 你亦要不時和小朋友閱讀一些關於"說慌是一種不當的行為"既書籍.

以上是我個人既睇法, 小兒2yr幾亦時常把腦海中編造一些想法說出來當成真的, 我亦用同樣既方法看待他. 不用太擔心!!

媽媽, 我真係好愛好愛好愛好愛好愛好愛好愛好愛好愛好愛好愛好愛好愛好愛您!!..........冧晒 :-) ~~

私人傳訊

Joy

子爵府

積分: 12241

5^#

發表於 05-10-19 16:37 |只看該作者

Re: 請俾意見, 我錯了嗎?

多謝大家俾意見.

我寫信俾學校又真係一時之氣, 其實是因婆婆cut我線話唔同我湊仔後, 激到我咁既.

出賣一事, 我認為在孩子面前講就真係唔好. 所以我都是私下同老師講的, 我覺得老師同家長要好互相通聲氣, 才可更了解孩子, 才可找出更好的方法去教佢...... 但婆婆因此而話我出賣孩子.... 我真係好R頭.....

唉, 可能我也太激了...... 現在我冷靜左好多, 今晚我不會再同婆婆討論此事了. 以後也不講太多了, 唔想再傷感情, 畢竟她是辛苦養大我的媽媽, 而且她也是因為太鍚天天豬. 希望我做到啦.

我係天天豬, 爸爸媽媽好愛我呀!

私人傳訊

LeBlue

子爵府

積分: 10288

6^#

發表於 05-10-19 17:01 |只看該作者

Re: 請俾意見, 我錯了嗎?

我覺得你好關心你的小朋友的成長，
但我個人認為如果這封信只是一時抒發情緒會比較好，
因為學校不會了解你跟你媽咪之間的溝通方法
ｏｒ情況，亦不便介入．
不過其實你小朋友的年紀仍少，許多行為上
的問題可能跟本身發展進度有關，
ｅｓｐ．他在班中年紀較小，　所以不妨多給仔時間去成長，什至進步．
我的女兒也是班中最小，由ｋ１－２也沒有太大問題，
只是需要多點引導她學習，令她跟上進度．
但今年踏入ｋ３，我真的心力交瘁．
她這陣子變得很自我，硬性子，不願服從，
我也曾是小學教師，自問具備一定經驗＆技巧教導小朋友，
但為人父母時真不容易，因為往往容易有挫敗感，
令自己不免會過火，產生反效果．
不過，我是一個非常ｏｐｅｎ的人，
會樂於跟老師合作，一起教育小朋友．
今天我便剛剛跟老師呻呢．．．
所以我也有信心假以時日，小朋友會向著一個
積極的方向成長的．
始終，他們也需要時間發展自我，
對於父母，過程永遠是辛苦的．
我們一起加油呀．．．

　

私人傳訊

IRON

男爵府

積分: 8513

好媽媽勳章

7^#

發表於 05-10-19 17:22 |只看該作者

Re: 請俾意見, 我錯了嗎?

睇完咁長既信, 我都感受到媽咪對子女既關懷真係細心過爹地好多, 而自己都唔係特別既一個. ^_*

如果只係講到細路仔幻想.....我仔仔k1時都有段咁既時期, 佢唔多鍾意講學校野, 有時問10句答2句, 唔答就算; 有時又老作(問返先生話唔係), 我會同佢講要講真架, 我會問先生架, 我會係第二日當佢面問先生, 如唔係我就會叫佢唔好再咁講啦.....中期時已無呢個現象.

而家佢k2大左開始有d野唔想講爹地知, 只係俾我知, 除後我都會講返爹地知, 佢會唔俾我講.

至於"認叻"我又咁睇, 佢能力所及既我會讚, 能力不及既我會鼓勵但做唔做到都算, 做錯既我會打亦會解釋, 有時我都驚自己無意中要求高左而佢又好想做到我既要求, 但能力所限做唔到而灰心, 我都好留意自己既行為, 大前題當然係為佢好, 但不當時驚會有反效果.

終結我覺得妳仔仔既問題唔係大問題, 封信keep住先啦.一齊努力丫. ^_*

私人傳訊

Joy

子爵府

積分: 12241

8^#

發表於 05-10-19 17:36 |只看該作者

Re: 請俾意見, 我錯了嗎?

好多謝你地既分享.
我會啦, 努力努力!

(好在沒一時沖動按左sent out封信姐, 多謝大家分析同按住我, 如果唔係, 學校一定嫌我好煩啦)

我係天天豬, 爸爸媽媽好愛我呀!

私人傳訊

elysemama

伯爵府

積分: 19953

好媽媽勳章

9^#

發表於 05-10-19 17:44 |只看該作者

Re: 請俾意見, 我錯了嗎?

I'm very happy to see this topic and conversation as I can feel the moms here are supportive and willing to share each other.

I'm so touched by your action because I feel you're a great mother. Tin Tin Chu wil be proud of you.

Add oil!! Don't be worry too much.

私人傳訊

bryanssf

大宅

積分: 1060

10^#

發表於 05-10-19 21:31 |只看該作者

Re: 請俾意見, 我錯了嗎?

b_B 寫道:
其實小孩子都好喜歡把自己幻想既事當成真, 這些都並非他刻意說慌, 而是有點分不開...這些都是正常既行為.
我們做父母的, 只要好好去聽, 鼓勵孩子說出想法, 不用刻意強調這個是幻想, 這個是事實....慢慢他會分清楚事實與幻想之分別.

當然, 你亦要不時和小朋友閱讀一些關於"說慌是一種不當的行為"既書籍.

以上是我個人既睇法, 小兒2yr幾亦時常把腦海中編造一些想法說出來當成真的, 我亦用同樣既方法看待他. 不用太擔心!!

好同意,有時小朋友分不清,我囡囡有時都幻想有些事或者東西,我唔會太刻意問囡囡點解咁講,最緊要聆聽囡囡所講說話,當作為一個聆聽者.
另一方面,教導囡囡說慌是一種不當的行為.

私人傳訊

Ho_Ho_ma

別墅

積分: 932

11^#

發表於 05-10-19 22:59 |只看該作者

Re: 請俾意見, 我錯了嗎?

我個仔五歲,佢比工人服侍慣左, 很多野都唔肯自己做, 要佢自己做就有咁慢做咁慢等妳幫佢做,由於最近我自己捧回仔仔, 所以我要佢改善吓, 但用哂所有貼紙蓋章獎勵買玩具,讚賞,懲罰及駡都唔成功, 同佢詳細解釋佢又明白,但是做唔到.問佢點解做唔到佢又話唔知. 有無媽媽可分享下經驗,幫下我!!

私人傳訊

芝達

男爵府

積分: 8716

12^#

發表於 05-10-20 18:17 |只看該作者

Re: 請俾意見, 我錯了嗎?

對於小孩子有「被出賣」的感覺，我倒也認為很正常，咪以為細路仔年紀輕，乜都唔識，他們亦有自尊呢！

私人傳訊

kikimon

別墅

積分: 943

13^#

發表於 05-10-21 14:42 |只看該作者

Re: 請俾意見, 我錯了嗎?

b_B 寫道:
其實小孩子都好喜歡把自己幻想既事當成真, 這些都並非他刻意說慌, 而是有點分不開...這些都是正常既行為.
我們做父母的, 只要好好去聽, 鼓勵孩子說出想法, 不用刻意強調這個是幻想, 這個是事實....慢慢他會分清楚事實與幻想之分別.

當然, 你亦要不時和小朋友閱讀一些關於"說慌是一種不當的行為"既書籍.

以上是我個人既睇法, 小兒2yr幾亦時常把腦海中編造一些想法說出來當成真的, 我亦用同樣既方法看待他. 不用太擔心!!

b_B十分正確, 專家話小孩要到6歲左右才清楚分得開現實與幻想, 介時才要擔心, 請看以下美國網頁之專家分析. Lying : Why it happen and what to do about it (for 3-4 ages), 希望入面d分析及建議方法幫到你.

我常留意天天在有趣對話的posting,天天年紀輕輕就口齒伶俐, 心想照顧佢既媽咪及婆婆一定花了不少苦功及心血, 所以十分明白你緊張天天既心情, 天天既然表達能力強, 佢說話時將現實與幻想結合既情況一定更多, 令你擔心一埸, 我都有去同老師傾囡囡在校既情況, 目的是去了解囡囡是否適應校內生活, 及尋找囡囡需要協助的地方, 囡囡的說話並非不可信, 只是她表達能力一般以及會將想像加在一起, 例如某某老師沒有上學是事實, 但囡囡所講的沒上學原因卻是她從自己有限的生活經驗中想像出來的.

私人傳訊

小京

別墅

積分: 670

14^#

發表於 05-10-24 16:57 |只看該作者

Re: 請俾意見, 我錯了嗎?

其實我都同你有同一問題..我個仔都5歲幾...又係時常做錯野同發脾氣..話佢錯果時佢就話知..
但轉頭又重覆做錯..我都想知有無經驗媽咪有寶貴意見分享下
[quote]
Ho_Ho_ma 寫道:
我個仔五歲,佢比工人服侍慣左, 很多野都唔肯自己做, 要佢自己做就有咁慢做咁慢等妳幫佢做,由於最近我自己捧回仔仔, 所以我要佢改善

:party: :mrgreen: :mrgreen:

私人傳訊

Joy

子爵府

積分: 12241

15^#

發表於 05-10-26 11:58 |只看該作者

Re: 請俾意見, 我錯了嗎?

kikimom,
多謝晒你既資料呀. 好有用.
湊天天豬, 我都好多謝婆婆, 因為她同我一樣用心用力, 不過近日多了吵架, 因為婆婆現在真係縱佢.............唉.... 天天豬現在都頗任性

昨天老師又寫紙仔俾我, 原來天天豬昨天又在學校任性呀. 話說佢病, 老師事前同佢解釋之後就沒有俾糖水俾佢, 改俾面包, 點知佢將面包扔落垃圾筒, 發脾氣唔肯食. 之後老師好冇用咁妥協, 俾糖水俾佢, 點知佢講 " 我唔食你d糖水".............. 你地話水唔水.
搞到我昨晚又side左好耐口水教佢, 真係冇氣啦. 仲舉例話我細個都試過更唔乖, 不過知錯能改就是好孩子. 後來佢話打俾老師同面包say sorry, 叫佢地唔好傷心..............

ho_homa, 小京,
我覺得好習慣真係要由小培養. 我個仔由2歲幾已會幫忙掃地, 洗碗, 切菜, 晾衫..... 當時老公仲同我吵, 話我縱個仔, 麼都俾佢玩, 現在老公明白了. 什麼都在孩子有興趣做時, 俾佢試, 試下試下佢地就養成做的習慣, 而且會越做越好.

我係天天豬, 爸爸媽媽好愛我呀!

私人傳訊