婆媳關係 今日: 0 | 主題: 27782

積分: 10818

開心吸收勳章熱血金章畀面勳章 BK猜猜猜慶中秋

1^#

發表於 12-4-20 17:08 |只看該作者 |倒序瀏覽 |打印

我係個d奉女成婚既新袍

, 所以冇計劃咁就同老公結婚 , 就同6299住同一間公屋 , 有左bb先知道原來老公屋企係比較複雜既

62有腎病,一日洗幾次肚 , 做唔到野所以要拎綜援 , 係佢同老公姑仔名拎綜援既時候 , 99就同62離婚另外申請公屋同返工 , 當時老公仲係個小學生 , 而一直以黎6299仍然係住係個大單位公屋 (700呎) , 屋企所有開支都只係靠綜援個幾千蚊 , 99返工既收入只係佢自己既洗費 (之前62仲有返工時佢係唔洗做既 , 62每月俾$20k佢) , 而佢就拎佢既收入去買股票

投先講過99係有自己既細單位 (一人) 公屋既 , 係我仲同老公拍拖時 , 曾經聽過佢講話想將間屋租俾人 , $2-3k一個月 , 我當時唔知係公屋 , 所以不以為然 , 後黎知道有左bb , 咁係冇計劃既情況下好自然既就焗住要同6299一齊住喇 , 我都明白係自己唔好 , 奉女成婚 , 寄人蘺下 ,

有咩唔中意咪忍下囉 , 而62自知99性格 , 較難相處所以平日都有同我講 , 叫我體諒99 , 話99咩都唔識 , 就連當年生老公時要用既產婦衛生巾都係62買

後黎62因病過生 , 當時呀女得半歲 , 係危險期時 , 每次醫院打黎我都會好怕 , 因為呢個62真係好好 , 佢又唔係個d好守舊既人 , 老公係唯一男丁 , 但佢見到係bb孫女都好鍚佢

, 有次佢打黎話自己就黎走 , 我地沖去醫院睇佢 , 老公+我+姑仔聽住佢鬧99 , 話99好過份 (62入左院咁2個月 , 10次都探唔到 , 佢返工係返 3pm , 探病時間 12-1 , 佢好得閒既係屋企睇住個市 , 都唔去睇62 , 62有病咁多年 , 佢一直都係佢身邊話佢冇用 , 一直喉住62鄉下個2間屋 , 叫62賣左佢) , 為左打完場我咪話 : ""唔好咁喇,佢過份就唔會黎睇你喇"" 62後黎同99話 : ""雖然你係好過份 , 但我依然咁愛你""

當日都冇事 , 但跟住落黎 , 差唔多每日 , 醫院都打黎話情況唔穩定 , 最後個令醫院打黎 , 99就出去醫院 , 我問佢要唔要同老公講 , 等佢同上司講聲即刻去醫院 , 點知99話唔洗 , 當然佢一出門我就即刻狂炸老公手機 , 點知老公打俾99 , 99話到時先再打俾老公 , 咁老公就好聽娘親話既繼續返工 , 後黎老公都係要趕去醫院 , 未去到62已經走左 , 得99一個係佢身邊 , 我真係唔係好服

, 有邊個會唔想自己仔女送自己最後一呈 , 如果唔係99 , 老公一定見到62最後一面

不過 , 都冇得返轉頭 , 62曾同我講過99咩都唔識 , 人地教佢 , 又唔會聽人講 , 所以我絕對有理由相信佢係唔知之後有咩要做 , 咁我都想幫下手 , 盡下孝 , 話晒62佢都好鍚我同bb , 我只係個20出頭個媽媽 , 我又點識咁多 , 呀媽教落唔識就問 , 咁就上網查下 , 問下人要做d咩 , 有位好心既bk媽答我 , 佢仲俾左個長生店電話我 , 最後換黎既係99 同99既大哥大嫂問我有咩居心 ,我真係勁唔開心

講返住方面 , 我一開始都有話我係同6299一齊住公屋 , 間屋既戶主本來係62 , 其他人名就只有老公同姑仔 , 由於姑仔未夠18歲 , 所以處理好62既事後 , 戶主就轉成老公名 , 同時亦加上我同呀女既名 (冇得轉99名 , 因為99自己有公屋) , 我一直都好開心 , 起碼叫做係自己屋企 , 有自己同呀女名 , 唔算寄人蘺下吧

, 屋企所有洗費當然係自己俾喇 , 我係唔同既家庭長大 , 實會有唔同既生活習慣 , 之前就話我需要迎合 , 但我而家只係想有一個好d既成長環境俾呀女

呀女而家一歲 , 開始學行 , 咁我就緊係要每日拖地掃地 , 等呀女可以有地方活動 , 99同姑仔都習慣係屋企著鞋 , 姑仔佢放學返黎知我拖左地既話 , 佢都會醒水唔著鞋 , 而99返黎著鞋印到一地都係 , 我明白你習慣左 , 係好難改既 , 但可唔可以唔好將你所有製造出黎既垃圾都扔係地 ,我明白我未入門之前你屋企係一個月拖唔到4次地 , 但我已經日日拖喇 , 我尊重你時 , 你可唔可以俾d空間孫女玩 ;

我明白係我未入門之前你食飽飯係唔興洗碗 , 儲一星期先一次過洗 , 既然而家有小朋友 , 可唔可以衛生一d , 當你整完你帶返工既飯盒 , 可唔可以將你製造出黎既垃圾 (包括瓜皮 , 蒜頭既皮等) 從洗餸盤放入垃圾桶 , 唔好堵塞住個去水位 ; 你去m到 , 去完洗手間可唔可以撤底沖廁同將血淋淋衛生巾包好先扔呢

我明白我奉女成婚係好唔興香 , 但大家都係女人 , 都係人地媽媽 , 你都有個女 , 你都會想自己個女第日個99當佢係自己人架可 , 希望你能體諒下我 , 未同你個仔一齊既時候 , 我係個乖乖女黎架 , 日日放工第一時間返屋企 , 每次出糧都俾大半做家用

btw. 其實我而家仲有冇咩方法可以唔洗同99一齊住 , 呢到係兩房公屋 , 而家呀女仲細 , 可以同我地一齊訓 , 他日呀女都需要有自己間房 , 難道要佢/我地兩公婆訓廳 ? 同時又明白老公好難做 , 始終你係老公媽咪 , 我自己都生左個女 , 明白真係會唔捨得 , 而且冇左個老公 , 又點會捨得個仔呢 ? 但希望你明白 , 老公已經大個喇 , 成家立室 , 自己有自己既家喇 , 我婆婆有5個仔 , 當年咪又係一個人住 , 而且你年紀又唔係大 , 50歲都冇 , 又有穩定收入 , 又有自己名既政府屋 , 我想有個家咋 , 一個一家三口既家(9月就4口)

0 0 0

私人傳訊

oooCeciooo

積分: 8080

2^#

發表於 12-4-20 17:20 |只看該作者

回覆：我的99 (好好好好好長) (不喜勿插)

咁由頭到尾，你老公有冇開聲話佢媽？

私人傳訊

joew_525

大宅

積分: 3448

3^#

發表於 12-4-20 17:22 |只看該作者

咁你姑仔呢?

私人傳訊

積分: 10818

開心吸收勳章熱血金章畀面勳章 BK猜猜猜慶中秋

4^#

發表於 12-4-20 17:27 |只看該作者

oooCeciooo 發表於 12-4-20 17:20
咁由頭到尾，你老公有冇開聲話佢媽？

老公除左我同呀女之外 , 同屋企人唔多傾計 , 因為佢為左我同呀女 , 每日9am返工11pm放工 , 一星期放一日假 , 99返工 , 好難撞到一齊放 , 所以佢地好少見 , 99起身時 , 老公都返左工 , 老公放工攰攰的 ,多數沖左涼同我傾一陣計就訓

私人傳訊

積分: 10818

開心吸收勳章熱血金章畀面勳章 BK猜猜猜慶中秋

5^#

發表於 12-4-20 17:28 |只看該作者

joew_525 發表於 12-4-20 17:22
咁你姑仔呢?

佢仲細 , 有好多野都見識少 , 所以佢有時講野較直 , 我明白既

私人傳訊

dbbp

積分: 8888

6^#

發表於 12-4-20 17:38 |只看該作者

如果有成700尺就間多個房啦，雖然奶奶有個1人單位，但就算佢真係過去住（基本上無乜可能啦，佢住左咁多年咯），咁姑仔呢？呢間屋佢都有份架喎，你唔可以趕佢走。

另一個做法，我唔sure得唔得，將呢間700尺嘅屋交返俾房署，換兩間細嘅，咁你地一家3口住，姑仔又有一間。

私人傳訊

cotychan

伯爵府

積分: 18748

畀面勳章環保接龍勳章

7^#

發表於 12-4-20 17:43 |只看該作者

樓主,先講喺屋企着鞋,你可以幫大家預備喺屋企着既拖鞋,見到佢地番嚟就提醒佢對拖鞋喺邊.着鞋入屋係習慣,咁喺屋企着專用拖鞋都可以養成習慣~~

至於你話煮食完啲嘢唔扔,無計,咁大個人仲係你99,無理由要你去出聲話佢,同埋M梗去厠所呢樣嘢,一係當由你老公發現,去咋你99型,唔敢或者唔想直接去話佢,可以當以為係姑仔做既,喺99面前"提"姑仔,用完做完嘢要執好,M到去完厠所要睇下沖得乾唔乾淨~

而你話唔想你99同住,有個都幾毒既方法.....就係報佢串.....

私人傳訊

積分: 10818

開心吸收勳章熱血金章畀面勳章 BK猜猜猜慶中秋

8^#

發表於 12-4-20 17:44 |只看該作者

dbbp 發表於 12-4-20 17:38
如果有成700尺就間多個房啦，雖然奶奶有個1人單位，但就算佢真係過去住（基本上無乜可能啦，佢住左咁多年咯 ...

我唔介意同姑仔住 , 我當佢係妹架喇 , 我自己有個妹係同佢同年 , 都係易相處既人 , 而且佢第日讀大學(讀到就最好喇)/出黎做野識男仔拍拖結婚 , 都唔會話長期係到住 ,

私人傳訊

joew_525

大宅

積分: 3448

9^#

發表於 12-4-20 17:45 |只看該作者

係囉, 你仲有個姑仔要同你一齊住, 唔通, 你諗住叫佢同99一齊搬走?

點評

apple_0905 我唔介意同姑仔住... 發表於 12-4-20 17:51

私人傳訊

oooCeciooo

積分: 8080

10^#

發表於 12-4-20 17:48 |只看該作者

引用：Quote:oooCeciooo+發表於+12-4-20+17:20+咁

原帖由 apple_0905 於 12-04-20 發表
老公除左我同呀女之外 , 同屋企人唔多傾計 , 因為佢為左我同呀女 , 每日9am返工11pm放工 , 一星期放一日假 ...

不如搵日同你老公講番啲野，等你老公同佢媽傾！屋企有小朋友，一定要衛生啲！

私人傳訊

積分: 10818

開心吸收勳章熱血金章畀面勳章 BK猜猜猜慶中秋

11^#

發表於 12-4-20 17:50 |只看該作者

cotychan 發表於 12-4-20 17:43
樓主,先講喺屋企着鞋,你可以幫大家預備喺屋企着既拖鞋,見到佢地番嚟就提醒佢對拖鞋喺邊.着鞋入屋係習慣,咁 ...

屋企係有家用拖鞋 , 但經常忘記換 , 提得多都唔好意思提

另外,即使話係姑仔都唔好意思話

雖然我係個奉女成婚既新袍 , 但唔同某d內地新袍 , 我做唔出報串 , 始終係老公媽媽 , 只係相見好同住難姐 , 何必攪到大家面阻阻

私人傳訊

積分: 10818

開心吸收勳章熱血金章畀面勳章 BK猜猜猜慶中秋

12^#

發表於 12-4-20 17:56 |只看該作者

oooCeciooo 發表於 12-4-20 17:48
不如搵日同你老公講番啲野，等你老公同佢媽傾！屋企有小朋友，一定要衛生啲！

...

我有同老公呻 , 佢都有講過 , 但習慣既野好難改 , 而且佢係黎至內地 , 會話以前d細路哥邊有衛生唔衛生

私人傳訊

dbbp

積分: 8888

13^#

發表於 12-4-20 18:04 |只看該作者

apple_0905 發表於 12-4-20 17:44
我唔介意同姑仔住 , 我當佢係妹架喇 , 我自己有個妹係同佢同年 , 都係易相處既人 , 而且佢第日讀大學(讀到 ...

你要明白，間屋其實係佢地一家四口嘅（even你99有間單人公屋，但一直以黎都係一家人一齊住），你嫁入去，生左BB，間屋都仍然係佢哋嘅屋企，如果你奶奶一搬走，咁姑仔就變左「寄人籬下」黐住阿哥阿嫂住，你對佢幾好都好，始終佢阿媽即係你99明明係一家之主（阿爸走左，就係阿媽最大架啦），佢係呢個屋企嘅女，身份同地位真係唔同嘅。再講，你都無理由要人哋母女分離，點都講唔通！

私人傳訊