吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 屋企靈異事件,工人有沒有可疑呢? 請比意見! ...

論盡家傭今日: 1|主題: 134043

收藏本版

發帖

返回列表

跳至頁

查看: 3995 | 回覆: 43

屋企靈異事件,工人有沒有可疑呢? 請比意見! [複製鏈接]

12 3

TwoBabies

別墅

積分: 717

1^#

發表於 11-10-25 11:10 |只看該作者 |倒序瀏覽 |打印

本帖最後由 TwoBabies 於 11-10-25 11:42 編輯

屋企門鎖最近一星期有D靈異事情發生,令我懷疑是我家菲傭姐姐作怪.

先講姐姐,她在我家經已5年多,照顧兩大人兩小孩,我哋同工人姐姐的關係一直不錯,只係近年覺得佢比以前懶散了,同有上網,要我多了出聲提點佢做嘢.明年年中要再續約,所以我亦開始諗緊同佢續約與否.

事情發生在上星期二早上,當要離家出門時,發現木門反鎖了,竟然要攞鎖匙開木門(我家習慣,晚上不用鎖匙鎖門,只用横鎖鎖上).第一時間便諗:"老公昨晚夜返,仲乜用鎖匙鎖門.",之後就諗,會唔會屋企條門匙被偷,有人晚上想入屋行劫.

幾天後的星期五早上,出門時又發生同一情況,木門又用鎖匙反鎖了.我老公仲話:"係咪我哋3個大人(包括工人)中,有人有夢遊,自己走去鎖門呀!否則無可能係外面鎖了木門的,因為出面仲有鐵閘,一定要係在屋入面鎖的."

我好奇怪,因為我不信鬼神,只信科學,於是星期日晚上,我刻意用一張紙封住個鎖匙洞,以便測試是在入面鎖定還是出面鎖木門.但昨天早上,沒有事情發生,如常出門.

但昨晚放工回到家後,工人姐姐主動同我老公講:"今日中午時,想出去接小朋友放學,點知隻木門又反鎖了,我當時已鎖鐵閘,只有我一個人在家,我唔知點解? 我又撞到對面屋的工人,佢話自己出街買餸,點知回家後,屋企全屋開晒燈!"

老公話,姐姐話咗其它的神鬼事比佢知,但我回應:唔係我屋企發生,唔需要同我講,我唔想知,就算係我屋企發生,都係你家的祖先,我唔驚,唔駛嚇我!於是我拒絕再聽唔關我事的神怪事.

本來我沒有懷疑姐姐的,但昨天件事卻發生在中午,同埋佢好刻意同我老公講,又話對面工人都有類似事,所以令我感覺唔太信任!

唔知大家有無這樣的事情發生講,同埋我要留意乜嘢點處理好呢?

0 0 0

私人傳訊

友子蜜

男爵府

積分: 6259

畀面勳章 BK Milk勳章

2^#

發表於 11-10-25 11:42 |只看該作者

無論係真係假都咪續約啦,費事又住夠七年俾機會佢做香港人呀

私人傳訊

vici

禁止訪問

積分: 2412

3^#

發表於 11-10-25 11:52 |只看該作者

引用:無論係真係假都咪續約啦,費事又住夠七年俾

提示: 作者被禁止或刪除內容自動屏蔽

私人傳訊

jloklok

侯爵府

積分: 20040

BK Milk勳章

4^#

發表於 11-10-25 11:55 |只看該作者

你個工人可能為自己計劃緊d古惑野鋪路或者玩緊你
我個工人大仔死著後講過話係我屋企見到她的仔企係邊度點點點果d野

我就跟她說唔緊要既! 我屋企有菩薩我唔驚尼野!
後來她可能覺得唔隱沒有再說過!

你要知道在鄉下古靈精怪事情多她們文化和教育不多有時會拿這種事來嚇人或者是想控制它人

只要你沒有反應自己家中裝cam 有些cam 有夜視功能

這陣子晚上都開錄埋影到時就知係鬼嚇人定人嚇人啦!

好討厭這種怪力亂神的姐姐 !

點評

TimmiMa

發表於 11-10-26 17:44

yin_gho_18 如果到時睇返個cam真係鬼....

發表於 11-10-26 07:31

私人傳訊

CD_BB

子爵府

積分: 10185

畀面勳章

5^#

發表於 11-10-25 11:55 |只看該作者

我會同佢講：　中國人平生不作虧心事夜半敲門亦不驚　ｌｏ～

如果同對面家人熟，問下佢地工人有無提佢話自己出街買餸,點知回家後,屋企全屋開晒燈的事ｌｏ!
一問知真假"

私人傳訊

TwoBabies

別墅

積分: 717

6^#

發表於 11-10-25 12:20 |只看該作者

友子蜜: 我都係諗7年這個問題,但姐姐話唔會留係香港,因為佢全部屋企人在菲律賓.

vici: 今年經已過了5年,所以我預咗比錢佢的.

jloklok: 我屋企無 cam, 所以無得影呀!因為我對佢都幾信任,故此起初無裝,到現時亦無諗住要裝. 至於神怪事,佢自己係天主教徒,都好乖,每個星期都返 church,所以我起初真的無懷疑過佢.

CD_BB: 對面家人係新請工人,個工人就快要照顧 new born baby,所以我怕影響人地,兼且怕被人話我學是非!但若果情況嚴重,我都會同對面講聲,免害到人!

另外,我打算這個星期擔咗個門鎖,你哋覺得點呀!

點評

^^ 會唔會姐姐唔想續約, 但自己走就無長期服務金, 所以嚇吓等你唔同佢續約 ? 發表於 11-11-18 16:43

sytckm 裝cam 發表於 11-10-26 01:27

gelgelma 換門鎖有咩用? 呢啲事, 明眼人就知邊個做啦! 裝cam! 發表於 11-10-25 14:14

jloklok no cam ! 那就裝呀! 反正她說的煞有其事正好可以裝! 發表於 11-10-25 12:27

私人傳訊

reverof

子爵府

積分: 12370

7^#

發表於 11-10-25 12:22 |只看該作者

我個前工人曾經當我在主厠時熄燈，我問佢佢話無，跟住我話在門下扇頁位見到你行返出去，佢無出聲！

點評

miumiu0101 佢係咪傻架, 以為無人知係佢做發表於 11-10-31 11:46

mc_pigpig 無聊到痺! 若要人不知，唔好太低 b。發表於 11-10-26 09:06

TwoBabies 我實問: 發生乜事,你想點! 發表於 11-10-26 08:54

sheunmama 白痴! 發表於 11-10-25 18:44

joanie731 做埋d咁無聊嘅嘢!無腦!唔出聲!?係我一定質到佢同我道歉! 發表於 11-10-25 14:32

gelgelma 白痴! 發表於 11-10-25 14:15

jloklok 好過份呀! 發表於 11-10-25 12:27

私人傳訊

洋洋

禁止訪問

積分: 16384

8^#

發表於 11-10-25 12:33 |只看該作者

提示: 作者被禁止或刪除內容自動屏蔽

私人傳訊

jloklok

侯爵府

積分: 20040

BK Milk勳章

9^#

發表於 11-10-25 12:37 |只看該作者

回覆 TwoBabies 的帖子

你相信她是好事是因為你善良但她真的值得你相信嗎?

我的姐姐我本來都好相信她為了很多事我自己偷偷哭但如果你有興趣可以看看我以往的post

防人之心不可無呀! 我信佛我都不信神怪! 既然她說的風風雨雨就裝cam !

我的姐姐也是來一年多後我才裝的如果她心有鬼一定不想你裝

如果沒有也許很多事可以真相大白呀 !

相處久會有感情那是中國人才認為的在她們來說自己只是異鄉過客來幫你的來被你老點的

你對她千好萬好都比不上妒嫉心上腦你家中發生的這種事絕對是人為! 只是不知道她的出發點是什麼!

我是做室內設計的我公司有很多師傅這種事我們幾十年來都沒有遇過!

若是要釐清還你姐姐清白最簡單就是裝眼仔!

我以前都好相信我的姐姐但發生一些事讓我明白

很多媽媽說先緊後鬆道理不是我不想做好人不想關心她

實在是她們的文化和我們太不同理解能力也不一樣呀

點評

小圓圓佢地只係越洋嚟搵銀,同你講金唔講心."將心比己"係道德層次高既人才做到發表於 11-10-25 14:35

私人傳訊

tssy

伯爵府

積分: 18048

10^#

發表於 11-10-25 12:43 |只看該作者

回覆:屋企靈異事件,工人有沒有可疑呢? 請比意見!

不留都冇咁嘅事，一定喺佢想嚇你，佢想玩嘢就真，又唔知想攪邊科，續約就唔好啦！

私人傳訊

Gmama

公爵府

積分: 29951

11^#

發表於 11-10-25 13:10 |只看該作者

回覆：TwoBabies 的帖子

唔好續約啦！好怕喺香港耐嘅老pat pat !

私人傳訊

小圓圓

公爵府

積分: 27216

12^#

發表於 11-10-25 13:30 |只看該作者

工人點信得過? 裝吓眼仔睇吓, 就見到平時你見佢唔到既嘢.人前一個樣,人後一個樣.邊有咁猛呀,分明有人整古做怪.如果真係猛,佢都唔敢係度做啦.

咪以為工人自稱什麼天主教徒,基督徒....什麼教...瞓覺就最實際.唔係抵毀宗教, 佢地很多都信唔清楚, 甚至自認為咩徒, 一樣日日講大話,想盡辦法屈僱主玩僱主.係佢地心裏面,自己大個神.教會,只係一個聯誼地方,與同鄉吃喝玩樂,甚或利用來攞着數的地方而已.

點評

sheunmama agree! 發表於 11-10-25 18:45

jloklok 人前人後一個樣講的好! 發表於 11-10-25 15:12

vivienfong agree! 發表於 11-10-25 14:48

私人傳訊

AK47AK47

伯爵府

積分: 15532

2023年兔年勳章畀面勳章

13^#

發表於 11-10-25 13:45 |只看該作者

唔好理乜事, 早早收好啲貴重嘢,最好唔好放屋企, 重有, 小心啲小孩子, 同管理處講聲叫佢哋留意一吓你哋層樓, 因為照佢咁講, 唔係剩係你哋一家出現怪事, 咪搞大佢囉, 搞到好似殺有介事咁, 如果真係佢搞鬼, 搞到咁大, 連對面屋嘅主人都知, 如果真係佢老作, 等佢驚吓都好呀, 等佢收吓口囉, 否則, 你都要同管理處講聲, 等佢哋都留意吓係唔係真係有事.

另外, 係唔係你家工人遺失咗鎖匙唔敢同你哋講呀, 作到咁, 想係哋換鎖啫, 咁樣, 就算有人執到, 你哋都換咗鎖啦.