在職全職 今日: 18 | 主題: 48027

積分: 201

1^#

發表於 11-9-4 21:28 |只看該作者 |倒序瀏覽 |打印

想請教下全職媽媽的意見

我在仔bb時就放棄工作去照顧他, 想親自教好他, 了解他, 不想他依賴工人姐姐
我一手一腳嗅到他都差不多4歲了
越大就越曳, 我由細到大都沒有縱容過佢, 但經常樓計令我好激氣, 細個果時真係教到佢唔少野, 但大個左反而唔肯合作, 愛攪亂檔, 包括待人接物, 禮貌等等
又愛學其他人的壞處
最近直情作反, 越叫唔好越得意地做, 真係覺得, 我唔出聲分分鐘仲好d, 咁樣下去, 教又死, 唔教又死, 會唔會變相教壞個仔 (如叫佢唔好整到人, 掉野,要有禮貌等等)
個仔曳(試我底線時望住我) 我唔係好大反應, 通常扮平平無其咁回應一句起兩句止, 除左經常犯大錯就會回家才鬧一大餐

我好氣餒了, 因為我花的心血完全唔覺有用, , 最怕的是被人覺得我無教!

想問下d媽媽意見, 係咪小朋友一般係咁, 大個左會變? 還是可以找其他援助? 我心大心細係咪請返工人照顧會無咁勞氣, 但其實都好想陪佢成長! 唉, 不過每日都比佢激死, 講極都唔聽!

點評

pingi agree! 我自從工人約滿後就無再請, 而家已經4年ftm, 好氣餒.... 發表於 11-9-12 12:00

0 0 0

私人傳訊

積分: 49511

2^#

發表於 11-9-4 22:34 |只看該作者

男人都唔會聽你講啦,何況系男仔, 佢地系好難教,反叛性好高,不過要睇佢既性格,系唔系受軟唔受硬,如果系,可以dum下佢,男性既自尊心好重呀,有做教書既朋友話通常有問題既學生多數系男生.
男仔系比較難教既,依句說話系有d有仔有女既mama講既,如果系我,我會選擇出去做野,因為男仔系冇咁孝順,不如搵多錢養老好過,如果系女,可能會繼續湊落去,系仔就唔值得咁大羲牲自己湊喇

點評

hoiching930 agree 發表於 11-9-5 11:05

私人傳訊

PRESTONMOM

積分: 269

3^#

發表於 11-9-5 10:58 |只看該作者

引用：想請教下全職媽媽的意見我在仔bb時就放棄工

原帖由 vivianchung 於 11-09-04 發表
想請教下全職媽媽的意見

我在仔bb時就放棄工作去照顧他, 想親自教好他, 了解他, 不想他依賴工人姐姐

我見到你個post , 忍吾住狂點頭，agreed!!!
我揍個大仔二年多，頂吾信，去左返工。生第二個時，同老公講明如果係仔，繼續返工，賺錢養老。感恩！今次係囡囡。不過大仔已經乖左好多。我諗三至六歲男仔係甘。努力！支持你！

私人傳訊

積分: 49511

4^#

發表於 11-9-6 08:28 |只看該作者

男仔系佢覺得你講既野系唔岩佢會唔彩你,唔出聲,同你攪對抗,又活躍,女仔普遍系聽教d,男仔系用行為去表達佢既想法而女仔系用言語去表達,所以教男仔系比女仔用多一倍既心機,同埋男仔系比較懶,唔鍾意學野,所以點解依家HK d男仔唔系好得就系咁解喇

私人傳訊

bosch

瑪瑙宮

積分: 128521

2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

5^#

發表於 11-9-6 08:35 |只看該作者

連你教都冇用, 咁工人唔會去教, 你個仔會變成點? 到時你放工見到佢既態度, 可能會仲火滾喎!

我兩個都係仔, 有時我都會諗佢第日係咪會係咁, 其實我都預左佢地冇咁孝順, 但求我老左佢地會搵下我, 我就心足啦...

我見我老公好孝順, 同我99都好好感情, 可能怇性格內向有關o卦.. 我個叔仔係比較外向, 細個係曳d 但心地唔壞, 聽我老公講都佢細個成日激我62 99, 而家有頭家就收心養性做好老豆同埋乖仔.

我有表弟細個好牛棈, 兩兄弟成日打架, 我阿姨成日鬧佢地, 但大左又好好感情, 一個仲好文靜.

我諗細路仔一返學就會學埋人地d 曳野, 我d frd 既細路都係咁, 咁佢響屋企要再教過個仔唔好講粗口等等..

我個大仔3歲半, 而家都響我講東佢做西既階段. 如果係命令式/服從式教法, 我個仔有時會受, 有時唔受. 我既教法係命令式咁教, 但我老公果邊d 人就係玩遊戲咁教, 我發覺佢地唔駛咁勞氣, 但又可以教到個仔聽話, 我都學緊佢地咁教.

早排佢又係鍾意做相反既野, 咁我地咪同佢玩果陣叫佢 e.g. 唔好楝識飛既動物出黎. 佢玩夠呢d 相反遊戲, 之後又會聽話.

如果可以既話, 我會俾佢去揀野, 一係叫佢自己揀, 一係佢要二揀一. 佢有選擇權, 會甘心過單方面去聽從我既指示, 因為佢有得話事同渣主意.

講到禮貌, 迫都冇用, 話唔定佢自己都有壓力, 唔敢同人打招呼. 但係唔迫唔等於唔教, 我個仔唔同人講byebye時我會事後叫佢下次要講番，　佢有同人講果陣, 我會讚佢。　　另一個post 都有媽媽提到呢樣, 有媽媽suggest 個小朋友玩鬥快同人招呼, 我覺得呢招值得一試.

我地只係咁教個仔, 未必次次都掂, 但至少自己唔駛動氣咁多次.

點評

ah80327 thx for sharing 發表於 11-10-3 09:30

私人傳訊

積分: 49511

6^#

發表於 11-9-6 13:30 |只看該作者

d男仔成日要人提好多次先肯做,肯做都仲好d,我見有d系個mama自己湊果d仲難教,可能同個小朋友既性格有關

私人傳訊

sister4

積分: 4826

7^#

發表於 11-9-6 21:54 |只看該作者

我個女都係四歲,教佢都好勞氣,有時覺得自己好似變左癲婆咁。不過自己唔教,仲有邊個可以幫你教?

私人傳訊

josejandy

別墅

積分: 894

8^#

發表於 11-9-9 15:11 |只看該作者

回覆：有點氣餒, 應否再工作?

我個大仔四歲時勁乖，但五歲一返學就軟皮蛇！不睬，不理，不做！激死！but agree with Bosch! 自己都搞不掂，仲敢靠班吹水皇后？！

點評

pingu_k 升小一後軟皮蛇,真係吾知點攪!又吾可以幫佢考試,做功課...到時仲煩過而家! 發表於 11-9-13 22:51

Jayson was born in Apr2006
Jeremy was born in Apr2008

私人傳訊

pingu_k

侯爵府

積分: 21813

9^#

發表於 11-9-9 23:15 |只看該作者

我個仔3歲,又係日日俾佢攪到心口頂住頂住,日日都死好多細胞,好勞氣!!好似而家咁,我真係有d想喊,覺得好沮喪,真係覺得自己吾識教......有時已經忍住度氣,好聲好氣咁同佢解釋/叫佢做/叫佢停,但叫極吾聽,係要攪到你發火鬧佢(有時會打),但有時佢都吾怕,又勁硬頸!

番左學幾日,老師已經話:佢成日跑黎跑去;老師講書時,佢又大聲講野;老師叫佢停,佢會答:"知道啦!"但轉頭又黎過,都吾怕老師!

我同老公都吾係咁既性格,點解生到個仔咁??如果俾我果對成日叫我吾好生仔既6299知道,佢地實覺得阿仔咩仇都同佢地報哂!!唉............

點評

StFrancisNo8 Your 6299 is minority

發表於 11-9-30 22:55

私人傳訊

vivianchung

積分: 201

10^#

發表於 11-9-11 13:37 |只看該作者

仔真係唔係個個都咁易馴服!

唔係想工人姐姐教佢, 而係, 佢負責幫我頂左D" 氣" 再等我教姐...不過現時都係奢想, 工人有時都好難控制

每天做ROUTINE 既野都好勞氣, 食飯又喊, 刷牙又喊, 返學又喊, 成日好似難捨難離咁, 到你接佢回家, 佢就唔肯返屋企, 成日攪到一路行一路喊

D曳既小朋友既"無聊動作" 就好鐘意任何時刻都做

唉, 我都同意花好多心機同時間在仔到, 回報又無乜(都唔洗諗添) 但人都生左出黎, 可能全職媽媽都需要個位申下!

私人傳訊

pingu_k

侯爵府

積分: 21813

11^#

發表於 11-9-13 22:58 |只看該作者

回覆 vivianchung 的帖子

你個仔4歲都仲係咁難攪?我仲奢望緊會吾會大d好d,睇怕都係得個諗字!!有時我會覺得FTM成日可以對住個仔,照計應該可以湊得佢好d乖d(我諗街外人都會咁諗),點知自己個仔好似樣樣都麻煩過人地working mom既小朋友咁(食同行為方面)......好灰........

點評

vivianchung 其實D小朋友一時曳一時乖, 但好快學左第2樣野又曳返, 玩一排厭左又出新招... 發表於 11-9-29 22:50

私人傳訊

田心

積分: 1891

12^#

發表於 11-9-27 10:12 |只看該作者

回覆：有點氣餒, 應否再工作?

唉...我大仔三歲，每晚都要同我瞓，老公炸晒形，咁我咪等佢瞓咗先反房。點知嚟幾曰，佢仔晚晚要去我媽咪到瞓，唸住買d玩具等佢留係屋企，又比老公鬧。大仔佔有慾好強，唔比細b拈佢d玩具，拈親都打同咬。老公每次都話我寵壞個仔，好多時買玩具時的意思唔係咁，但大仔又唔生性。唉...好辛苦，真係好辛苦！

點評

vivianchung 你借黎玩...每次玩10-15分鐘/1個鐘, 就要還發表於 11-9-29 22:51

私人傳訊

StFrancisNo8

積分: 1530

13^#

發表於 11-9-28 10:35 |只看該作者

I think kids in this age is rebellious
My son is 3, he behaves also like this. Add oil or you can develop your own interest to release your pressure.

點評

vivianchung 係, 有時好氣餒, 想避開佢, 因為24小時對住, 但過一陣, 又會好D! 發表於 11-9-29 22:52

私人傳訊

dienalitie

禁止訪問

積分: 142

14^#

發表於 11-9-28 12:21 |只看該作者

提示: 作者被禁止或刪除內容自動屏蔽

私人傳訊

魚子媽媽

男爵府

積分: 6487

玩具勳章

15^#

發表於 11-9-28 16:54 |只看該作者

唔洗請工人, 老公又同意, 係福氣嚟嫁!

小朋友多古靈精怪嘢, 反叛, 可見他係一個聰明仔, 教得好, 係未來楝樑嚟嫁

佢真係好需要亞媽教, 千祈唔好比外人亂教一通, 唔係將來後悔...

點評

vivianchung 係! THX! 發表於 11-9-29 22:53

私人傳訊

irene_the_pooh

伯爵府

積分: 15328

16^#

發表於 11-9-28 20:12 |只看該作者

其實男仔同女仔最大既分別就係女仔識睇人眉頭眼額，而男仔就唔會理，想做就去做！

所以女仔會因為知道爸爸 / 媽媽鐘意D咩行為，而去取悅佢地；但男仔普遍係唔會 (我講緊既係小朋友，不過我老公呢D咁既大朋友都唔會

)！所以點解成日會有個感覺比人係女仔易教 / 湊過男仔！

但其實無論男仔定女仔佢地都知道邊個o係佢地心目中係最重要，而你已經做左頭幾年FTM，其實同阿仔既感情一定已經有好好既基礎 (如果你唔係一個虎媽既話)，所以就算佢而家好似好反叛，但佢其實心裡面都會知道佢唔想令佢心目中呢個重要既人失望 / 唔開心！

呢個可能係一個過度期黎架咋，就好似trouble two咁，呢個階段你都過左，而家呢個都一定得啦！

努力呀！
你而家既努力一定唔會白費，可能你而家睇唔到成效 (怕比人話冇家教)，但你教個仔既野佢一定已經入左耳 / 心架喇！

點評

vivianchung 盡力而為! 謝謝發表於 11-9-29 22:54

私人傳訊

sharondotcom

積分: 358

17^#

發表於 11-9-29 00:57 |只看該作者

回覆：有點氣餒, 應否再工作?

好多時我地全職媽媽都覺得教好仔女係責無旁貸，所以壓力好大…
老土啲講句，既然要做嘅已經做咗，唯有調整自己心態、放鬆啲啦，加油！

私人傳訊

CAKEMom

積分: 1163

18^#

發表於 11-9-29 11:47 |只看該作者

本帖最後由 CAKEMom 於 11-9-28 22:54 編輯

回覆 anna59 的帖子

我都有仔有女，我唔覺個仔特別難教。因為係我生完個細仔後轉做全職媽媽自己湊和教，他就嚟兩歲，無返nursery。反而我個大女就難搞些，因為之前有親戚湊，自己又無乜特別去教（轉了做FTM才開始認真教，她那時未夠兩歲), 到現在三歲半仍然週不時要勞氣。所以我認為仔女無分別，係睇你有冇方法教。

至於出嚟做嘢搵多D錢去養老而放棄教仔是一個頗天真的想法。因為若果你做阿媽都唔教，就無人會教。社會去教就即係由得佢犯錯去承受後果。除非你同個仔脫離關係，否則他日佢爭落一身債要你孭，連你養老過筆都敗埋就真係仔錢雙失喇！

點評

vivianchung 哈哈. 係既, 到時就會話自己無好好地教佢發表於 11-9-29 22:55

http://cakemomworld.wordpress.com 一個充滿湊仔、教仔、慳錢、Shopping。。。仲有記得要感恩嘅世界

私人傳訊

積分: 49511

19^#

發表於 11-9-29 22:00 |只看該作者

CAKEMom 發表於 11-9-29 11:47
回覆 anna59 的帖子

我都有仔有女，我唔覺個仔特別難教。因為係我生完個細仔後轉做全職媽媽自己湊和教，他 ...

我既意思系出去做野,但都系自己睇番,教番,如果有份工做可以令三個家庭(i.e. 6299, 自己同自己父母)既經濟隱定,咁我寧願小d時間陪小朋友都出去搵錢,所以點解有d mama話想去做ftm就比自己既兄弟姊妹lau話佢地自私掛住湊仔煮飯,有d mama直情比6299 自己父母lau 自私啦.個個都想自己湊番個小朋友,但系事實系無奈既.唔系個個好似你咁好運可以做ftm既,我都好羨慕你,致於養老,可能我見到好多負面既事.所以有d野都要做定d準備.我都明做ftm系吃力不討好同埋腹背受敵.

私人傳訊

vivianchung