網購天地今日: 0|主題: 70775

收藏本版

發帖

返回列表

跳至頁

查看: 1001 | 回覆: 8

[淘寶] 係淘寶買Wellborn不锈鋼鑊的不快事 [複製鏈接]

Sharon886

男爵府

積分: 5817

1^#

發表於 12-1-6 16:13 |只看該作者 |倒序瀏覽 |打印

本帖最後由 Sharon886 於 12-1-7 00:55 編輯

係BK睇到有媽咪話係淘寶買呢隻Wellborn不锈鋼鑊質量幾好，於是自己都淘返隻。

收貨的時間正忙著開晚飯，於是照平時一樣先簽收就放到一邊。終於等到ｄ細路訓晒我有時間打開包裝時已經好夜，點知一睇原來隻鑊既鑊身被硬物「篤」凹咗。當時已經係31/12/2011既11點幾，立即聯絡賣家的客服。當時既客服話幫我跟進（當然之後係冇啦），但翌日已經係1/1/2012，咁我又等等等等到放完假。1/3/2012搵賣家的客服，點知佢話我冇即場驗收就簽收係我唔啱，死都唔肯換貨，即使我影晒相send俾佢睇咗個處凹既地方冇乜可能係我個人可以做成（隻不锈鋼鑊都幾厚，我都幾難「篤」凹佢），同埋唔換貨我都冇乜可能用得到（一開波就同我話唔影響使用，而家係個鑊身凹咗入去，點炒菜呀？），大家討價還價咗大半日，就算我話我肯出運費（幾十蚊啫）送返個鑊返去，叫佢發過一隻鑊俾我，都唔肯。既講好多唔禮服既說話，又講一大堆廢話，又話自己係香港人，有香港身份證，又話未見過我呢ｄ咁既香港人喎（叫佢換貨咋喎，未見過？

），仲話鄙視我（運費都肯俾多次，仲鄙視？）

最後聯絡順風速運，人地順風好快就搵人上來收咗件貨返到影相調查，我又順手問吓順風我先簽收後check貨有冇問題，順風都話冇問題。於是又轉述賣家，點知換來更不禮貌既對話。同埋原來運費只要人仔60塊，佢實情收我100塊，唔同賣家投訢就咋唔知，同佢反應就話「退返俾你囉」～（我頂！我買一百幾十既ｂｂ衫，人地係即刻聯絡我改運費，一蚊都冇收多我，應該話，除咗呢間黑店之外，從來冇人收多我運費）

到嗰一刻，我真係頂唔順，問順風如果我要退件要收幾多charge，跟住叫順風幫我退返件貨俾賣家。

而家順風冇收我一毫子，但賣家仲未肯退返錢俾我，幸好未此確認收貨，有咩事淘寶會退錢俾我。但我一定會搵淘寶投訢這家店！順風亦已經通知我會受理呢單野，仲話同賣家賠人仔360蚊，不過賣家唔肯接受咁喎～（件貨都係人仔310蚊，賣家開收我連運費410蚊人仔，實情運費係60蚊人仔，唔通佢想收順風410？）

這家店叫「廚神爭霸」！

P.S. 事件最新發展
下午5點幾發起維權，佢地6點幾退錢。不過我唔會就咁算數！