在職全職 今日: 1 | 主題: 48019

積分: 1481

1^#

發表於 05-10-5 10:58 |只看該作者

放左工仲要接返個小朋友返屋企, 辛苦嗎?

我是一個在職媽媽, 我囝囝2歲在我媽家照顧著, 但我和家人關係不好, 家人時常說我兒子難湊, 很辛苦, 我想返了工湊回囝囝返家, 但我想時間很難分配到,..
想法 : 一放工湊回囝囝返家, 在家煮飯吃, 不過不知何時才食得, 做家務時間不知怎樣分配, 食完飯又需要親子時間, 溫習功課, 安排訓覺, 第二日早上送囝囝返學之後返工~~
(還有沒有和老公相處溝通時間呢?)
有沒有媽媽有此經驗, 可以分享下嗎?

私人傳訊

老虎狗太太

積分: 4070

2^#

發表於 05-10-5 11:43 |只看該作者

Re: 放左工仲要接返個小朋友返屋企, 辛苦嗎?

CF,
你每日由那處接兒子往那處,如果太遠的話對於小朋友來說實在太辛苦了

私人傳訊

該用戶已被刪除

3^#

發表於 05-10-5 13:02 |只看該作者

Re: 放左工仲要接返個小朋友返屋企, 辛苦嗎?

提示: 作者被禁止或刪除內容自動屏蔽

私人傳訊

kongkong

積分: 4231

畀面勳章

4^#

發表於 05-10-5 13:34 |只看該作者

Re: 放左工仲要接返個小朋友返屋企, 辛苦嗎?

CF
我由個囝8個月時己開始每天放工都湊他回家.
每天我番工前都要搭接近兩小時車才到達公司. 放工都係.
晚上我囝囝會食完飯(about 6:00pm)才跟我走. 我番到屋企樓下同老公一齊食飯.唔會煮飯了. 免得又要煮又要洗.
一星期會有兩天在我媽家及奶奶家食飯.
我囝而家未夠兩歲, 所以如果話遠我又唔太擔心, 因佢未番學. 可以響奶奶家訓多d. 如當你驚囝囝辛苦,會攰.要佢養成訓午覺既習慣. 我諗你囝囝都開始有工課, 始終自己跟番會好d.
至於家務, 我會響佢訓左覺及假期做. 如果你擔心應付唔到. 就請家務助理幫輕下.

私人傳訊

積分: 8901

好媽媽勳章醒目開學勳章畀面勳章

5^#

發表於 05-10-5 14:00 |只看該作者

Re: 放左工仲要接返個小朋友返屋企, 辛苦嗎?

好似你咁真係好辛苦喎

, 真係要搵人幫吓手喎, 可唔可以o係你媽咪度食完飯先帶bb走呀? 肯幫你揍bb点解食餐飯都唔得啫?

私人傳訊

積分: 1481

6^#

發表於 05-10-5 17:09 |只看該作者

Re: 放左工仲要接返個小朋友返屋企, 辛苦嗎?

其實個問題就係我囝囝食飯同埋訓覺身上, 我媽媽話我個囝難湊, 食飯郁身郁細, 晚上訓不好,....但我囝囝weekend返自己屋企又不是這樣, 乖乖吃飯, 訓覺都okay, 原因係我媽媽實在太錫佢地, 食飯時, 囝囝掛住玩, 佢都照餵, 小朋友其實知道邊個人"蝦"得, 我weekend帶囝囝返去, 佢知道我屋企要守規則, 所以多數都乖乖的, 我亦為左這件事同媽媽嘈過, 但都無用, 只會令大家關係愈來愈差, 佢地根本唔知道教育一個小朋友唔係剩係餵飽佢咁簡單~~

有時真係好唔開心, 自己又無能力不做事, 做一個全職媽媽, 一家三口支出好大, 唯有自己辛苦些,
以前同屋企人關係都唔錯, 現在, 為了囝囝, 大家教育方法都不同, 所以時常有沖突....我都好欣賞/佩服一些全職媽媽咁辛苦, 放了工又要返家煮飯湊仔~~~~
但自己無這樣經驗, 所以問問其他媽媽...

私人傳訊

CHILLI_MAMA

積分: 1060

7^#

發表於 05-10-5 17:51 |只看該作者

Re: 放左工仲要接返個小朋友返屋企, 辛苦嗎?

我個case同kongkong差唔多, 真係好辛苦的. 每朝6點起身, 擦牙洗面後就整早餐同老公食, 食完早餐就叫BB起身 (未夠兩歲), 同佢梳洗, 跟住出門口帶去我媽媽家 (地鐵車程20分鐘), 到達媽媽家才餵奶給BB. 跟著就自己返工, 每晚一到6點就立即返媽媽家煮飯, 食完飯就跟住老公洗碗我洗BB衫, 然後帶BB返家, 返到家裡自己立即去沖涼, 出黎後開奶餵BB, 然後幫佢梳洗倍佢訓覺, 等BB訓左覺就起身睇下有咩要做. 有就做, 冇就立即走上床訓覺. BB通常夜晚會醒幾次, 好的話就會立刻訓番, 唔好的就會好似尋晚, 2點幾起身唔肯再訓, 輾轉反側到成4點幾先肯訓. 又或者預上佢身體不適就要教定鐘兩個小時起身一次幫佢探熱. 有時日間老闆不在公司就扒起度小睡片刻, 最慘係多野做, 成日要睇住個鐘不可超時工作. 不過, 見到BB開心就會覺得值得架.

私人傳訊

積分: 1481

8^#

發表於 05-10-6 09:54 |只看該作者

Re: 放左工仲要接返個小朋友返屋企, 辛苦嗎?

CHILLI_MAMA :

你真的很辛苦呀~~
如果係我, 我一定頂唔住~~
我本身已經好廋, 得100磅, 如果我似係的生活一樣, 我相信我一定要看醫生, 本身我已經容易緊張, 一緊張就廋, ..
不過我想...到囝囝3歲, 讀k1, 我會湊回他~~希望我可以做得到~~

私人傳訊

積分: 8901

好媽媽勳章醒目開學勳章畀面勳章

9^#

發表於 05-10-6 14:10 |只看該作者

Re: 放左工仲要接返個小朋友返屋企, 辛苦嗎?

本來覺得自己已經好辛苦, 但原來咁多人辛苦過我好多好多呀, 唉!母愛真偉大呀.
我囝仔差唔多4歲, 佢出世時我地都係同奶奶一齊住, 但因覺得地方唔夠, 所以決定組織我地o既一家三口小家庭, 咁以後我返工就湊過奶奶度, 放工返奶奶度食埋飯, 咁我洗埋碗(有時唔洗, 奶奶話太夜叫我早d走), 咁就同老公湊埋囝仔返屋企, 行10分鍾左右啦. 其實囝仔bb時我都驚佢太辛苦, 因為朝早佢未醒又要叫醒佢, 由其係凍天, 又驚凍親佢, 有時真係諗過佢同奶奶一齊住啦, 等佢大d先湊佢啦, 但又唔捨得喎, 就算到依家, 佢喺奶奶度訓我都唔捨得ga, 兩公婆你眼望我眼好似唔知点咁, 所以我都好佩服有d爹o地媽咪weekend先湊番個仔, 比我就唔制woo :tongue:

私人傳訊

Tungmimi

子爵府

積分: 10877

10^#

發表於 05-10-6 14:36 |只看該作者

Re: 放左工仲要接返個小朋友返屋企, 辛苦嗎?

CF,

我之前都好似妳咁，將囡囡放係我99樹湊，不過我地每日放工都過去睇佢，直至到佢10個月大，我地搬左近99家，之後就每晚放工湊返屋企囉。坦白講，反而咁仲無咁辛苦。

早期我囡囡都會係99樹食埋夜晚餐粥先湊佢返屋企，不過近呢個幾月，多數都係湊佢返自己樹先餵佢食囉，一來想多d 時間同佢一齊，二來我99佢地餵食時間太長囉(45mins - 1hr)。

可能我比較好彩啦，係一般o既情況下，我同老公都會分工合作o既，而我地好多時都係自己屋企煮飯食，仲唔會太夜食飯，我地多數煮好簡單o既

私人傳訊

積分: 1481

11^#

發表於 05-10-6 16:24 |只看該作者

Re: 放左工仲要接返個小朋友返屋企, 辛苦嗎?

各位媽咪 :

其實香港真係好多女人要出黎做野, 生左小朋友需要搵人幫手湊, 見到你們這樣, 我都知道辛苦都是值得的, 自己和小朋友感情都會好好多, 現在我囝囝2歲, 已經知道好多事,..
Tungmimi ...你的小朋友幾多歲呀? 不需要返學嗎?
我見到你講的情況真係好辛苦, 不過我知道只要和自己小朋友一起, 一切都是值得的~

私人傳訊

積分: 8901

好媽媽勳章醒目開學勳章畀面勳章

12^#

發表於 05-10-6 17:18 |只看該作者

Re: 放左工仲要接返個小朋友返屋企, 辛苦嗎?

CF 寫道:
...................只要和自己小朋友一起, 一切都是值得的~

agree

私人傳訊

Tungmimi

子爵府

積分: 10877

13^#

發表於 05-10-6 22:05 |只看該作者

Re: 放左工仲要接返個小朋友返屋企, 辛苦嗎?

CF

我囡囡剛剛歲半囉，打算出年俾佢返幼兒園 :mrgreen:
其實我都唔覺得辛苦，相反我真係好enjoy 宜家o既生活，何況係我自己決定架嘛.....right?

最緊要係可以同老公/囡囡一家人開開心心過生活。

妳都要努力d 呀

無野係無可能o既

加油

私人傳訊

bryanssf

積分: 1060

14^#

發表於 05-10-7 23:05 |只看該作者

Re: 放左工仲要接返個小朋友返屋企, 辛苦嗎?

辛苦就一定有,但當你可以日日放工都見到囡囡時,聽下佢講野,同佢玩下,乜野辛苦都值得,我囡囡已經三歲幾,由出世到現在,都係我地兩公婆自己湊大,好少搵人幫手,所以囡囡好跟我地.
所以要努力,加油呀!

私人傳訊

叉燒媽咪

侯爵府

積分: 21093

好媽媽勳章

15^#

發表於 05-10-8 00:20 |只看該作者

Re: 放左工仲要接返個小朋友返屋企, 辛苦嗎?

叉燒仔自從兩個月大就番育嬰園，到依家三歲啦！雖然忙D，但都值得。我媽媽無辦法幫忙，奶奶就一齊住都唔肯湊！求人不如求己，而且老人家湊仔真係餵飽就算，實在不敢恭維

你click下面條link look下我地叉燒家族的timetable…

http://www.baby-kingdom.com/modules/newbb/viewtopic.php?topic_id=426481&forum=15&3

唔好咁易放棄！亦唔好畀上一輩look死我地唔得啊！

私人傳訊

叉燒媽咪

侯爵府

積分: 21093

好媽媽勳章

16^#

發表於 05-10-8 00:23 |只看該作者

Re: 放左工仲要接返個小朋友返屋企, 辛苦嗎?

BOSKERMA 寫道:
本來覺得自己已經好辛苦, 但原來咁多人辛苦過我好多好多呀, 唉!母愛真偉大呀.
我囝仔差唔多4歲, 佢出世時我地都係同奶奶一齊住, 但因覺得地方唔夠, 所以決定組織我地o既一家三口小家庭, 咁以後我返工就湊過奶奶度, 放工返奶奶度食埋飯, 咁我洗埋碗(有時唔洗, 奶奶話太夜叫我早d走), 咁就同老公湊埋囝仔返屋企, 行10分鍾左右啦. 其實囝仔bb時我都驚佢太辛苦, 因為朝早佢未醒又要叫醒佢, 由其係凍天, 又驚凍親佢, 有時真係諗過佢同奶奶一齊住啦, 等佢大d先湊佢啦, 但又唔捨得喎, 就算到依家, 佢喺奶奶度訓我都唔捨得ga, 兩公婆你眼望我眼好似唔知点咁, 所以我都好佩服有d爹o地媽咪weekend先湊番個仔, 比我就唔制woo :tongue:

你就好啦，有個咁好的奶奶

私人傳訊

jennyC

積分: 3242

17^#

發表於 05-10-8 10:30 |只看該作者

Re: 放左工仲要接返個小朋友返屋企, 辛苦嗎?

看到你o地Post，有感而發添!
我都是一個在職媽咪，當初陀BB時，我媽媽，奶奶各有工作所以無人想揍BB，所以我請了個近我屋企o既本地保母，揍BBo羅，其實都唔錯起碼自己有什麼意見可直接講，如比媽媽或奶奶就始終有點避忌，我每日朝朝７點起身，跟住餵奶，梳洗，８點出門口，約保母係樓下等（落雨例外），交BB比保母，自己跟住搭巴士返工，放工就大約７點揍返BB（BB會係保母食完晚飯先走），返屋途中會經過公園，咪同BB玩一陣(順便等埋剛放工老公一齊返屋企)，跟住同老公係附近食下飯，返到屋企成8點幾，沖下涼，做下家務，差不多10點咪同BB睇下書跟住食奶瞓覺，至於屋企D家務我都是放假先大攪。

私人傳訊

積分: 8901

好媽媽勳章醒目開學勳章畀面勳章

18^#

發表於 05-10-8 11:54 |只看該作者

Re: 放左工仲要接返個小朋友返屋企, 辛苦嗎?

叉燒媽咪寫道:
[quote]
BOSKERMA 寫道:
.............. 所以我都好佩服有d爹o地媽咪weekend先湊番個仔, 比我就唔制woo :tongue:

你就好啦，有個咁好的奶奶[/quote] :[size=small]係呀, 有時我都覺得我奶奶算係咁, 佢50幾歲咋, 20歲就生我老公la, 可能係咁所以関係幾好

私人傳訊

積分: 1481

19^#

發表於 05-10-8 12:16 |只看該作者

Re: 放左工仲要接返個小朋友返屋企, 辛苦嗎?

而家既在職媽媽, 有苦自己知, 子女放係父母家湊, 又要睇屋企人面色, 有時大家教法方針又唔同, 我份人又性急, 見到d唔岩既事又成日同我屋企人吵架, 攪到d關係又差, 雖然囝囝係婆婆到湊, 但佢好痴我, 我好開心架, 好珍惜同佢既時間, 人地睇落黎, 話我將個仔放係婆婆到湊, 我就好似好爽咁, 但其實, 日日放了工來來回回咁睇個囝, 返到屋企(已經10點幾)又要做家務, weekend又湊囝返屋企family day, 仲辛苦呀, 同老公講多句既時間都無, 見到你們咁辛苦/開心, 我完全明白呢個道理啦, 多謝你們比勇氣我, 我會努力~~真係多謝~~

私人傳訊

CHILLI_MAMA