呢個係我同c6第6個cycle. 我原本有食開葉酸, 但試左咁耐都唔中, 葉酸都停喇(唔知要食幾耐先中嘛!)
我8-9月有睇何樹勛, 食左佢d藥後, 真係成個人暖晒, 好慶! 我唔再怕公司同九巴既冷氣喇! 不過10月我去新加坡同老公定居, 所以冇得繼續睇. 但係我有大約15種藥, 我見其他人成30隻藥, 所以心理上覺得自己身體似乎ok. 但即使我冇再睇佢, 我依然照佢所講盡量戒口.
因為我同c6之前係分隔兩地, 所以我地每次見面都盡量夾排卵期. 唔知係咪之前飛來飛去大頻樸所以唔bingo.
我有用過哈哈笑, 但都唔中, 覺得用哈哈笑好麻煩, 所以買左o係度都冇再用(btw尖沙咀龍城既哈哈笑係最平, 但亦可留意屈記萬記有冇減價).
我係用iPhone app iPeriod 同 P Tracker, 佢地既排卵日相差一日, 所以我兩個都參考. 我仲有用 What to expect – fertility既app, 作者係 Heidi Murkoff, 我有o係 Page One睇佢既書. 佢每日都有pregnancy tips, 我好鍾意睇佢.
就係Heidi Murkoff教食Pomegranate(紅色石榴)同oyster, 我地成日去類似 City Super既超級市場買pomegranate juice, 最好買organic同唔係from concentrate既. 排卵期要密密dodo, c6就密密飲, 同去hawker center食oyster fry(類似香港既煎蠔餅). 老爺會買新鮮既紅石榴俾c6食, 雖然要逐粒核吐出來, 但因為c6好鍾意小朋友, 所以佢都不厭其煩咁食.
上個月我地去曼谷, 我朋友帶我去四面佛參觀, 我係基督徒, 但因為個friend話好”陵”, 所以都入鄉隨俗拜一下, 跟住呢個cycle就中了. 如果bb順利出世的話, 我會返去請四面佛既人跳舞(還神方法).
仲有我媽咪教我唔好盤坐(即好似佛咁坐), 或蹺腳坐, 兩樣都係對子宮唔好(但我有時都忍唔到).
我cycle平均30日, 我冇量體溫冇用哈哈笑紅d綠d, 只係睇住iPhone app. 兩個iPhone app分別話我day 17或18排卵. 有dodo日子如下:
Day 7, 12, 14, 15, 16, 17, 19, 23, 26
之前睇過研究報告話日日dodo既pregnancy rate係37%, 隔日dodo係34%. 雖然數字上差別唔大, 但我同c6連呢3%都唔想錯過. 唯有飲pomegranate juice同幫c6按摩, 等佢有力做. 做之前會鋪定毛巾, 做完用tissue抹外面既丁丁, 然後用枕頭墊高pat pat訓到第二朝.
Day 20, 好肚餓, 食左兩條朱古力.
Day 29, o係護墊度見到有5蚊咁大既啡, 我仲以為m到. 我個個月m前都會出一兩粒暗瘡, 呢日都出左, 所以我以為今個cycle又fail.
Day27-31都因為病(傷風, 發燒, 肚瀉), 好多時都攤o係張床(因為等緊bingo, 我唔想食藥, 唯有靠多d訓覺來康復). 我超鍾意食魚, 但呢幾日食既時候會反胃同想嘔, 我唔知係同病有關定係pregnant有關. 仲有, 我肚皮勁痕!!! 我r到個肚而家有一條條瘀痕!
Day 30, 老爺有燉冬虫草俾我食, 我地出去食lunch時有叫花膠湯同海參.
Day 31-32, 個胸好漲同痛同好柔軟, 我真係想買大d既bra… 不過就冇咩分沁, 同平時快來m一樣.
Day 32 自己check到bingo, 醫生叫我wk 8做產檢.
我原本真係好想o係香港生, 因為有媽咪陪我坐月, 但我見香港床位咁緊張, 我都係留返俾其他有需要既jm.
我曾經有懷疑自己係咪輸卵管塞左, 或c6係咪冇丁丁(因為佢工作好大壓力, 晚晚都OT到好夜), 而家總算釋疑.
o係呢度我好感謝各jm教我咁多野, 我發言唔多, 但我真係每小時都上來睇. 希望你地快d同我過版, 一齊生個健康既bb!
呀, 唔好食薄荷, 唔好食咁多味精, 殺丁丁的.
發表於 
返回列表
