論盡家傭今日: 0|主題: 134049

收藏本版

發帖

返回列表

跳至頁

查看: 362 | 回覆: 3

15/16 [複製鏈接]

noproblemom

子爵府

積分: 13966

牛年勳章畀面勳章

1^#

發表於 12-1-6 17:43 |只看該作者 |倒序瀏覽 |打印

之前講咗, 呢個姐姐係以前幫我做過一份兩年約, 舊年叫番佢返黎幫我手係貪佢手腳快同埋我真係冇人揀到, 舊個工人又非常之差.

佢黎咗之後頭一個月我地過咗honeymoon, 佢真係勤力及唔玩電話冇面色. 之後到而家, 佢好多野都浮哂出黎, 例如朝早成日賴床唔記得起身攪到冇早餐帶走, 清潔工夫求其, 我捉唔到就過咗骨, 成日打電話搵唔到人, 打屋企冇人, 打手提又冇聽, 我知佢可能落咗去買野, 但冇理由比個我搵唔到佢既手提電話嘛. 成日掛住SMS, 玩電腦, 其實佢做哂野我真係唔介意佢玩一陣, 但係佢玩到"創"哂個心夜晚唔瞓覺囉. 成日有野唔滿意, 唔理係咪佢自己問題就黑面, 最慘係我個囡時時對住佢, 唔知佢邊日開心邊日唔開心. 佢D情緒大上大落, 一陣又話屋企死咗婆婆成個人發咗癲喊, 癲咗兩日, 又好似冇事, 都唔知件事係真定假. 時時都冇記性, 自己已經試過唔見提款咭, 昨日又唔見我屋企鎖匙, 叫老公即刻趕返屋企開門配匙, 但都要個囡坐咗樓下個半鐘等爸爸返黎, 唔通下星期佢要唔見我個囡咩? 仲有, 可能佢之前幫過我打工, 而家黎咗都好似恃熟賣熟咁, 成日同我地講題外話, 例如人地屋企點點點, 電視劇情又發展到點點點, 我未有準備同佢咩都傾一餐囉. 有時好怕佢"懶"熟.

但係睇番佢做野, 佢煮野係OK, 清潔都尚可, 湊我個囡(小三)更加冇問題, 因為都咁大個女, 冇咩要佢執. 老公話, 而家出面問題姐姐咁多, 送走佢新黎既可能連基本工都做唔好, 嘥錢又嘥精神教, 不如忍下忍到佢完約.

如果你係我, 你會點揀?