影視娛樂今日: 7|主題: 16108

收藏本版

發帖

返回列表

跳至頁

查看: 428 | 回覆: 0

「大家都好攰」偉仔撇王家衛 [複製鏈接]

star100x

大宅

積分: 1003

1^#

發表於 12-1-9 11:16 |只看該作者 |倒序瀏覽 |打印

梁朝偉拍王家衛執導嘅《一代宗師》扮演葉問，點知一拍就拍咗兩年幾，到今時今日套戲仲未知幾時上映。為咗呢個角色，偉仔付出好多，甚至拍戲受傷，搞到老婆劉嘉玲鬼咁心痛，出言埋怨王家衛。噚日偉仔同劉青雲、周迅一齊現身北京，出席新戲《大魔術師》嘅首映禮，偉仔坦認話會有一段長時間唔會再同王家衛合作。
《大魔術師》嘅導演爾冬陞爆料話偉仔曾經同佢講過，話拍多 5部戲就退休，但偉仔就否認：「我希望我整個人生都喺度演戲，每個階段都有作品。」偉仔話佢好想以後多啲機會拍喜劇，佢一講完即刻令人聯想到佢唔想再同好少拍笑片嘅王家衛合作，佢話：「啱啱拍完王家衛嘅戲，大家都好攰，需要長啲時間復原，或者好耐好耐之後先會再合作，所以大家唔使太擔心我同佢再合作嘅問題，暫時不會有。」

梁朝偉噚日同爾冬陞、周迅以及青雲等人，齊齊現身北京嘅首映禮。

偉仔老實話同王家衛合作得好攰，所以短期內雙方都唔會再合作。

王家衛出名慢工出細貨，只可惜佢真係太慢，新作推出遙遙無期。資料圖片

爾冬陞撐栢芝

偉仔拍王家衛嘅《一代宗師》扮演葉問，一拍就拍咗兩年幾。

另外當年由爾冬陞一手捧紅嘅張栢芝，近日擔正嘅戲都票房仆直，爾冬陞為佢講好話，希望傳媒唔好將件事當成笑話，佢認為柏芝身邊應該有人同佢講真話：「我唔知佢點解咁急接咁多戲，但我好理解佢要一個人養全家人，佢票房唔好唔代表佢唔識做戲，但我都唔敢肯定會唔會再同佢合作。」

Apple