自由講場今日: 37|主題: 1367852

收藏本版

發帖

返回列表

跳至頁

查看: 690 | 回覆: 7

呻兩句 [複製鏈接]

the8

伯爵府

積分: 15844

1^#

發表於 12-1-26 16:12 |只看該作者 |倒序瀏覽 |打印

新來 baby kingdom，做 cd-rom 都一段時間，見到各位 jm 間唔時都呻兩句，我又來分享一嗄！

其實我同 99 的關係幾好，我會尊敬佢，過時過節會買嘢俾佢食；當然我亦坦白地承認我對自己媽咪好得多，媽咪由細到大佢都以仔女為大前題，我成日都話我嘅人生都係愛裡面浸大，我父母係少數無重男輕女嘅圍村人！奶奶呢其實唔多理我同老公（我同老公講笑咁講，生咗七個，理得幾多！62 又早走，全部養得大都好好了！），無論結婚買樓都無過問過（將心比己，幫得幾多個？），亦無題出過任何問題。我唔介意，真係唔介意且覺得咁嘅關係好舒服。

初時入門，我都會好似對媽咪咁對 99，打風落雨會打電話去問『99 打風呀，駛唔駛幫你買定啲餸？』，翻風時又會打電話去『99 凍咗呀大風咗，著多件衫呀！』，但原來佢屋企係唔興呢様嘢，頭一兩次 99 係靜咗落嚟唔識答我，後來先會講『有心喇家嫂！』，原來各大伯阿嫂同姑奶都無呢樣嘢，佢哋唔係唔鍚 99 但真係收埋係心唔講出口；久而久之我都無再做呢啲我稱之為『肉麻嘢！』（當然，自己媽咪呢邊依然會做，有時唔係你唔提佢佢就真係唔著衫，係一份關心同順便聽嗄對方把聲閒談兩句。）

因為住得近嘅關係，過節時必定或間唔時 ad-hoc 約食飯，我哋都會出席，我呢啲又係『典型新抱仔』心態，過時過節緊係要買啲嘢上去咖喇，而我老公呢每次都淨係識講『唔駛喇！唔駛買喇佢哋都食唔晒！』（因未婚嘅大姑奶，大伯奶姨生女同 99 同住，兩位女的很喜歡北上購物，所以家中很多祖國超巿的存貨。），當然我唔會俾我老公『跌』到喇，縱使 99 有老人痴呆呢頭派完利是果頭就話自己未派，有一年新年我俾封利是佢買嘢食，轉頭佢俾咗樓下個看更！（唔好問我俾咗幾多錢，實際數目我都唔係好記得！但果一刻好驚呆亦好赤！由果年開始我叫返老公自己俾！咪等佢連肉赤嘅感覺都無！）

但『亮點』係大姑奶呢三個字！

大部份女人係小氣嘅，我明！而且大姑奶未結婚（斷估亦唔會結了因仲有幾年便退休），心態更加難捉摸！試嗄我真係唔買嘢兩手空空上去呀，咪一樣有嘢聽，當然一年幾次過時過節買禮這些錢我是不會慳的！

好多時出街食飯，佢又會嫌呢樣貴果樣貴，我哋已經去一啲普通地方食飯，你嗄嗄都用『嗄？魚頭煲要 $68？買個魚頭幾錢啫十幾廿蚊之嘛駛唔駛 $68 呀？』（人哋唔駛賺？唔駛交租交水電唔駛俾人工？）或『把鬼，我整得好食過佢喇！』（但佢從來無食過人哋賣果樣嘢已經下咗判斷自己整一定好食過出面所有買嘅！），坦白講我好怕啲人咁偏激，咁講法以後唔駛出行食喇！

就係咁，好多時係屋企食，食親都要就佢放假（佢返 shift），但其他大伯又要返工未必得閒返嚟食，而且地方又遠（個幾兩個鐘頭車程），咁都算，我哋近嘅咪出席囉！另一『亮點』係唔用公筷！
其實係我自己屋企，如果係幾兄弟姊妹同媽咪食飯，都唔會用公筷，大家都識做唔會食筷子或舐筷子，但佢哋唔係！首先兩個大伯會舐筷子，會含住筷子尖『啜』一聲果隻，又會打橫瀨對筷子跟住去挑餸，夾過但唔啱心水會撥埋一邊，面對兩個中年男人咁嘅食相，你叫我點敢食？

我已經同老公講，如果以後打邊爐或食盆菜（呢個都可以食面果層最多唔食底果啲！）我唔出席，我因為『舐筷子』呢樣嘢唔想去到又唔食（有一次俾佢哋陰到，去到先知打邊，唯有一開始食兩舊跟住就停手唔食！個個問我點解停手唔食，大佬反胃呀！我老公就食未結婚前食咗你哋廿幾年口水尾啫，我唔係呀！）老公都體諒我有幾咁難受，遇上食呢啲唔會逼我去。

所以我好讚成出街食，食圍菜你唔用公筷都好，我最多夾『未受污染』果邊，有人分埋就最好唔駛夾！但奈何大姑奶成日話唔抵唔肯出去食！

哇，話呻兩包，呻咗好長添！

0 0 0

私人傳訊

KARYKARYKARY

子爵府

積分: 11977

wyeth冷知識勳章

2^#

發表於 12-1-26 16:22 |只看該作者

回覆：呻兩句

姑奶系難頂，仲要系未嫁！唔食咪唔好去，系屋企食糸邊個煮？

私人傳訊

the8

伯爵府

積分: 15844

3^#

發表於 12-1-26 16:32 |只看該作者

KARYKARYKARY 發表於 12-1-26 16:22
姑奶系難頂，仲要系未嫁！唔食咪唔好去，系屋企食糸邊個煮？

...早期奶奶未開始老人痴呆 99 會煮啲，買斬料返去咁就一餐；後來 99 病發就大姑奶爭住煮，佢出發點係好，想大家唔駛駛咁多錢，但成日就唔到其他人嚟嚟去去都係果幾個好似無理另一班住得遠嘅感受，兼嗄嗄來回三個幾鐘入嚟食餐飯！