吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我和我99的故事

婆媳關係今日: 0|主題: 27767

收藏本版

發帖

返回列表

跳至頁

查看: 2481 | 回覆: 21

我和我99的故事 [複製鏈接]

kathysmk

大宅

積分: 1723

1^#

發表於 11-11-9 03:31 |只看該作者 |倒序瀏覽 |打印

第一次貼POST, 有點長......不過我想話俾大家知, 其實本身都想做個好新抱, 但係唔係話你尊重99, 99就會尊重番你, 一個好新抱遇到個衰99都會由好新抱變做衰新抱, 環境迫成.........不過唔係個個個99都咁衰, 我身邊好朋友的99真係對佢地好好

6299之前本來係澳洲住, 後來因為孫仔出世, 6299回流香港居住, 本來和C6的幸福天堂生活, 開始變成地獄.........。62對我很好, 懂人情世故, 但是99就很頑固自私, 講嘢好唔理人感受, 貪錢又唔滿足 ...... 本來一開始對99恭恭敬敬, 但係發生太多事令我越來越不喜歡她, 主要係佢成日做埋D好自私的行為.........

3年前, 6299係我生B前個零星期回港, 住在我和C6一起買的單位 (我出首期, C6負責供)。因為自己一向有 "一家人應該一起住" 的家庭觀念, 自問和老人家亦想處到, 故我主動向C6提出讓6299來住, 還讓了自己和C6的套房給她們, 估不到我這種想法實在太天真了..........由第一天開始就家嘈屋閉, 因為99常常NON-STOP嘴不停鬧62。陪她們出去飲茶, 99常常掉低佢老公不理, 由我扶62慢慢行 (62行動不便), SHOPPING 買嘢可以行4個鐘不用休息, 我陀住個大肚同62企係度等。只係生活咗幾日已有頂唔順的感覺了........跟住幾日後入醫院開刀, 反而覺得清清靜靜, 有放大假的感覺。可是幾日後回家.......99就變本加厲了.........

回到家後, 除咗99每日不停嘈嘈嘈外, 更黑口黑面對我的陪月 (99想整嘢食, 但一整就幾個鐘, 佢話個陪月霸住個廚房, 好在陪月唔介意JA), 最過份就係屈我, 仲要晚晚召佢個仔入房係我背後話我, 例如話我無叫佢, 唔尊重佢, 話我唔識分配時間令佢不便等等........我每日都叫佢幾次, 只係佢耳仔有問題, 有時聽唔到, 自問平時都好尊重老人家, 朋友的AUNTIE UNCLE都很喜歡我, 話我有禮貎, 我真係唔知自己做錯咩嘢令到佢有咁GE感覺, 不過好在C6知道99份人係麻煩.........C6是個家庭觀念重而又十分孝順, 雖然佢無實際行動幫我, 但佢明白我無唔尊重99, 我都算了..........不過係坐月期間, 就係不停發生呢D事, 令到我日日都以淚洗面, 有少少抑鬱, 我成世女都未試過咁唔開心的..........62很好, 見我日日喊, 佢主動提出搬出。還記得99搬出嗰日, 佢仲要起度喊, 好似我趕佢出去咁, 我好衰, 無同情佢反而對佢更加反感, 之後我同C6講, 話有生之年我都唔想同99住, C6無出聲...........

99搬咗之後, 每個星期都會至少見一次, 每次見到我都會話我呢樣嗰樣, 好煩, 忍咗佢年幾, 有次可能心情唔好EQ低忍唔住對99黑面 (到現時為止只有一次, 我幾唔鐘意佢我都會扮笑笑口同佢講嘢), 之後2個月沒有出席C6家庭聚會, 但我無阻止C6帶仔仔見6299, 直至今年新年才出席番C6的家庭聚會.......再見番99佢對我有明顯改善, 起碼無無理取鬧咁話我, 對我客氣, 不過始終成日都要管我家的閒事這點沒有變 .......

個零月後, 62突然中風入院, 好彩大難不死, 但係就要坐輪椅和有時失禁。99日日打俾我C6嘈, 話照顧唔到62, 那段時間C6都好困擾, 跟住99請工人, 但個個都做唔過1個月就黑面等99炒, 最後話請工人好煩又話唔請, 自己做番...........每個星期見62日漸消瘦, 不似人形, 62又投訴99煮嘢好難食唔肯食嘢 (我都覺得係, 單調無味, 煮出來一PAT PAT, 又唔會煲湯俾62, 話無益, 成日都話唔買MADE IN CHINA的東西.......) 最重要係, 62 無一個舒適的地方好好養病, 幾年前金融海潚時佢剛回來, 叫佢襯樓價低買樓, 佢話會再跌唔買, 跟住一路都無買, 直到現在, 又話太貴唔買, 等市跌先買, 仲要佢好奄占, 要港島區新樓有會所有海景有商場有3房2廁又要平 (99身家約最盡900至1000萬, BUDGET只係會出到600萬) ...... 有時C6話佢佢又話我地緊張佢D錢有咩居心 (真係好反感, 成日以為人吼住佢D錢, C9成日叫佢洗晒D錢去唔洗留俾佢同大伯GA MA, 自問C6同我都係滿足的人, C6又算係高收入人仕, 我自己都有少少錢, 無99咁多之MA, 最重要係, 我同C6都覺得騙老人家錢好賤格GA, 係香港自己所見都有幾多仔女騙自己父母錢)

99連老公錢都騙呀, 話說6299係澳洲賣完樓的錢, 同埋99同62的私己錢要匯番去HK, 跟住C6將所有錢夾埋一齊入咗99戶口, C6話一次過方便D同慳番手續費WOR.......跟住匯到來HK, 62話想攞返佢嗰50萬, 跟住99話怕62洗晒D錢 (其實62只係平時飲吓茶, 又唔買嘢, 無咩錢洗, 睇醫生又係公立睇) , 唔肯俾番62, 初初話每月俾番3000蚊62, 但62話99只係每個月俾番1000佢JA ...... 62成日發晦氣話同99離婚, 攞番自己D錢, 又唔駛日日俾人鬧WOR .........我都有話C6, 明知99係咁的人, 應該分開D錢轉番HK..........

其實我同C6都預咗62得番幾年命, 見到62生活得唔開心, 無生存意志, 所以我好心軟, 不理朋友"強烈"反對, 同C6提議賣自己層樓, 同99夾份買層千幾呎的樓一齊住, C6好感激我的提議, 而99"初初"都接受, 因為可以日日同佢最愛的仔見面 ........ 有咁豁出去的決定主要係為咗62, 咁樣62可以日日見到孫仔, 我又可以幫手照顧62, 99嗰度取多扮聽唔到見唔到算了, 最差情況咪入房湊BB避佢LOR............跟住我地去睇樓, 睇中咗幾個TARGET, 咁就開始要傾傾買樓同生活分配問題...........

我同C6講 (1) 我最低要求係要有個工人房同工人廁, 因為我接受唔到同工人SHARE一個廁所 (2) 層樓我唔會出錢, 係C6同99一人一半, 因為唔想同99有錢銀上的瓜角, 但我裝修家電錢等雜費我包 (3) 比主人套房6299住, 另外2間房一間我地一間俾細路 (4) 以後屋企水電煤雜費買餸請工人都係我地俾, 自己計過約要18000-20000 ......... 其實我地出的條件己經好為老人家著想 (我自己認為), 因為我唔鐘意搵老人家著數, 99只不過係俾佢嗰一半錢同一半的厘印費雜費等 ........不過後來, 過咗幾日, 99開始縮沙, 話唔想一齊買..............

99話 (1) 點解唔買D平D無工人房嗰D樓 ...... 其實我都係就番佢個650萬BUDGET X2, 即係1300萬嗰D樓, 有工人房同無工人房差100萬, 我同C6講如果99俾工人入佢套廁去廁所的話, 我無所謂, 99話咁樣唔方便WOR ........頂, 咁即係點呀 (2) 99成日聽D姨媽姑姐講話D新抱好鐘意騙佢地老人家層樓, 跟住踢D 99走, 等佢地無地方瞓WOR.........又話層樓要攐俾銀行, 銀行無錢CALL LOAN點算? 如果C6走佬點算? ........ 嘩, 火都嚟埋, 咁諗我地, 咁信唔過佢個仔, 好地地點會走佬呀, C6正常過正常, 唔嫖賭飲吹, 點會無嗱嗱走佬呀???!!!! ......... 佢又叫C6, 話我地賣咗層樓, 應該收番好多CASH, 可以俾到8成首期, 如果俾6成首期風險好大WOR.......... 無錯, 我地層樓有賺又有CASH收番, 但係D錢唔係全部係你個仔GA, 層樓我出咗3成首期, CASH呀, 賺咗D錢係我同C6分一半GA, C6得百零萬收番JA, 我直程同99講出事實, 其實C6唔係有好多CASH JA, 大部錢係我GA (心諗, 我出裝修費都至少60萬至100萬啦, 層樓我無份我都付出咁多, 你仲想點????)...... (3) 99話留番主人套房俾我地, 嗰2間細房佢要WOR, 因為佢話62成日瞓覺轉來轉去, 攪到佢瞓得唔好WOR, 同埋佢又多雜物, 要地方擺........... 有無攪錯, 咁我地一家3口, 同預計出世的BB咪要迫係同一間房?????!!!!!............我現在的屋企, 有間套房, 有間衣帽間, 有間書房/細路房, 如果同你住我己經無咗我最愛的衣帽間, 又無自己空間, 你仲想點, 唔該你唔好咁自私啦!!!!! (4) 99話, 嘩咁我俾咁多錢俾首期, 計落你地唔駛俾好多錢, 你地好著數WOR............識唔識計數呀無知婦孺, 你淨係俾5成首期同厘印錢, 我地俾1乘同厘印, 仲要之後每個月幫你俾埋的支出, 計番係你著數WOR, 你地自己住都要萬幾蚊一個月啦, 現在可以慳番WOR, 我屋企自己都萬頭支出啦, 現在計埋你地, 我地俾多DOUBLE呀, 你想點呀!!!!!

聽到99的FEEDBACK, 我諗咗成晚, 早上同C6講, 我決定唔一齊買樓住了, 而C6我諗佢都無正面同99講我的決定, 之後買樓事件就不了了之............不過我同C6約法三章, 即使老爺去咗, 我都唔會接受到同99一齊住 (之前都諗過如果62去咗, 一個老人家生活咁慘, 我都會諗可能會接番99一齊住), 最多我只接受到99係我地隔離或樓上樓下住, 絕對不能同99同!!! 我好憎99成日以為我吼佢D錢, 佢成日以為佢係BLUE BLOOD貴族扮闊太.........好難頂

點評

la_source SWtwins 你真係好到無得頂, 你老公娶著你, 佢梗係前世救左香港,今世得來嘅福. 發表於 11 小時前

發表於 11-11-9 20:57

SWtwins 你真係好到無得頂, 你老公娶著你, 佢梗係前世救左香港,今世得來嘅福. 發表於 11-11-9 09:42

0 1 0

私人傳訊

Yeungkarrie

男爵府

積分: 5107

2^#

發表於 11-11-9 06:07 |只看該作者

回覆：我和我99的故事

睇晒成個po 文之後覺得你耐力驚人，比我一早開左波喇，如果佢連自己個仔都信唔過。都要擔心比佢呃的話，佢個人都幾可悲囉

私人傳訊

豆豆卡卡

大宅

積分: 1087

畀面勳章

3^#

發表於 11-11-9 07:39 |只看該作者

回覆：我和我99的故事

樓主妳無論對99或寫呢篇帖子都耐力驚人呀！厲害厲害！妳對妳62真係好有心，可惜妳62中左風形勢變得被動，比妳99gum搞法乜生存意志都無啦。睇得出樓主係一個好considerate 的人，妳已盡了一個好老婆應盡的責任，唔係好多人都有妳的心思，一次又一次為62同c6改變妳的原則。妳99太忌人了，自己仔係咩人都唔知咩？自己心抱同仔有能力又唔係候住佢d錢佢唔知咩？這是佢的性格，乜都要唱反調，以為個個都害佢，62都頂唔順，妳同佢一齊住的要求全部要反轉！算了，妳62無福氣同你地一齊住比你地好好孝順，但只要妳有心，得閒帶bb帶西餅傾下計，62都會感受到妳的孝心

P.s. 我用手寫版寫左一大篇，點知個衰ipad有個制叫＂還原＂！唔小心按左乜都無哂，激到我c

唔認衰！又寫過！yeah!

私人傳訊

sibylyau

大宅

積分: 4672

4^#

發表於 11-11-9 09:19 |只看該作者

回覆：我和我99的故事

樓主，我覺得你已做得好好，你99成日怕你地猴住佢錢，有d人性格同心態問題，因為我99以前都好似你個個，成日怕我c6猴住佢錢，我6299就離左婚，99男友一個接一個，我覺得似係佢男人猴佢錢多，好多都食佢洗佢，佢男人前妻醫病（未期cancer）都係我99出錢醫。男人個前妻死左至公開同99一齊左。我都懷疑佢老婆係醫院就死時，佢對9男女應該曖昧左一段時間。出殯我99又出錢出力。當時99自己中有個拍左4、5年拖既男友，呢個男人又係食軟飯。最後比99飛左。

老實講對住一個品行人格咁既女人，一開始我已無法打從心底中意呢種人。基於係老公阿媽，我可以係基本尊重。

樓主，你比我叻好多，我係同我老公講，要同99住我係吾會結婚架。

私人傳訊

kathysmk

大宅

積分: 1723

5^#

發表於 11-11-9 09:53 |只看該作者

yeungkarrie,
HAHA 我無咩耐性JA, 不過見C6對我真係好好, 我俾面佢JA, 不過99真係好信唔過人, 飲茶時都唔會放低個手袋, 一直"咩"住一路食嘢, 試過佢D仔話佢唔好咁啦, 好核突呀, 99一句話, "唔好理我啦, 放底用咩易俾人偷呀" 咁.......真係SPEECHLESS

豆豆卡卡,
我都試過你個經驗, 不過我只打咗2-3段仔, 我直程嬲到想掟部IPAD落地呀.....之後我用返電腦打JA

我以前係綿羊呀, 不過唔知係生咗仔定對得99多, D脾氣差咗......有時頂唔順奶奶時都會笑笑口窒佢GA, 所以奶奶可能會覺得我惡, 現在唔敢得罪我 ....... 另外我有時同62傾計, 都會同佢講話對唔住, 無做到新抱責任照顧佢地, 真係接受唔到99, 62就話佢明白GA LA, 我有心佢知道WOR, 成日話佢有咁孝順的你同新抱, 好開心, 所以我都好感動

我所講的都係100%真事, 無美化自己GA HAHAHA, 我認我係"惡"新抱, 但唔係"惡毒"新抱 LOR

sibylyau,
你99真係........其實好似我阿媽, 我阿媽又係係我細個時成日掛住瘟仔, 成日換畫 (仲要有D係有婦之夫呀, 仲要試過我當時讀小學同學的爸爸), 唔係屋企, 飯唔煮, 唔所以我係食大家樂大GA, 到我18歲時佢仲同男朋友去唔知道度添, 整到得番我一個生活JA...........俾我得罪講話我會從心低裡鄙視你99呀, 因為我都鄙視我媽咪.........

同你一樣LOR, 都係基於佢係C6阿媽先俾吓面尊重佢, 不過我都同C6講, 我真係當唔到99好似親生阿媽咁尊重......俾我知道99係咁的話, 我會同你一樣咁同C6講