吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 如果係你,會點做呢???(有更新)

自由講場今日: 156|主題: 1361144

收藏本版

發帖

返回列表

跳至頁

查看: 933 | 回覆: 17

如果係你,會點做呢???(有更新) [複製鏈接]

annatse45

大宅

積分: 3986

畀面勳章

1^#

發表於 11-11-21 10:46 |只看該作者 |倒序瀏覽 |打印

本帖最後由 annatse45 於 11-11-23 09:35 編輯

亞仔而家K1...佢之前都有返黎講過,向學校想去vee vee,但係老師話唔比,叫佢完左當時o既活動先(我諗係大約至少有5-10分鐘)!!!咁我都有問返佢,咁你忍唔忍到吖??亞仔答:一時時忍到,一時時忍唔到...!!咁我叫亞仔,老師叫你等一陣,你就等一等la,如果真係等到忍唔到就要再出聲同老師講你忍唔住喇!!!

今日佢地上早會o既時候,我可以企埋入去禮堂睇住,見佢無端端隻腳隻夾夾下...隻手又想去禁住下面!!佢望到我睇住佢,我做口形問佢"你做咩呀?"然後佢話想vee vee..我叫佢同老師講.跟住老師又係答佢"上完早會先去"其實我知要上完早會先去至少要等10分鐘...
我當時見佢隻腳仔仲夾夾下...我問佢"你忍唔忍到呀?"佢就震晒咁話"忍唔到喇"..然後我再叫佢同老師講,我都即刻行埋去,示意老師,我自己可以帶亞仔去廁所!!!咁老師就放左佢出黎!!!

其實我向度諗...我咁樣會唔會好左住老師??但係我又見亞仔好似好急咁樣,又怕佢賴尿!!係咪我緊張得滯呢???

咁多位...如果係你地,你地會唔會好似我咁出聲,叫亞仔再同老師講去廁所呢???

更新:
琴日終於失手喇!!!我接亞仔放學果陣見佢換左褲,老師就好快,好草草了事咁同我講佢整濕左條褲!!
跟住我問亞仔,你去廁所唔小心整濕左條褲呀?
佢話"唔係呀!!我賴濕架!!"
我問佢做咩賴濕?你無同老師講去vee vee咩??
然後佢就答我"有呀,我同AA老師講,佢唔理我!!!跟住我同BB老師講,佢叫我落堂先去呀!!!"
我就再出聲"咁你就忍住,但係你忍唔住,所以賴左??"'你做咩忍唔住唔好同老師再講呀??媽咪教左你,真係忍唔住要再同老師再講多次嘛!!"
亞仔答"我有講呀!!跟住BB老師叫我自己去..."
(咁即係亞仔已經忍唔到再同老師講,老師就叫亞仔自己去廁所搵嬸嬸同佢去...點知呢個時候已經賴濕左!!)
我返到屋企檢查下亞仔條濕左O既褲,其實係濕左,唔係賴左囉!!
我老公知道左,勁嬲!!!因為之前同老師講左,亞仔有時係比較多廁所去,佢唔係去玩架!!已經唔該老師要比亞仔去架喇!!而家發生左件咁O既事...老公即刻話,聽日返學同老師再講多次!!

我都唔知點做好...當然我都唔想亞仔賴濕條褲!!但係又走去同老師講.好似搞到唔信任老師咁!!!
其實老師成日咁樣叫個小朋友忍住先,唔好去住,你地覺得啱唔啱呀???

0 0 0

私人傳訊

琛媽

水晶宮

積分: 67193

2^#

發表於 11-11-21 10:49 |只看該作者

出門口之前同佢柯多一次睇下會唔會好d

點評

annatse45 向屋企去左喇..可能今日飲多左水(1支300ml奶奶+1杯水)

發表於 11-11-21 11:00

生得積極, 老得開心
病得舒服, 死得安樂

私人傳訊

moonychan

珍珠宮

積分: 42559

叻叻勳章 wyeth冷知識勳章 2011至尊種植勳章畀面勳章環保接龍勳章大廚勳章親子達人勳章

3^#

發表於 11-11-21 10:50 |只看該作者

唔係惡意的, 其實返學前要去左廁所先. 可能今次係個別, 幸好老師都比你帶小朋友去廁所.

另外, 佢地應該會定時有break, 都會排洗, 你有冇了解下小朋友係咪未適應, 所以好多時都會做想大人注意? 大家一起去排洗佢去唔到, 之後就要去??

我完全冇惡意嫁. 如果只係一次半次, 就由佢, 如果經常都係咁既情況, 可能要了解下小朋友內心世界.

點評

annatse45 其實佢應該自己可以搞掂o既...但係我見佢腳仔夾夾下先忍唔住出聲!!

發表於 11-11-21 11:01

私人傳訊

annatse45

大宅

積分: 3986

畀面勳章

4^#

發表於 11-11-21 10:58 |只看該作者

其實向屋企都去左先返學架喇...但係唔知呢排係咪天氣轉得緊要,佢要適應,所以去得密左!!!!其實一返到學校,雖然我會陪佢到最後一分鐘先走,但係就唔多理佢,有時佢想我幫佢一d嘢o既時候,我好多時都會話佢聽,你自己試下先!!!

今次我出手之後,返到屋企諗,佢平時向學校都自己解決到架la,我今次係咪過份緊張左呢???
但係見佢腳仔夾夾下就真係忍唔住出左聲囉!!!

私人傳訊

mcdullyiu

珍珠宮

積分: 41941

2026勳章 2025勳章蛇年勳章醒目開學勳章畀面勳章環保接龍勳章 BK猜猜猜慶中秋親子王國15週年勳章

5^#

發表於 11-11-21 11:08 |只看該作者

其實在家到學校車/腳程要幾耐？回到學校後有無去多次廁所先入去上堂？

此生無悔入華廈，來生願在種花家！

私人傳訊

annatse45

大宅

積分: 3986

畀面勳章

6^#

發表於 11-11-21 11:15 |只看該作者

回覆 mcdullyiu 的帖子

學校就向屋企樓下...我地8:30出門口,然後早會係9:00開始
返到學校無再同佢去呀,因為我知佢地早會完左就係去廁所時間!!

我自己無諗到佢突然急起黎...

因為佢平時都無問題,都無試過早會要去廁所!!!

不過講講下,我又諗起,可能佢見佢我入埋禮堂陪佢(因為之前我向禮堂外面睇佢架咋),
佢有d緊張...所以容易d急vee vee!!!

私人傳訊

hellomiffy

珍珠宮

積分: 49501

好媽媽勳章醒目開學勳章

7^#

發表於 11-11-21 11:19 |只看該作者

我自己覺得,
3歲咋喎,有d只係介片無幾耐
佢肯開聲表示要去洗手間我覺得好好喎,好過瀨嘛?!

點評

annatse45 佢係識開聲講...但係而家老師唔比佢去呀!!!好煩呀!!! 發表於 11-11-23 09:22

私人傳訊

gk678

伯爵府

積分: 19582

8^#

發表於 11-11-21 13:09 |只看該作者

唔夠一個鐘要去兩次廁所?
如果成日都係咁, 去睇醫生好喎.

私人傳訊

annatse45

大宅

積分: 3986

畀面勳章

9^#

發表於 11-11-23 09:21 |只看該作者

回覆 gk678 的帖子

吓...需要睇醫生呀??
因為佢唔係成日都係咁,但係我就真係察覺唔到究竟咩情況先要去咁多次....
因為亞仔有時可以學嘢果陣1個鐘,加前前後後成1個半鐘至2個鐘都唔係好洗去....
但係又有時1個鐘真係去4-5次架!!!

我成日以為佢有時驚賴尿,所以就有少少就想去!!
p.s.點解我咁諗係因為,同佢出街有時佢要去唔係即刻搵到廁所,大約忍5分鐘佢都ok...我就諗住佢都識忍一忍,我以為問題唔大咋!!!

私人傳訊

小倩

王國長老

積分: 144532

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章玩具勳章畀面勳章叻叻勳章有「營」勳章趣教勳章好媽媽勳章醒目開學勳章 2011至尊種植勳章環保接龍勳章大廚勳章 wyeth冷知識勳章睛靈勳章王國長老遊學勳章 BK猜猜猜慶中秋冬日勳章春季勳章炎夏勳章秋日勳章 hashtag影視迷勳章

10^#

發表於 11-11-23 09:33 |只看該作者

下次返到學校即刻去多一次
有無都好, 入去企一企/坐一坐
如果你習慣留到9:00嘅, 咁8:55同佢去
避免早會中途離席

私人傳訊

annatse45

大宅

積分: 3986

畀面勳章

11^#

發表於 11-11-23 09:40 |只看該作者

回覆小倩的帖子

嗯...我呢2日已經開始係咁喇.但係你去睇下我更新版

都唔知係亞仔真係要去睇醫生,定係老師安排出問題!!!

ANYWAY...THX

私人傳訊

小倩

王國長老

積分: 144532

12^#

發表於 11-11-23 09:46 |只看該作者

annatse45 發表於 11-11-23 09:40
回覆小倩的帖子

嗯...我呢2日已經開始係咁喇.但係你去睇下我更新版

老師叫小朋友忍其實無錯
我覺得無必要投訴...
講真有時小朋友你問佢有無
佢話無, 但唔夠3分鐘瀨咗...
有啲明明急到死都死忍, 結果忍到瀨...

我仔學校free啲, 舉咗手可以自己去
如果你小朋友學校一定要有人帶先可以去嘅
個個舉手話急都要老師安排
咁一定會擾亂課堂秩序

其實學校活動, 大概一個鐘會有排洗
相信訓練3歲小朋友, 一個鐘去一次廁所應該係恰當嘅

爸爸媽媽唔好咁緊張啦
慢慢會有改善
你哋咁緊張
反而係俾緊壓力佢

私人傳訊

renren

子爵府

積分: 12024

好媽媽勳章

13^#

發表於 11-11-23 09:47 |只看該作者

教定亞仔番到學校有無都好去多一次VEVE,番學前唔好飲太多水.

點評

annatse45 嗯...真係要記住先得喇!!其實我都有負責,有意無意比多左水亞仔飲!! 發表於 11-11-23 09:53

春有百花秋有月夏有涼風冬有雪若無閒事掛心頭便是人間好時節

私人傳訊

annatse45

大宅

積分: 3986

畀面勳章

14^#

發表於 11-11-23 10:03 |只看該作者

回覆小倩的帖子

申報左先..其實我唔係想投訴老師!!就算係我都只會同老師商量下,同佢交代一下亞仔O既狀況!!
哈哈....為左亞仔,我係唔會咁容易出手投訴老師架!!!!

講返正題,
其實我都知小朋友開始大,都要學識適當咁忍下!!
但係我就係想知其他小朋友係咪都係可以忍到至少10分鐘以上!!
(因為我眼見幾次老師要亞仔忍都係至少8-10分鐘先到落堂時間)

一來想睇下咁樣對小朋友O既訓練係咪適當,二來想睇下亞仔係咪可能真係有問題要去睇醫生??

不過,我都已經應付左我老公...而我諗法就係,睇定D先!!如果真係再有咁O既情況出現先再麻煩老師幫下手,配合一下!!!

P.S.亞仔間學校都係FREE架...其實都係叫佢自己去之嘛(廁所有嬸嬸向度等),所以都唔明點解老師唔比佢去!!(可能真係驚搞到D小朋友"借尿循")

私人傳訊

hl2003

大宅

積分: 4894

15^#

發表於 11-11-23 10:09 |只看該作者

你小朋友朝早凈喺飲啲流嘢？300ml奶仲要加飲水實會多尿喇
你想佢飲多啲水不如比佢帶樽水喇

點評

annatse45 佢仲要食早餐架!!學校唔比自己帶食物同水..所以我之前咪比多啖水佢飲囉! 發表於 11-11-23 10:51

私人傳訊

boobecky

伯爵府

積分: 17328

畀面勳章

16^#

發表於 11-11-23 10:22 |只看該作者

我個仔返N班, 一返到學校, 姐姐就會叫佢地去咗廁所先入課室, 之後食早餐再排洗, 如要便便, 小朋友出聲老師都會安排佢地去, 我都覺得N-K1的小朋友未必有咁好忍耐能力, 老師係絶對要比小朋友去咗TOILET先完成課程

私人傳訊

annatse45

大宅

積分: 3986

畀面勳章

17^#

發表於 11-11-23 10:58 |只看該作者

回覆 boobecky 的帖子

但係老師而家就係要佢完成左先比佢去...

其實我自私D咁諗...如果已經係收拾緊,2-3分鐘後會先成O既,我真係覺得忍下係應該O既...
但係我自己眼見果O既情況就係至少10分鐘先會完成,之後先比亞仔去....咁樣係正常定唔正常??

但係冷靜諗下...會唔會亞仔忍尿功能比較差呢??係咪真係需要睇醫生呢??
(有時真係離譜到,1個鐘內去4-5次架,我都覺得多得滯...何況老師又要照顧咁多小朋友!!!)
但係又唔係成日係咁...間唔中先會!!

我已經同亞仔講左喇,叫佢每次去都去得乾淨D...唔好柯少少就算!!老師叫佢忍就試下忍...但係真係到忍唔住就一定要再同老師講!!!

ANYWAY...THX