大仔大女媽媽會 今日: 0 | 主題: 177860

積分: 4929

1^#

發表於 05-12-12 11:17 |只看該作者

我應唔應該離婚?

我同我老公認識唔夠半年就因為有左而結婚, 其實我地係相處時係有好多問題! 但係一心諗住...慢慢可以適應, 有好多問題, 都無去解決. 係峰峰仲未出世之前, 佢仲係對我好好, 但係當峰峰出世後, 佢對我既關係就一路一路差落去! 最近半年, 佢經常出夜街, 仲好多時去到凌晨3點4點, 或者係天光先返!

我相信無一個女人能夠認受自己老公咁樣出去玩, 仲要係飲醉晒返黎!我亦都同佢傾過好多次, 佢話自己忙住係出面攪生意, 又要應酬...所以咁...佢可以成個星期都係咁, 而且佢同我同對住峰峰既時間, 可能每日只係得15分鐘

但係我覺得佢呢個只不過係一個藉口! 係最近一次同佢傾時, 佢話對我已經無晒感覺, 話分開冷靜下! 由於而家夜晚主要係由我去照顧峰峰, 而且峰峰係返緊育嬰院, 我每日放學去接佢返屋企, 所以無可能係我搬走分開下.

當我老公講左話分開下, 佢都有返黎屋企, 但係....完全同之前一樣, 佢鍾意去到幾點返就幾點返, 只不過變左我唔會打比佢....

直至尋日, 佢終於用sms黎問我...乜我真係唔明佢講話分開係咩意思! 好老公, 我真係唔明! 佢叫我搬返外家住兩個星期, 仲要記住帶埋亞仔返去! 首先, 我係無可能返外家住, 因為峰峰去到陌生地方訓教係訓唔到, 咁樣會嘈住我細路....另外, 我覺得, 無理由係我搬走, 仲要我帶埋個仔! 如果我真係搬, 可能就唔只係兩個星期

其實, 我知我老公係好想離婚, 但係, 礙於佢唔想個仔係一個單親家庭長大, 所以佢就一直拖落去! 其實我都有去改善自己, 想去令呢段關係有改善, 但係....我做乜...對佢黎講都係無意思!

我而家真係好煩, 我唔知可以點做! 我一個人絕對無能力照顧到峰峰, 而且...我真係唔想離婚! 我知拖落去...對大家都無好處, 但係....我真係唔知點做好

私人傳訊

webjen

積分: 45502

2^#

發表於 05-12-12 11:43 |只看該作者

Re: 我應唔應該離婚?

首先,無野係唔可以解決o既,一定有個方法....
我知道做媽媽o既,一切都會以子女o既利益行先,唔會輕易掉低d仔女唔理(當然呢個世界係有呢d父母)!!
我好清楚單親家庭長大有咩問題,更加知道無媽媽係身邊o既小朋友係幾淒涼,但係我唔會話叫你要點做,決定始終係你自己...你要去衡量!!如果你覺得繼續同佢一齊,你同峰峰都唔會幸福o既,我會支持你!!至於點安排日後o既生活,或者同你99 & 屋企人商量下啦,唔好淨係自己係到鑽牛角尖,覺得其他人幫唔到你!!上次flora 比左d 社署資料你睇下幫唔幫到啦!

我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!

私人傳訊

mokchingyin0910

子爵府

積分: 13797

3^#

發表於 05-12-12 15:46 |只看該作者

Re: 我應唔應該離婚?

其實老公真係有應酬or去0左玩唔想返屋企, 我諗做老婆的會知道的, 他愛不愛這個家? 仔仔? 老婆? 你可能也感受得到? 如果是難受的再下去也是難受? 分開對小朋友影響是最大. 但不等如你們不分開就不會影響小朋友? 如果我係你, 我會問清楚佢想點? 起碼得個明白?

無論如何, 我們也支持hybb你的決定.....

我的婧婧係2004年9月10日出世啦! 重3.2kg

私人傳訊

gracelam

積分: 38943

環保接龍勳章

4^#

發表於 05-12-12 15:53 |只看該作者

Re: 我應唔應該離婚?

你還愛你老公嗎??? 只有你自己最清楚, 愛一個人包括原諒, 寬恕和等待.... 我知道是一個很難的抉擇, 因為有了峰峰... 當下了每一個決定便會有不同的結果/影響, 離婚: 峰峰要在單親家庭下成長, 一個單親媽媽絕不容易當, 經濟也是一大問題.
繼續等待: 你要繼續忍受老公這樣的態度, 直至他浪子回頭的一天.
可能他年紀尚輕, 根本還未"玩"夠, 可能他做了爸爸, 做了丈夫責任很重, 很想逃避..... 無論如何, 你要為峰峰著想, 我們雖然幫不了什麼, 不開心的時候, 緊記不要鑽牛角尖, 上來傾訴一下, 大家都會支持你.

教養孩童,使他走當行的道, 就是到老, 他也不偏離!

私人傳訊

Elainecnc

積分: 7735

5^#

發表於 05-12-12 16:09 |只看該作者

Re: 我應唔應該離婚?

hybb
你而家心情我都好明白，你會找人傾下嗎？例如找社工，有第三者傾下，可能有d新諗法？就算真的要離婚，都有人一齊幫你諗下可以點樣安排？
另外，你媽媽知你的處境嗎？

私人傳訊

phibow

積分: 40428

6^#

發表於 05-12-12 16:11 |只看該作者

Re: 我應唔應該離婚?

離唔離開.....呢道冇人可以比到答案你

但你要認真考慮你自己身理同心理有冇信心去繼續經營呢段感情......對方有冇機會浪子回頭........一份感情只靠一方去維繫係好辛苦

我相信冇一個做母親希望自己小孩會係一個單親環境長大, 但以你而家情況.....峰峰成長環境會唔會比單親家庭還要差呢

所有事情總有解決方法, 如果你覺得有需要不妨搵專業社工幫助, 佢地可以同你詳細分析, 之後再慢慢諗清楚個去向

希望你好快可以走出呢個困局

私人傳訊

hybb

積分: 4929

7^#

發表於 05-12-12 18:08 |只看該作者

Re: 我應唔應該離婚?

我仲愛唔愛佢, 我真係唔識答....但係, 我仲係好著緊佢, 好擔心佢.....係我心入面, 始終都係有佢

單方面去維持一段關係, 真係好辛苦, 我同佢咁既關係, 又唔係一日半日既事, 我真係無辦法再忍受下去....

可能你地講得無錯, 峰峰而家有爸爸等如無爸爸, 因為佢爸爸永遠唔會係屋企, 只係係峰峰訓左時至返黎.....但係....若果我真係決定離婚, 我會連峰峰都放棄, 當初我老公係因為有左峰峰而結婚, 佢係峰峰出世後, 都無做過做父親既責任......我唔覺得我應該自己將所有野攪晒上身.....

其實我老公係有心想同我講離婚, 但係佢知道真係離婚, 我會放低個仔比佢, 所以...佢先唔肯講....我有問過佢, 你而家係唔係當我免費工人...佢答左我一句.....因為你係佢媽媽....但係...咁佢又算係峰峰既咩野? 佢唔會抽時間去陪峰峰, 峰峰病...佢唔知...峰峰生日....佢出左街同朋友去玩....呢D叫做咩爸爸???

我真係好想等佢返轉頭...但係...我真係唔知要等到幾時......更右唔知有無呢一日!

私人傳訊

YanHoMum

積分: 1485

8^#

發表於 05-12-12 21:01 |只看該作者

Re: 我應唔應該離婚?

其實一直都很想跟你說..... 一個人咁撐係好辛苦,但係如果搵人跟你分擔就會係兩回事. 起碼做好兩手準備. 可不可以跟你媽媽或姐姐或妹妹傾下. 最緊要佢地係真心關心你.

還有擴大自己圈子, 可以多d時間理下其他人事物, 都無咁容易唸埋一邊.

我唔係專家,或會講錯野. 但係千萬唔係給一個暫時唔知答案/結果去影響你咁多. 前面還有很多路.

如果你認為經濟會係一個問題, 咁你有沒有唸過搵份工呀.

峰峰漸漸大個仔. 你可以準備搵工. 當然,地方方便,時間適合,最多人工差少少o者

希望有一兩句能夠真正幫到你

私人傳訊

katherine612

公爵府

積分: 27320

9^#

發表於 05-12-12 22:32 |只看該作者

Re: 我應唔應該離婚?

hybb,

你要記住我今日同你講的說話...忍耐係好辛苦架...
要浪子回頭唔知等到幾時...最緊要你還有峰峰呀...
你睇下峰峰已經開始學行路...佢好得意架...如果你
唔開心佢會知架...盡量保持心境開朗...有咩唔開心
就搵下我地班姊妹傾訴一下...總知記住唔好唸埋一
邊...無理結果係點我地都會支持你架...堅強D呀...
願主保佑你渡過呢關...亦會有美好的未來...笑下啦....
有唔開心記得call我喎...

私人傳訊

babycherry22

積分: 8484

畀面勳章貢獻勳章

10^#

發表於 05-12-13 05:46 |只看該作者

Re: 我應唔應該離婚?

hybb

我同我老公同你case都差不多，都是識了唔係好耐就有左，結婚

有一段時間，關係都不是太好，尤其是住在天水圍時，
我永遠在廳，佢永遠在房，一人一部腦，
於是，我同佢攤出來講，所以我地就搬回99屋企，
帶埋琳b
有爭執有99勸我地，我地都是一日,一日相處,變番好

以你的情況，你老公是礙於個仔，而冇同你分開
你以前都講過用了一d方法去同佢維繫感情(好似是寫信)
你盡了力啦!佢都不理，你應該依家開始計劃將來

你話同佢離婚是會放低個仔，是一d轉牛角尖的想法
不如你試下申請日夜暫托的育嬰園，or一d人信得過的人幫你湊bb幾日，但你又不問bb的情況，你看看自己是不是可咁恨心，此中你是不開心bb變成你同你老公之間的一個死穴，
不要成日諗因個仔令你地關係變差，而不是你唔love bb俾bb佢，呢個做法bb最慘
咁樣大家(你、佢、bb)都唔好

kat話"浪子回頭唔知等到幾時"真是好好用不如咪理佢啦

(不過如果係我，我走左好c耐，不過一家唔知一家事)

私人傳訊

niklaus903

積分: 8476

11^#

發表於 05-12-13 08:40 |只看該作者

Re: 我應唔應該離婚?

hybb,
你比呢個男人, 呢個問題困擾左好耐, 其實你應該有答案, 只差決心去實行呢個答案.

我只可以講句, 我絶對唔會跟住一個比唔到我同個仔幸福將來既男人, 要捱唔緊要, 但真係要捱得開心, 知道為乜而捱, 一齊捱.

私人傳訊

jacqueline_law

禁止訪問

積分: 25295

醒目開學勳章

12^#

發表於 05-12-13 09:04 |只看該作者

Re: 我應唔應該離婚?

提示: 作者被禁止或刪除內容自動屏蔽

私人傳訊

number13

積分: 3839

13^#

發表於 05-12-13 09:48 |只看該作者

Re: 我應唔應該離婚?

hybb,
請好好想想自己想過什麼的生活,不要把孩子作"人球",拋來拋去....我地一定支持你&峰峰!

私人傳訊

webjen

積分: 45502

14^#

發表於 05-12-13 10:09 |只看該作者

Re: 我應唔應該離婚?

見到你o既留言,真係好唔開心!!
可能你覺得唔理峰峰,自己生活會容易d,但係你心底真係捨得峰峰咩,如果你真係咁做,我相信你會內疚,峰峰將來大個都會嬲你,你話無理由你揹晒d責任,點解峰峰爸係個唔付責o既爸爸,你就要做個唔付責o既媽媽呢??有無想過峰峰呢??你願意見到佢無人照顧.....

私人傳訊

FlorashleyTim

積分: 1986

15^#

發表於 05-12-13 10:13 |只看該作者

Re: 我應唔應該離婚?

jacqueline_law 寫道:
...
要自己一個帶住個細的真係唔容易,但如果有 1 日我要走....我一定會帶埋 d 細路...

hybb,

我知道你很難受及困擾，不過我亦同意『長痛不如短痛』將來的路可能會艱難，但我相信以你對鋒鋒的愛，一定會有出路的。同時亦不值得去把鋒鋒做了磨心，你回想鋒鋒有事時，你的感覺你就知他在你心中的位置了。

我pm一些社署的資料給你，希望你願意搵人傾下，有時以為家人會唔知點睇自己，但其實他們可能是你最大的支持。

你不是孤單的，我們會支持你的。

私人傳訊

Elainecnc

積分: 7735

16^#

發表於 05-12-13 11:03 |只看該作者

Re: 我應唔應該離婚?

hybb
見到你d留言，感到你仲係好亂同好嬲！其實要做一個咁重要ge決定，特別係女人，要做離婚呢個決定真係唔簡單！真係要諗清楚，加上而家有小朋友，就要更加清楚，因大人有得揀，小朋友無得揀。

可能你搬開下係一件好事，冷靜下你會諗到自己想點，同埋日後可以點面對，生活可以點安排等。宜家一齊住，每日都係諗住點同你老公周旋、佢去左邊、係咪o係個女人度、佢返黎點對佢好......！自己又激氣，老公又繼續懶理，你地ge關係同屋企氣份，小朋友係完全感受到架！你自己都會好辛苦！

之前同你提過搵社工傾下，除左社署，你可以先去你附近的社會服務機構、青少年中心等都有社工，你可以隨時找他們，他們會有辦法幫你的。

私人傳訊

hellocat

積分: 4571

17^#

發表於 05-12-13 11:04 |只看該作者

Re: 我應唔應該離婚?

hybb,

我好同意webjen既一番話, 雖然一個女人帶住個bb條路會俾單身難行, 甚至可能有其它朋友會贊成你拋低峰峰, 但既然峰峰爸可以用這樣態度對你地, 你覺得佢將來會對峰峰好嗎? 我諗峰峰條唔俾你更難行.

每次見你同峰峰出來, 峰峰都好似樹熊咁掛在你身上, 好痴你, 其實峰峰知道你對佢係最重要, 最俾到安全感佢, 你捨得放下他嗎?

峰峰是你倆帶來這個世界, 你可否唔好只為自己將來條路打算? 請拖住峰峰一齊行吧! 加油!!

私人傳訊

phibow

積分: 40428

18^#

發表於 05-12-13 11:55 |只看該作者

Re: 我應唔應該離婚?

hybb 寫道:
其實我老公係有心想同我講離婚, 但係佢知道真係離婚, 我會放低個仔比佢, 所以...佢先唔肯講....我有問過佢, 你而家係唔係當我免費工人...佢答左我一句.....因為你係佢媽媽....但係...咁佢又算係峰峰既咩野? 佢唔會抽時間去陪峰峰, 峰峰病...佢唔知...峰峰生日....佢出左街同朋友去玩....呢D叫做咩爸爸???

我初初結婚時同我老公關係好差...好差, 差到係3日一小嗌, 5日一大嗌, 我仲試過離家出走tim, 果時我仲諗如果我有細路我一定唔要, 我會自己一走了知, 以後都唔會再見個細路, 當個段日子係白過

但隨住個人經歷成長, 到自己有埋個囡, 今日睇到你個message, 我再重新諗, 如果我不幸要離婚, 我會唔會帶埋個囡走........個答案係我唔捨得個囡, 我唔敢話我自己好錫個囡, 縱然我都知道個囡跟住我生活環境一定比跟爸爸差, 但我都唔想放棄照顧佢, 同佢一齊生活

而你個case, 你明知個男人唔會照顧峰峰, 點解你仲忍心要峰峰跟住爸爸???????, 你對峰峰個種母子感覺點都比我對個囡母女感覺深得多, 你餵左峰峰成年人奶.......峰峰病到入醫院.....你記唔記得.......峰峰唔可以冇左媽咪, 學cherry講, 試下將峰峰放係日夜育嬰院幾日, 而你自己走開下, 睇下自己係咪真係捨得唔要峰峰

單親媽咪條路真係好難行, 但會唔會比你現在行得開心, 行得輕鬆, 試下同你家人商量下, 有佢地支持, 會令你條路行得易同輕鬆

記住不論你有任何決定, 呢道都有一班媽咪會支持你, 雖然我地實際上唔可以幫到你d咩, 但我地會係一班好好聆聽者

私人傳訊

hybb