一個女人突然將留咗多年嘅長頭髮剪短，通常都係大受刺激所致，尤其係失戀之後，所以當有一把烏黑秀髮嘅陳淑莊 Tanya噚日以超短髮出現立法會時，唔少議員都擘大個口，私底下竊竊私語：唔通呢位黃金剩女又失戀？ 
有議員兜口兜面問 Tanya：到底受咗乜嘢刺激？ Tanya聽完哈哈大笑，話勢估唔到剪頭髮啫，都會喺立法會掀起小風波。留咗廿年長髮嘅佢親自解說，話想剪短髮好耐喇，但之前驚人哋話佢因為情傷做儍事；區選過後亦要避嫌，以免被人聯想到係選舉失利嘅衝動之舉。
等到前日終於覺得係時候喇，結果痛痛快快剪咗個短髮。八方發現男人一般對佢嘅短頭髮形象需時適應，接受程度唔夠女人高。工聯會黃國健話佢一頭短髮似十幾歲，
即係後生咗啦；葉偉明話幾乎唔認得佢咁滯。有保安都好奇怪，誤會多咗個新議員。都係陳偉業最有前瞻性，斷定 Tanya一定另結新歡，相信呢個都係 Tanya嘅聖誕願望，可惜佢家仲係「待沽」中囉。 
發表於 
有一個新開始
返回列表
