我同你的情況都好似. 我囡囡13個月大, 自她出世後, 我也要放棄星期六的小組生活, 我先生就繼續返星期六的小組, 感恩的事我仍有一個月2次的晚上查經班可繼續返, 都要我地兩個就時間, 有時就麻煩我媽咪夜晚睇多陣我個女.
因為我教會星期六晚上有崇拜, 有時我地其中一個湊女, 另一個就可專心崇拜, 星期日就論到另一個同小朋友去兒童崇拜, 另一個又可專心崇拜. 我都覺得自小朋友出細後, 參加教會或事奉的時間都要各方面配合, 所以次次有大型event, 我地以前多會一齊事奉, 宜家就只可出其中一個, 另一個要take care囡囡. 很感恩, 我地都ok. 同時, 湊住囡囡崇拜始終會分心, 如不想轉教會, 不如你同先生take turn, 每人一個星期照顧小朋友, 另一個就崇拜. 9月佢可以返兒童組就更好(但你都要預左陪佢一至兩個月等佢習慣先得), 你地就可專心崇拜. 如你們星期六有空, 可兩人抽時間讀聖經或一起靈修又或作家庭崇拜, 簡單的開始, 你地兩人之間可多溝通及分享, 從神當中支取多些力量, 有時靈命總會有高低起跌, 不放棄, 必會看見出路. 就一起為你媽咪的病開始一起禱告, 一起經歷神吧. 我都會覺得靈命有時空空的, 可多跟弟兄姊妹分享, 尤其是已為人母的姊妹, 互相鼓勵, 同路人好緊要.
我媽咪之前都在QM做開腦的大手術, 她是因眼睇野唔清楚而去私家眼科醫生到檢查, 後來發現原來是腦下垂體有個瘤, 醫生即時轉介, 竟可入到QM, 我形容如人家子女入名校一樣開心, 而且只於短短幾日就安排做手術, 媽咪經歷神的保守及弟兄姊妹的關心, 後來信左主, 真的很感恩. 我自己覺得政府醫院不是想像中差, 以我媽咪的例子來說, 她自己都話好, 而且身體上有什麼問題, 都會轉介其他科去跟進. 我自己都在政府醫院生bb, 初時都驚會好差, 但感覺良好, 亦因為在醫院住左九日(我緊急開刀), 我學識左餵人奶, 仲餵到囡囡13個月tim. 政府醫院未必唔好, 但我都明白你的心情, 只要媽咪開心, 你地就唔會太擔心先.
就是神的愛, 讓不認識的主內弟兄姊妹也可互相扶持及幫助. 可能我都經歷過媽媽做大手術的事, 對你的經歷很感同身受, 希望可互相勉勵.
我覺得你同先生都是認真的人, 返工辛苦, 又要take care媽媽, 在你說無信仰基礎的情況下仍會返崇拜, 真的很難得. 教會有沒有其他媽咪或夫婦可分享? 我覺得同路人很重要. 我上年生bb後, 身邊姊妹也差不多時候生bb, 大家多左好多分享bb的話題, 連以前唔熟的(因她們的小朋友較大), 現在也熟起來, 在湊b的過程中, 一起分享, 彼此支持, 我們有很多次流淚的分享及祈禱, 原來家家真的有本難唸的經(仲有成日都讀唔完既聖經), 大家在困難中抓緊神一起走過來, 先發覺聖經點解叫我地唔好停止聚會, 同路人真的很重要. 至於你同先生, 不如先試吓一起為為仔仔為媽媽祈禱先lor, 再為工作及教會生活等, 我深信只要嘗試, 一定經歷禱告的奇妙大能. 我先生同我都時有偷懶, 但我都會迫他同我一齊祈禱, 迫不是他不願意而是懶, 所以都要求自己有顆持之以恆的心.
你也可同牧師或傳道人分享你的困難, 看看他們有什麼建議, 教會可有信仰班/查經班? 如時間未能配合也不用心急, 我深信你對信仰認真, 神一定給你更多認識衪的機會, 努力呀!
發表於 
返回列表
