懷孕前後今日: 0|主題: 330525

收藏本版

發帖

返回列表

跳至頁

查看: 2313 | 回覆: 44

我既兔王子出世了 [複製鏈接]

12 3

skv0515

別墅

積分: 646

1^#

發表於 12-1-18 04:01 |只看該作者 |倒序瀏覽 |打印

1月16日早上去洗手間已經見紅，不過好少，所以我都冇理，因為我知入院都係未生得(第2胎)，而且之後都沒有見紅情況出現。
到了1月17日早上，我又看見又有少少見紅既情況出現，加上BB又好似郁少咗，便同老公講我打算入院check下...沖涼洗頭，再同老公落樓下食個豐富早餐，之後便搭的士入院。
大約9:15am去到聯合2樓產房(老公未入得去)，做了入院手續、換衫，之後佢地就幫我駁機聽BB心跳及觀察活動情況！一聽就聽到中午十二點，之後醫生同我講BB心跳曾經試過有1次比正常低咗少少(係少少，佢有圖比我睇)，再加上佢地話我又覺得BB郁少咗，而BB已經38週4，已經足月，加上盤骨已經成熟晒，不如幫我穿水+掉璀生水，等BB快d出世，慢一出世後有咩情況都有兒科醫生睇住，而依家喺我個肚入面就算有事都未必知，只可靠駁機聽BB心跳及觀察活動情況...初初我在猶豫的，但再同老公商量後，決定生了(因為都知道BB係呢幾日就會自然出世)！
醫生便在12:15pm幫我穿水+掉璀生水，慢慢我便開始痛，由初初十分鐘痛1次，到了大約1:50pm開始5分鐘痛1次，之後大約3:00pm已經3分鐘痛1次，而我亦都開始頂唔住咁痛，就開始聞笑氣，而老公亦都在3:25pm入咗黎陪我，真係痛到唔識講野，我不停係咁大力索笑氣，但原來係流料，剛剛用完，不過我竟然發覺唔到，係老公見我索得咁辛苦，但回唔到氣，跟住出聲叫人換過支氣比我！
到了3:50pm，我真係痛到發癲，我出聲話比個助產仕知我好痛，可唔可以幫我睇下開咗幾多度、生得未...但佢竟然同我講我這些痛才剛剛開始，仲有排痛兼仲會更痛，又話大約4:15pm會有醫生黎睇我，因為實在太痛，冇力再講，咁我唯有等...
但5分鐘後，我痛到發瘋兼想大力痾(即係生得)，便視意叫老公幫我按救命鐘，之後有人入黎我就話我要痾啦，佢地叫我唔好痾住，再叫老公出去先(原來要老公出去換衫，戴口罩&帽)，而佢地即刻將我由5號病房推我去一間更大既3號產房。
好快就好多人入晒黎，我想大約有8個人(醫生&助產仕)，好辛苦，我話要痾，佢地就叫我唔好住，話我咁樣會整到傷口爆裂，鬼咩，因為佢地連手套都未戴好，幫唔到我住...老公入咗黎，再等佢地又ready好，先開始叫我痾，醫生叫我慢慢痾一下停一下...幸好我仲配合到，而且有老公陪住我，心理上我真係會好好多！好快，我地個兔王子就喺4:10pm出咗世啦！生咗出黎，一身鬆晒，但我成個人仲震緊...我望住BB，再望住老公個樣，我真係覺得自己好幸福☆(((^o^)))☆