自由講場今日: 760|主題: 1361991

收藏本版

發帖

返回列表

跳至頁

查看: 287 | 回覆: 2

馬德鐘郭羨妮心有靈犀　笑談姣婆脂粉客 [複製鏈接]

christina

公爵府

積分: 29743

畀面勳章

1^#

發表於 05-10-26 07:08 |只看該作者

馬德鐘郭羨妮心有靈犀　笑談姣婆脂粉客

馬德鐘（ Joe ）剛剛才跟郭可盈傳完緋聞，最近又被指與郭羨妮（ Sonija ）因在內地拍《爭霸傳奇》而撻，兩人被形容為「姣婆遇脂粉客」，上周更被周刊拍得兩人戴住情侶「烏蠅鏡」一齊於尖沙咀選購化妝品，對此兩位男、女主角昨日分別向記者解釋事件，不過答案卻「不謀而合」，不是事前夾定口供，就係心有靈犀。

馬德鐘雖然與模特兒老婆結婚八年，但緋聞不絕，與他曾合作之花旦郭可盈、佘詩曼、陳慧珊、葉璇等都傳過緋聞，可說是無之「花旦殺手」；而 Sonija 也不失禮，雖然與溫兆倫拍拖兩年，分手收場，但亦曾先後與古天樂、馬浚偉、谷德昭、黃子華及陳豪等傳出緋聞，堪稱無「緋聞天后」，兩人都可謂襯到絕。

慣被唱水性楊花
昨午四時卅分， Sonija 返無將軍澳電視廣播城拍攝新劇《通天下》，對於被指搶人老公， Sonija 輕鬆的說：「梗係唔會，套劇都未出街，點解咁早傳緋聞，唔知係咪賀台慶？我日一個人行街，咁撞到馬德鐘都係一個人行街，大家講聲 Hi ，佢就走。（咁多緋聞，怕唔怕畀人覺得水性楊花？）成日都係咁傳啦。（係咪好抗拒有婦之夫？）梗係啦，一定唔會。」

至於 Joe 則於傍晚六時卅分到中國會出席一個品酩會，全程四萬咁口，完全不受緋聞影響，表面上他聲稱沒有睇過該本周刊，但從他的答案就知道完全有備而來。

不避嫌約撐腳
Joe 說：「唔怪之得尋日（廿四日）被人跟蹤，一直由屋企跟足我九條街，我咪迴旋處兜十個圈，再駛去差館，原來係同一本周刊記者。」

被問到與 Sonija 一齊行街之事， Joe 所答的與 Sonija 一模一樣，對於有指今次事件是有人想逼他與老婆攤牌， Joe 反應甚大：「咁完整古仔，梗係唔係啦，我同 Sonija 識好耐，大家都好 friend ，我會再打畀 Sonija ，遲仲約佢食飯添，使唔使通知埋你。」

雖然講到 Sonija ， Joe 一直都是笑笑口，但一提到太太有否詐型時， Joe 就變得好嚴肅：「唔會，經歷咁多新聞都無問題。（咁你同太太感情如何？）一直我都唔想講，如果有問題大家會知道，總之作出報道我唔會回應。」