在職全職

收藏本版
發帖
返回列表
跳至頁

首頁
1

尾頁
   0
milk201028


複式洋房

積分: 474


1#
發表於 11-11-17 13:59 |只看該作者
唉! 好唔開心, 昨晚同自己爸爸媽媽為咗阿囡食飯問題第2次吵架, 佢地都覺得我好迫個囡(包括學野同自理), 一直以來食飯阿囡都已經習慣邊餵邊走, 買咗張椅都無用, 到佢識用匙時, 我就建議阿媽不如一齊開飯, 等佢可以感受一齊食晚餐, 順便教佢自己畢飯食, 點知阿囡都係坐唔定, 要落地, 之後我無出過聲, 全程都係佢2老氹阿囡食, 已經收起玩具, 到佢地食完飯, 我爸就用匙畢定一口飯, 叫我個囡攞起支匙自己放入口, 最後佢都食咗大半碗, 全程我有叫阿囡乖啦, 食飯啦....之後大家由原本傾講變成鬧我, 話我好迫個囡自己食, 佢2老話我俾面色佢地睇, 阿媽話湊到好大壓力, 其實我果一刻係要俾阿囡知道媽咪唔開心, 因為佢現在識睇表情, 我昨晚都激動, 話如果係咁我唔係度食, 放工自己接番個囡, 現在我都唔知點!我無諗過為咗個囡大家關係會咁!
私人傳訊

catfitfit


公爵府

積分: 26780

畀面勳章 環保接龍勳章 大廚勳章


2#
發表於 11-11-17 14:14 |只看該作者
傻豬嚟架...一家人嚟架嘛, 邊有隔夜仇架唧...

今晚咪開開心心一家人食飯囉...

個囡唔肯食, 貢咪唔好比佢食囉, 等佢肚仔餓, 問你搵野食個陣, 咪教佢自已食囉....

唔好唔開心啦, 食飯啫, 又唔係做咩, 有時啲人嘅說話, 你又唔洗貢認真嘅...
悲歡離合總無情
一任階前點滴到天明
私人傳訊

chan-chan


大宅

積分: 3161


3#
發表於 11-11-17 14:24 |只看該作者
我想可以你自己湊個日用自己方法,有時間的話就心平氣靜再同父母講你的想法
私人傳訊

hotingmum


子爵府

積分: 11979


4#
發表於 11-11-17 15:15 |只看該作者
你個女幾大?不過如果係佢地湊, 真係唔可以話太多!因為佢地都好辛苦!

私人傳訊

titanlow


用戶要求終止服務

積分: 7429


5#
發表於 11-11-17 15:15 |只看該作者
你每晚都係父母屋企食飯嗎？如果係o既, 我建議你先唔好一齊開飯, 婆婆早點預備好小朋友那一碗, 你親自炮製佢, 要佢坐定食, 咁又未開飯, 公公咪做自己野, 婆婆煮飯囉, 佢地兩老可以休息下, 但事先要同父母協定, 唔好出聲幫小朋友, 等小朋友慢慢知道個pattern, 仲要扭計唔食就收碗, 唔好同佢拉鋸...

其實小朋友係咁o架, 多過一個大人在場, 佢地好識'炸型', 明知公公婆婆唔抵得要餵佢, 又或者容許佢去做自己想做o既野, 咁就唔會聽你支笛, 你地3個大人自己要先傾好

至於你父母話你逼小朋友學野/自理, 你小朋友幾大個呀？有時可能旁觀者清都唔定o架, 有時又可能係上一輩唔太明白你的用心, 多d 溝通下, 自己爸媽, 無隔夜仇o既, 同埋你都要體諒父母對住小朋友一整天, 其實都累, 可能想幫小朋友快手食完做完d野, 做完一日野, 大家都累, 有時就relax d, 唔好太緊張和執著, 咁先有商有量教好小朋友呀！
私人傳訊

milk201028


複式洋房

積分: 474


6#
發表於 11-11-17 23:57 |只看該作者
好多謝咁多位媽媽的留言.個囡現在２歲３個月，佢好活潑，說話能力都算清楚．佢見我無表情，都會講～〔媽咪唔開心〕

我都會等大家心情平靜ｄ會同佢地傾番件事，為咗個囡都係要溝通吓．
因為我唔想呢ｄ情境再係阿囡面前出現．
因為佢地覺得以前都係咁教我，點解我現在用既方法只係不繼谷阿囡，要佢早早識自理咁．

其實titanlow講到唔好一齊開飯呢個問題．其實阿囡細時，婆婆都係一早餵咗佢食先，之後我放工返來就我同爸媽３個食，阿囡就自己玩．之後我見佢識畢野就叫阿媽不如一齊開飯，等佢可以一齊食．點知就係咁．．抄咗２次獲．．可能我忽略了阿媽可能真係有ｄ累又或者我真係太緊張和執著．

現在睇完妳地ｄ留信，心情好ｄ．有時真係唔知同邊個講好．我ｄ朋友又無小朋友．佢地跟本感受唔到我．　
私人傳訊

milk201028


複式洋房

積分: 474


7#
發表於 11-11-18 00:04 |只看該作者
catfitfit 發表於 11-11-17 14:14
傻豬嚟架...一家人嚟架嘛, 邊有隔夜仇架唧...

今晚咪開開心心一家人食飯囉...

我就係咁諗，唔食就算．肚餓自然食啦．〔呢個方法只有係自己屋企先用ｌｕ〕．但爸媽就覺得佢只得２歲３個月咁細，可以慢慢來．唔洗迫佢咁早自己畢．我只係唔想阿囡習慣依賴婆婆餵．因為現今小朋友真係好識睇時機．
私人傳訊

miumiu0101


珍珠宮

積分: 34886

2024年龍年勳章 2023年兔年勳章 虎到金來勳章 減齡達人勳章 牛年勳章 HiPP勳章(2) 15週年勳章 親子王國15週年勳章 親子王國15週年勳章 叻叻勳章 BK Milk勳章 認識瑞士牛牛第一回 Xmas吸收勳章 美好大世界2017勳章 開心吸收勳章 笑得好勳章


8#
發表於 11-11-18 12:12 |只看該作者
老人家梗係錫個孫啦, 你唔比阿女食飯, 佢地仲心疼添, 不過, 你都要明白, 你個女係公公婆婆湊, 即一路都用緊佢地的方法, 所以要改都唔係一朝一夕的事, 慢慢同公公婆婆傾下, 大家協調用邊套方法教女會好d, 一家人, 無隔夜仇的
私人傳訊

jc2009


侯爵府

積分: 24054


9#
發表於 11-11-18 12:26 |只看該作者
本帖最後由 jc2009 於 11-11-18 12:26 編輯

樓主小朋友坐唔定食飯, 是否已很長時間? 公公婆婆對此有乜嘢睇法? 重心問題要解決小朋友點解坐唔定. 我個女從來食飯不會走來走去, 我不是話她叻, 而是習慣無論好與壞都要做廿一次(教授講).....

希望你不要唔開心, 屋企人幫自己湊小朋友已經好難得...加油!!!
私人傳訊

yy428


男爵府

積分: 6476


10#
發表於 11-11-18 13:44 |只看該作者

回覆：唉! 好唔開心, 同自己爸爸媽媽為咗阿囡食飯問題第2次吵

我都曾經試過因為湊仔問題而同媽咪大吵，搞到大家吾開心！
心平氣和傾下！大家都錫個小朋友！
私人傳訊

lazy_girl


男爵府

積分: 5990


11#
發表於 11-11-18 15:15 |只看該作者
我亞B 也是屋企人湊, 成日話大D自己會識 ga la, 唔駛急。我夠知大個會識 la，但每個階段，小朋友也應學識某些東西，唔通他10歲才不飯食才正常呀???講極佢地也不會明白……
私人傳訊

Ekko


男爵府

積分: 6505

玩具勳章 好媽媽勳章 畀面勳章 wyeth冷知識勳章 親子達人勳章


12#
發表於 11-11-18 15:54 |只看該作者
對老人家黎講，孫係拎黎寵，教就留番父母教啦！

我大仔歲半前都係99湊，餵食飯要出盡法寶，全屋拎得出黎既野都比佢玩，就係為左食晒碗飯，結果到佢識行識走時，99餵食飯係由屋頭走到屋尾，枱面食到枱底，跟住黎餵，總知唔理咩方法，食晒佢就安落晒！

歲半之後我地搬左出黎，自己教番真係落左十萬個耐性，軟硬兼施，教左成年先叫做好d......

自己父母唔怕開心見誠講出黎，佢地兩老湊個塞豆窿真係會攰架，同佢地講都係為佢地好。呀女乖乖坐定定食飯，對兩老都有好處！

而家慢慢教番佢坐定先，坐係到5分鐘畫下畫，玩下玩具都好，之後慢慢加長時間，對佢乖乖坐係到食飯都有幫助架！
私人傳訊

11B


珍珠宮

積分: 41951

育兒性格勳章 睛靈勳章


13#
發表於 11-11-18 17:43 |只看該作者
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見