自由講場今日: 2117|主題: 1369356

收藏本版

發帖

返回列表

跳至頁

查看: 340 | 回覆: 1

終於出番啖氣 [複製鏈接]

neko138

侯爵府

積分: 20386

hashtag影視迷勳章

1^#

發表於 11-11-24 09:00 |只看該作者 |倒序瀏覽 |打印

我個仔今年P.1.
事緣開左學半個月左右﹐有次班主任發現我個仔無拎本手冊比佢簽名 (有D野我通知左學校﹐但果日阿仔無機會/無時間 SHOW 出黎)。
之後放學排隊班主任就問我個仔拎本手冊睇﹐原來家長(即係我) 有野寫低比佢。
根住班主任好大火氣0係全班 (應該係全校) 面前大聲的鬧我個仔。
仲鬧到佢大喊﹐鬧左一陣﹐就安撫返佢﹐遲左半個鐘放學。
工人姐姐就0係學校門外等 (工人姐姐都聽得好清楚老師講乜﹐校舍都幾大﹐由操場行出去要50步以上)。

我仔同工人姐姐返左屋企後﹐由姐姐講比我媽媽知﹐我媽媽再打比我。
我即時打返學校搵班主任問發生咩事。
因我個仔係好文靜慢熱既男仔﹐就算點錯 (尤其呢個係小錯)﹐你身為老師﹐係唔應該大庭廣眾鬧人架﹐佢雖然細個﹐但都要面/自尊心﹐你咁樣做係唔妥當。
呢位班主任講話係教返佢點做喎 (我心諗﹐教既方式又駛唔駛咁大聲又惡死呀!?)
果日阿仔都無心機 + 無食野﹐好HURT.
而家逢係呢位老師既堂佢都唔鍾意上。

今朝我同我媽去學校拎佢上期考既成績表。
都無傾D咩﹐老師淨係講我仔好靜﹐比一般男仔靜﹐又唔鍾意笑 (其實係對住呢位老師姐)。
岩啦開正我媽媽果範﹐我媽即時打蛇隨棍上一輪咀話個老師上次單野 (咁我媽又唔係野蠻人﹐都係用返件事黎講﹐大人比人當眾鬧都唔開心啦﹐何況岩岩返小學既小朋友) 呢位老師眼有淚光﹐仲話果次係想叫我個仔冷靜D WOR.
我唔想拎返件事出黎講﹐亦唔想令老師為難﹐但作為老師﹐要識點樣教育學生。