Baby Kingdom - 親子王國 香港 討論區 › 首頁 › 樓市動向› 請教:賣樓點set價?

樓市動向

收藏本版
發帖
返回列表
跳至頁
請教:賣樓點set價? [複製鏈接]

首頁
1

尾頁
   0
alc


別墅

積分: 546


1#
發表於 05-10-15 11:54 |只看該作者

請教:賣樓點set價?

想賣樓(又唔係要急放)點set價好?如果估價約259萬,應放盤幾多,當然想賺多d,但又唔想有價冇市!只住了四年左右,高層向東南內園景,三房兩廳,有會所,一手樓新裝連部份傢電如衣櫃,床,儲物櫃,窗台櫃,櫥房電器,全屋冷氣,熱水爐等.
私人傳訊

evamama


男爵府

積分: 6225


2#
發表於 05-10-15 18:26 |只看該作者

Re: 請教:賣樓點set價?

可以叫到280, 底線唔好低過265.

如果相狠D, 可以SET價在285, 底線275-270, 要企硬D, 等買家知道你唔志在.

因為新樓按揭可做九成, 即使同估價差幾萬, 但因為首期可以俾少D, 通常買家都會接受.

私人傳訊

Mummy


男爵府

積分: 5874


3#
發表於 05-10-16 12:45 |只看該作者

Re: 請教:賣樓點set價?

買家買樓梗係想買個荀盤, 賣家賣樓梗係想賣高價。 自己層樓有咩優點缺點要 "稱" 下, 例如市場上你呢類型既單位多唔多, 定話好罕有, 呢樣都可以影響賣價。 如果多的是, 咁你就唔可以諗住賣高過market price好多, 如果罕有, 你可以吊高少少。

我試過賣樓, 果時樓價開始升, 過年前同過年後, 每呎樓價爭700蚊, 我放果時係市場上同類型單位每呎高出200蚊, 因為有靚裝修先至易走。 總之一到自己心目中既價就要走, 話唔定又再加息, 樓價又會lup住唔上, 到時仲難賣。
美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE
私人傳訊

alc


別墅

積分: 546


4#
發表於 05-10-17 21:49 |只看該作者

Re: 請教:賣樓點set價?

其實我裝修唔太差,不過睡房牆腳開始有少少bao起,可能係潮濕等引致,係咪應該執一執先比人睇樓?

私人傳訊

jennynini


伯爵府

積分: 17806

好媽媽勳章


5#
發表於 05-10-18 02:13 |只看該作者

Re: 請教:賣樓點set價?

evamama

唔好意思, 我唔係好明.....

如果賣家開280, 買家睇過覺得ok既, 就會去銀行估下價, 如果銀行覆價係259, 咁咪唔到價囉? 買家應該唔會買唔到價既樓喎(差價要自己俾). 除非佢唔需要做按揭. 好似呢個例子咁, 底線270, 買家做九成都要俾36.9, 仲未計其他雜費.

如果你作為一個買家你會唔會買一層唔到價既樓? 除非真係好好好鐘意, 非買不可. 如果唔係, 一買就即係做"負資產", 擁有一層市值比買價底既樓.

我d同事話多數d人會開返around個估價, 最多平3,5,7萬.

請指教, tks........
私人傳訊

candy_kent


禁止訪問

積分: 12373


6#
發表於 05-10-18 15:29 |只看該作者

Re: 請教:賣樓點set價?

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

alc


別墅

積分: 546


7#
發表於 05-10-18 18:46 |只看該作者

Re: 請教:賣樓點set價?

其實點計賺幾多呢?之前買時帳面價248萬,發展商回贈了20萬,之後一路供一路住咗4年左右.如果真係270萬賣出,我係咪賺42萬呀?敢當中供時的支出駛唔駛計?
私人傳訊

evamama


男爵府

積分: 6225


8#
發表於 05-10-19 18:18 |只看該作者

Re: 請教:賣樓點set價?

alc，

你開價高過銀行估價，無問題架，最緊要睇下買家係自主定係炒家，炒家一定唔會做蝕本生意，所以唔會高過銀行估價．但如果係用家，就好相與ｄ，如果佢鐘意你個單位，即使高過銀行估都肯落訂．

最近就有一個例子，在土瓜灣一幢０２年落成的單幢，７５０呎，頂樓連天台，但實用得六成，業主開價２７５，但銀行估２５８．最後２７０成交，買家係自用．

你的價能否企硬，都睇好多因素，例如屋苑設施，附近環境同設施配套，間屋企唔企理等．

同埋而家樓價只會升，不會跌，所謂樓市回軟，係升得無咁急，跌就一定唔會，負資產可能性好低．你咁驚個價ｓｅｔ得高，但如果ｓｅｔ得低無得返轉頭喎，不如你搵下地產經紀傾下，睇下你層樓可以去到咩位，ｍａｒｋ咩價可以去到？

至於計賺幾多，你的計法都得，仔細ｄ咪計埋律師費，厘印，差餉，水電煤按金等，個度都有幾萬蚊架！

私人傳訊

肥tam


大宅

積分: 4628


9#
發表於 05-10-19 18:47 |只看該作者

Re: 請教:賣樓點set價?

evamama:
請問點解你覺得樓價只會升，不會跌，因為其實我依家層樓放緊,放左一星期都無人還價(可能個價set得高),但地產又無叫我set低d,我應否自動減價呢?你做邊區多呀?
私人傳訊

jennynini


伯爵府

積分: 17806

好媽媽勳章


10#
發表於 05-10-20 06:56 |只看該作者

Re: 請教:賣樓點set價?

我覺得而家既樓市唔係咁健康, 叫價太高. 我最近都有四出睇樓, 因為計過條數, 做9成再將而家住緊個層租出去. 可以住得好少少又唔駛供多好多. 但睇過D樓係冇理地叫價, 好多妙家, 幾個月前買返黎, 轉個手想賺10-25萬.(但我只係睇緊D100萬樓下既樓). 仲要好多去銀行估價仲要底過佢地既開價, 如果我夠錢既就做7成啦, 仲駛做9成咩~~

好多人都睇好個市會升, 如果我唔係有員工RATE(2.5), 我唔會係呢個時間買, D息係咁加, 炒家係咁炒, 好多時都係有價冇市. 睇左成個月都係得個睇字, 盤又唔係好多, 返而好多放緊盤既都係有人住緊, 上到去都唔知點睇好, 成屋都係野, 仲要成家都係齊到添~~

好多時D人會買唔到價既樓都係因為:
1. 好好好鐘意, 唔買唔得
2. 新裝修, 多左個D當係裝修費 E.g. 估價76, 佢賣79, 個3萬咪當裝修費囉
3. 少放既盤, 例如: 單邊, 連平台/天台, 因為呢類既單位有限, 一橦樓得一個天台, 幾個平台, 只有幾個單位有
私人傳訊

evamama


男爵府

積分: 6225


11#
發表於 05-10-22 17:10 |只看該作者

Re: 請教:賣樓點set價?

肥tam 寫道:
evamama:
請問點解你覺得樓價只會升，不會跌，因為其實我依家層樓放緊,放左一星期都無人還價(可能個價set得高),但地產又無叫我set低d,我應否自動減價呢?你做邊區多呀?


肥tam,

我都唔係做地產呢行, 只不過之前個排換樓, 同地產佬有一兩句咁啦.

樓市只升不跌呢個唔係我覺得, 根本係現實就係咁, 地產商同地產佬係咁谷起個市, 好死唔死賣地又承到個價鬼咁高, d人咪覺得樓價會升lor.

其實好景的只係一些豪宅, 同一些根本唔使借錢買樓的人, 一般小市民, 或者係一些換樓客, 近排都觀望左, 小心左好多, 好多地產舖都話, 加息真係加到怕, 少人睇樓之餘, 放盤的都少左.

相買樓, 就覺得貴, 睇定d先, 放盤的又hold住, 想d樓價再上d先放. 所以近排成交到的, 除非係一直跟左好耐, 或者間唔中有一兩個筍盤. 睇土地處按揭契的數目少左好多, 就知二手市場靜左.

如果你層樓唔急放, 咪等一排先羅, 等d人消化左加息壓力, 個市會活d. 如果你減價, 人地就會知你急放, 會壓你價, 地產都賺少d啦, 你自己賺少左, 地產個佣又收少左, 所以佢唔價叫你減lor, 除非個地產成個月都做唔到單, 靠你個佣開飯. 不過其實好多地產而家都堆晒去新盤度, turn over快, 發展商又有回佣, 二手盤, 除非好正, 否則好少人會落力sell.

私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見