自由講場 今日: 1161 | 主題: 1359910

積分: 4192

1^#

發表於 05-11-15 18:33 |只看該作者

創業一問

本人夢想開一間童裝店,但是無從入手,又不知最少要有幾多資金在手才足夠,滿腦子都是問號,請問你們可以指教一下,我應該如何入手呢?唔該教下我啦!!

私人傳訊

積分: 10555

2^#

發表於 05-11-15 18:53 |只看該作者

Re: 創業一問

資金好睇你開舖地點的啊,,,,,
如果開新商場會難做好多,因為兩個月按金一個月上期就至少嘞,再一個月佣金....,再計係差响(約租金的5%)管理費冷氣(以尺數去計),呢幾項收費除左每月收外,都一樣要俾按金!
另外新商場會有較多規則去跟!!
其實先考慮地點,再考慮人流(唔好諗住人流多貴租都無所謂,事實好多地方都係旺丁唔旺財的),再諗入貨地點,貨品mark價(客人可以接受之餘,你亦可以圍到皮)......
至於開頭入貨,除非真係有人教你,如果唔係唔好太貪,寧願做番local野先,因為貨量可以入少d,相對貨錢可以少d唔洗大大筆錢拎出嚟入貨!
希望可以幫到你,,,,,,

私人傳訊

積分: 4192

3^#

發表於 05-11-15 19:51 |只看該作者

Re: 創業一問

cameo:

唔該你! 聽落真係要用好多錢渦! 樣樣都係錢, 由其係租金, 而家一個幾廿尺的商場舖大約要多少租金呢? 十萬元夠創業嗎?

私人傳訊

積分: 10555

4^#

發表於 05-11-15 20:06 |只看該作者

Re: 創業一問

其實你打算開邊一區???人流多o既旺區?油尖旺,銅鑼灣呢一類????
因我自己對童裝唔熟悉,都唔知開邊區好d啊!
但如果賣時裝計,而家吹得勁d的兩個新商場係銅鑼灣銅鑼坊&尖咀廣東80,但老實講,兩個場都係,,,,,,,
若以尖咀計,開頭吹到幾勁,要有計劃書俾老闆過目先可以批俾你租喎,,,,但係呢,攪咁耐而家都好似未開得成,但租金當係好勁,一個面積話100尺係建築面積,你預實用面積係除2再少幾尺了,但都要二萬(唔係最靚位置了),頭一年半價租,第二年原價租金計.,管理計建築面積尺價,每尺$10,差响每月交租金的5%,.....老實講,我睇過了,原本支票都開埋,但都係縮沙了,好難維持的,,,,,太貴租了.....我睇過我適合而又俾得起的舖頭,開頭都要成10萬有多,但只係約50尺or以下咋!
其實你想賣童裝,但唔會考慮一d新o既屋苑商場,因為好多新樓都係較年輕的小家庭,收入未必係好高,但對小朋友消費能力方面應該唔差得去邊嘛....
至於貨源你自己有心水嗎?呢點都好重要o架!!

私人傳訊

該用戶已被刪除

5^#

發表於 05-11-15 20:28 |只看該作者

Re: 創業一問

提示: 作者被禁止或刪除內容自動屏蔽

私人傳訊

積分: 4192

6^#

發表於 05-11-15 20:31 |只看該作者

Re: 創業一問

cameo:

尖咀/銅鑼灣實在不合開童裝了,太太太貴, 我本身住新界, 都希望在屋企附近開舖, 入貨方面, 我只知深水埗有童裝批發

你經驗好豐富呀, 在那區開業, 是經營什麼, 可否講多些你的經驗比我知呀! 你用了多少資金創業呀?

私人傳訊

積分: 4192

7^#

發表於 05-11-15 20:50 |只看該作者

Re: 創業一問

princessjennifer :

恭喜你開舖頭呀! (我都唔知等幾耐先夢想成真)

你用了幾多資金呀! 我一直唔知究竟要揸住幾多先有資格開一間舖

至於你同事個家姐賣童裝批發, 價錢ok渦! 話晒日本貨, 在那裡可入貨呀?

私人傳訊

積分: 10555

8^#

發表於 05-11-15 21:01 |只看該作者

Re: 創業一問

celia2,
我自己本身在銅鑼灣區賣女裝,你得閒都可以去荔枝角香工行吓,睇吓貨先....做多少少預備工夫一定得益係自己的啊!
其實你自己住開新界區都有優勢o架,因間中同批發傾閒偈,老實講,有時做元朗or屯門生意好過市區添,因為競爭少左d,出面市區租金好貴外,最慘係薄利多銷,呢個方式並唔係人人都合用的啊,人地貨源一定平得多,因為貨量好大嘛,加上特別旺角一帶咪以為好多商舖,實際可以做得咁平而又維持到,係人地有多間商舖在手,人地絕對有本錢做爛市的!
其實童裝也好,女裝也好,平有平賣,貴有貴賣,老實講,我開舖初係賣較平價的貨,但你知local貨嚟嚟去去都係那些地方批發,你唔夠人地玩得咁平的,好似一間叫"in & out"的舖頭,人地女裝童裝都有賣,人地真係可以開間大街舖,但每件衫只係一倍利潤,若同佢撞貨,件貨即變死貨了..所以後期轉賣貴一d的貨,但利潤個百份率其實唔太高!叫做維得住~
至於好多人會諗返大陸or自己做貨,我自己暫時唔會嘞,其一返得大陸唔會入貨少得去邊,但自己眼光可以肯定入啱貨嗎?今次入錯一個款,壓住d貨都要時間去清,但壓多幾款你會流動資金影響埋你補貨........貨即係錢啊!!
若自己做貨,其實你鍾意做幾多件都可以,但做貨要維皮最難係你做一批貨你一係做晒人地成卷布,否則係lose左布錢,因散布計係貴好多,,,但一吓子做個量大呢,又係同返大陸同一個道理了.....
做local貨其實有一個好大好處,就係你可以攞貨量少,入幾件好賣的再去補,咁壓貨機會少左好多!
其實你住新界區,你不妨多留意屋苑商場人流,唔一定人流好多先好,最好係你賣童裝就留意一吓逛商場的人係咩人多!若係d公公婆婆拖住個孫呢一類,咁就死火了...hahaha

私人傳訊

積分: 4192

9^#

發表於 05-11-15 21:19 |只看該作者

Re: 創業一問

你地係咪自己一手一腳做起, 有無同人合資?

私人傳訊

積分: 10555

10^#

發表於 05-11-15 22:26 |只看該作者

Re: 創業一問

自己開呀,,,,若同人夾唔係唔好,但一定要搵個合適的啊!

私人傳訊

該用戶已被刪除

11^#

發表於 05-11-17 09:40 |只看該作者

Re: 創業一問

提示: 作者被禁止或刪除內容自動屏蔽

私人傳訊

oma

洋房

積分: 123

12^#

發表於 05-11-17 10:03 |只看該作者

Re: 創業一問

祝你都快d開業成功啦 x 2

私人傳訊

stonesky

積分: 2443

13^#

發表於 05-11-17 10:12 |只看該作者

Re: 創業一問

hi, 各位

我都是想自己創業,不過沒有打算賣時裝,想賣服裝的飾品或類似部屋的貨品,但不知從何入到一些特別貨,見巿場亦好似好飽和,而大家賣的貨亦大同小異,自己亦都打算過日本

私人傳訊

bbpig138