夫婦情感 今日: 1 | 主題: 42776

積分: 203

1^#

發表於 12-5-13 20:43 |只看該作者 |倒序瀏覽 |打印

好炆呀好炆呀！好想發脾氣鬧佢呀！但又唔發得！
我就嚟激死喇！

早兩日我考試唔得閒接個囡放學，
我已經開考前再打俾佢千叮萬囑提佢，
叫佢喺樓下接佢啫，
點知考完開返電話，保姆姨姨留言，
我未聽都心知不妙，
原來佢真係瞓著咗無去到接，
搞到個囡遊車河俾人送返學校，要親自去學校接返。
唉，都算喇。

今日學校母親節活動，個囡上台拎奬，
佢之前應承一齊去，
點知今朝又話唔去，瞓屋企瞓覺！
我唔係話一定要你一齊去個喎，但唔想去你就唔好應承喇！
真係火都嚟！
又唔想同佢爆大鑊，好炆呀！

0 0 0

私人傳訊

hunny_master

珍珠宮

積分: 31510

畀面勳章

2^#

發表於 12-5-13 21:32 |只看該作者

回覆：好炆呀！！俾c6激死喇！

男人為咗瞓教真係可以不顧後果架，我老公都係咁架，搞到好多時都好激氣，我諗我都要學吓睇開啲喇

私人傳訊

cotychan

積分: 18748

畀面勳章環保接龍勳章

3^#

發表於 12-5-13 22:01 |只看該作者

佢返夜晚既?點解日頭同中午會瞓覺都唔駛返工?

個女上台領獎都唔去,我一定會發火囉.

私人傳訊

coyi_lam

禁止訪問

積分: 8776

畀面勳章

4^#

發表於 12-5-13 22:19 |只看該作者

好炆呀！！俾c6激死喇！

提示: 作者被禁止或刪除內容自動屏蔽

私人傳訊

積分: 203

5^#

發表於 12-5-13 22:24 |只看該作者

佢做自己工作，好自由，但佢成日鍾意夜晚先做嘢囉…

其實如果佢之前唔應承我我就唔會火嘅，
我太清楚呢個人，佢唔想做嘅嘢無人逼到佢做，
我都習慣咗唔要求佢陪我哋去邊，唔洗激親自己。

佢話佢工作忙嘛，唔做嘢鬼有錢養我哋？
Fine, 我自己帶住個囡同我屋企人去玩我都好開心，我都無怪佢，
上次個囡學校有表演我都叫我家姐陪我去算數，仲開心，

但今次我問佢去唔去果時，佢一口應承話「好吖」
咁我先預你咗喎，唔係我都叫我家姐囉，
點解男人可以咁無口齒嘅？火都嚟！

我諗我要再降低啲對佢嘅期望，
下次佢應承咗都預佢唔去先，唔洗失望唔洗激氣唔好影響感情，
如果佢真係去我就大大啖錫佢「老公真係抵錫」

私人傳訊

cotychan

積分: 18748

畀面勳章環保接龍勳章

6^#

發表於 12-5-13 22:41 |只看該作者

其實我老公都係咁黑人憎!!

佢可以約咗佢亞媽返佢嗰邊屋企食飯,我由4點幾開始叫到5點幾6點都唔起身,最後我發火問佢去唔去,佢仲可以話佢唔去!!幾次都係咁,等我自己帶兩個仔去,99又問我佢個仔係唔係瞓梗覺....好在佢亞媽知佢份人係咁,否則次次要我去解釋!

私人傳訊

LAMLAMLEI

男爵府

積分: 6921

BB防敏心得分享勳章

7^#

發表於 12-5-13 22:50 |只看該作者

回覆：好炆呀！！俾c6激死喇！

D男人就系咁！做嘢一D都唔上心！

私人傳訊

tc001039

公爵府

積分: 25507

陪月勳章畀面勳章

8^#

發表於 12-5-13 23:03 |只看該作者

回覆：好炆呀！！俾c6激死喇！

比我都會好炆

私人傳訊

積分: 203

9^#

發表於 12-5-13 23:03 |只看該作者

幾次我都想大大聲發佢脾氣
「c6!有無搞錯呀你！叫你做少少嘢都做唔到！你係咪男人嚟架！」
然後大巴車埋去

但現實我只可以喺心入面鬧…
要壓抑心中怒火，仲要話
「唔緊要喇，個囡安全接返就得喇」
「咁我同個囡自己去喇，你瞓住等我哋返嚟喇~洗唔洗幫你開冷氣？」

以前會好嬲咁同奶奶呻，但佢只會話「個老公係你自己揀個喎」
鬼唔知咩，呻吓啫…
如果喊晒咁同佢呻，佢又話會好擔心我哋，擔心到瞓唔到…

唉~喺度呻好過

私人傳訊

yuyipi3824

大宅

積分: 3695

10^#

發表於 12-5-13 23:08 |只看該作者

我都唔明啲男人點解咁中意訓覺嘅，要開工又訓，唔洗開工又訓，唉。不過嗰心有咩唔高興，最緊要講出嚟畀你C6知道，唔好自己一個炆

私人傳訊

積分: 203

11^#

發表於 12-5-13 23:18 |只看該作者

回覆 cotychan 的帖子

唉…點解大家嘅c6都係咁…你都好啲，可以發佢火，
我老公唔可以架，以前結婚初期我控制唔到會發佢脾氣，
但呢招喺我c6身上無用，只會俾佢鬧返轉頭，
所以我只可以搵第二日趁佢瞓夠心情靚先同佢講返…
不過佢通常都唔覺得自己有問題，只係女人小題大做…

私人傳訊

ckfleung

積分: 190

12^#

發表於 12-5-13 23:43 |只看該作者

唉!我都係俾個c6激到彈起。好多時都係安慰自己，將對佢嘅期望降到最低，但我發覺咁會令感情變得更淡T

私人傳訊

積分: 203

13^#

發表於 12-5-14 01:01 |只看該作者

我對佢降低要求，就係為咗唔想對佢心淡，
因為我好希望同佢白頭到老，
我以前成日會要求佢咁咁咁，認為做人老公做人爸爸咁做好應份啫，
佢做唔到或者唔想做嘅時候就會好嬲吵大鑊好想離婚…
真係好唔開心…

依家降低要求，只係唔想自己為咗（喺佢眼中係）小事而憎恨佢，
我叫自己忟完過後當無事主動攬返老公同老公sweet返算，
唉，男人同女人嘅觀點真係好唔同，
嘗試喺佢立場諗又真係會令自己開懷啲無咁執著，
既然改變唔到佢，就改變自己睇法囉，令自己同佢都開心啲。

我今日忟咗3個鐘，呻完依家無事，
希望c6唔好咁快又做啲激忟我嘅事

私人傳訊

藍藍

積分: 15377

14^#

發表於 12-5-14 02:52 |只看該作者

candy1984 發表於 12-5-14 01:01
我對佢降低要求，就係為咗唔想對佢心淡，
因為我好希望同佢白頭到老，
我以前成日會要求佢咁咁咁，認為做人 ...

我以前一直都好似你講咁諗架,不過你會慢慢發覺無用用...

大b駿逸

細b駿晞

私人傳訊

cocochoo

大宅

積分: 3913

15^#

發表於 12-5-14 03:01 |只看該作者

我都覺得呢d行為超乞人憎, 根本唔當承諾係一回事

私人傳訊

積分: 203

16^#

發表於 12-5-14 03:15 |只看該作者

回覆藍藍的帖子

咁請問可以點做…我自問真係好辦法改變到佢…
但我又一定唔會離開佢，只少呢一刻唔想
因為其實佢都有其他優點嘅，不至於一無是處…

私人傳訊

藍藍

積分: 15377

17^#

發表於 12-5-14 04:05 |只看該作者

本帖最後由藍藍於 12-5-14 05:31 編輯

回覆 candy1984 的帖子

同我c6一樣,如果你話佢係差到貼地又唔係,但就一定唔係好果隻囉~對依種人,你真係唔好諗住改變到佢,因為佢地覺得自己無問題....我c6平日都係放工返黎就打機打到訓(食飯都係對住電腦枱多),除左佢真係病到死先會對少d部腦,不過佢有病我仲慘,因為佢實會由王子變黃帝咁要你服侍佢

我病都好都會由得我做家務,最多佢會叫下d仔唔好成日嘈住我就算,佢放假就一定係訓到死果隻,但就會一早叫你起身去揍仔(如果你唔應佢,佢就會大大聲"喝"你,話你掛住訓唔睇仔,而佢就繼續訓

,訓醒就第1時間開電腦打機,如果你無留飯or無買野比佢食,佢就會唔食...所以我真係唔放心比d仔留比佢睇(有時一次半次要佢早起身睇仔都ok既,不過你唔好諗住佢會一直咁做囉)明明大家都有返工做野,但佢放工返黎就唔會點理你,自己打機..而我就要煮飯,洗衫曬衫~剛才佢先又再提起話自己唔返工做家庭主夫,我答佢"一早都講過,你唔做野唔係問題,但最大既問題係如果我放左工返黎都仲要做晒屋企d野就pk喇,咁洗乜你做家庭主夫"佢就答我"我睇d仔都好好架,我係道睇佢地時佢地好有規律"
我話"係呀,咪就係剩係得規律囉(d仔驚佢,佢叫d仔訓午睡無人敢話唔訓)但d仔餓死無野食囉,如果你真係ok既話,咁我就叫老豆唔再買野上黎比你地食/帶走d仔"(因為咁多年黎c6放親假就訓到好晏,一係就叫我同d仔出街/過老豆屋企唔好嘈住佢訓,我已經習慣左佢係唔點理屋企同d仔既野,所以依家如果我唔係道,我老豆就會幫我揍晒d仔返佢屋企,比飯佢地食同睇到我c6起身/我返黎為止,好多時我c6話自己睇仔都好,果日一定係我老豆買埋飯上黎比佢地食,唔洗c6出錢佢都仲會有說話比你聽,佢叫我話老豆,唔好成日買燒味飯比佢地食,因為無益同埋佢唔想食,但我老豆本身都無乜錢,而且又唔知大爺想食乜,你同佢講話食燒肉雞,我老豆就會次次都係買返依個飯比你就算)
我c6就話"我都可以煮比佢地食.."
我話"你最多咪只係煮通粉,你識煮飯咩??"(7年喇,我c6入廚一定唔超過十次,而且佢係唔識煮飯,平時連煮公仔麵/飲啖水都係叫我做)唔通要d仔餐餐通粉呀.....(加上c6係唔like食公仔麵/烏冬果d架,平時夜晚我唔煮飯比佢食,我話煮依d,佢都比面口你睇,一係就話"下"食依d,我都唔鍾意食既,唉!!是旦喇..)
c6就話"乜你依家好多野做咩!!!"
我答佢"我一返黎就趕住煮飯,仲要幫2個仔沖涼(大仔識自己沖)
c6話"有時我都會同佢地沖架(廿次都有半次係佢出手既,仲要多數都係我叫到佢幫手佢先會係咁2做下囉~不過佢真係只幫佢地沖涼,但永遠唔會幫佢地拎埋衫呢,次次沖完都大聲叫我話d仔沖完要出黎,要我幫佢地攪d衫,我果時多數都係煮緊飯,成日都要由廚房飛出黎拎衫比d仔,咁你話佢有幫手同無幫手有咩分別??)
我就答佢"係呀,你係有幫d仔沖涼,但我就好似依家咁仲要去洗碗同洗衫曬衫呢(因此c6平時慣左唔咁早食飯或放夜晚9點半or11點幾,所以佢要等到凌晨1點左右先食晚飯,除非果日佢好肚餓就會叫你早d食,我就日日都要等埋佢食完飯先去執晒d野去洗碗(佢又食得慢,食親飯都食足1個鐘)攪到我次次洗得碗都半夜2點幾-3點,如果你同佢呻依d野,佢就最叻叫我唔好咁夜洗囉,聽日先做囉,衫聽朝先曬囉~但佢又唔係自動自覺幫你去洗,我唔like d碗留過夜,而且如果我唔洗,到我老豆上黎時見到會洗晒佢,我真係唔想我老豆要做工人咁服侍埋我地,所以好多野我都一定做埋晒先去訓,雖然我係夜鬼,但由於同佢既生活習慣,所以我依家慣左差唔多天光先訓,7點幾起身攪d仔出門口返學,跟住我再訓到9點-10點幾起身,我一定訓得少過佢)
我對c6真係越黎越無要求,但真係會心淡...依家我唔會再為佢唔幫我手而同佢嘈,我每日都會自動做晒d野算,什少去叫佢幫手,因為舊時試得多,叫多佢2叫幫手佢都會話我,最後攪到大家都唔開心...好似d仔既野,佢都唔會知(例如每日要同阿仔檢查書包,大仔要每日簽手冊,又要睇下佢水樽仲有無水,餐具洗左未,有無回條要簽,幾時係家長日,幾時要考試...老2每日都要洗定乾淨既毛巾仔比佢返學,d仔逢星期幾要著咩校服...依d野,佢全部都唔知亦唔會跟手做...我真係已經習慣左個c6係咁,但有時見到人地果d老公好好,好細心...我個心都會諗,點解我果個唔係咁,我唔係要佢好似我咁做工人,但都唔好,好似老馮咁乜都要我做,我只希望佢自己既野自己跟返手(飲水/沖野飲,沖完涼要拎/著內衣褲,飲完野唔即刻洗杯又唔浸杯,到第2日要飲水無杯用就叫我去洗,總之乜都係叫我)我真係覺得好煩好辛苦,我都係人黎架,都會攰..但佢就成日都話自己份工點辛苦(佢做馬會投注站),但就講到我好似唔洗做咁....有時我真係有d懷念ex,起碼我ex從來唔會勞役我,家頭細務佢都會自動自覺做晒,平時佢放工返黎仲會煮埋飯比我食,而且佢仲會係平時買下野/帶我去我like既地方食野(會比驚喜我),大時大節禮物/花一定有......仲要果時我無做野都好,ex都唔會鬧我,佢係養埋我架,佢唔食煙都會買比我,突然我想食d乜一講出黎,就算係半夜佢都會即刻出去買返黎比我,好可惜佢只係唔想結婚生仔,佢話覺得生仔養仔好大壓力,就算結左婚都一定唔生,而我果時仲年青(22左右)我覺得結婚生仔係我既夢想,如果佢唔肯就算..我會再搵過個同我諗法一至既人囉..所以我同佢分左手(同居左4年半),無耐我就同我c6一齊,初初c6都算係正常(可能仲係對我有新鮮感)所以果時佢對我唔係咁差,佢都會幫下手手做家務,但脾氣佢就一直都係咁差,一有野唔順佢意/佢覺得你煩,就會大大聲話你...到大仔出世後,佢直情係原形畢露(佢直情好似連基本野都唔會/懶做)我又怕同佢嘈會嚇親個仔,所以我乜都忍忍忍,自己做左就算..而佢就越黎越過份,乜都點我去做...佢心情好就比粒糖你,心情差你連屎都無得食!!!!佢叻就叻在把口"浪"過油,講野好聽到連樹上雀仔都氹到落黎,不過激你果時,你直情想攞刀殺左佢!!!!我就係果種婚姻既死硬派,結左婚就算唔好受都想一生一世,但依家發覺自己咁諗真係好on 9(上年佢有小三,佢同我講佢唔應同婚姻係一生一世,如果唔愛就要離開)講真,如果依d說話係係婚前同我咁講,我一定一定唔會嫁佢,結婚前佢同我講,佢好想組織一頭家,生兒育女,會好好愛護我,我先比佢氹到上賊船!!!但婚後到依家,佢都仲久唔久講話係我昆佢結婚,綁住左佢!!!!!我真係想x佢,依家邊個昆邊個呀???我同佢講過唔like佢咁講,佢就話係講笑..但之後無耐又會再講,近排又成日同我講,出面有好多女人鍾意佢,佢自己有幾好等等...又話老婆可以有好多個,雖然我知佢係講笑,但我真係唔like聽到依d囉(令我諗返起小三事件)

早2日睇左張帖超準"

天秤座人人都羨慕你好幸福！
和天秤座的男人結婚，如人飲水冷暖自知，他們擅長做形象工程，會把自己弄成一個愛家顧家的好老公，不過嘛，鞋子舒不舒服，只有腳知道，你得會經營，要搞清楚他的脾氣，順著他的毛摸，你們才能相處得很和諧；否則，你們的婚姻生活未必像看起來那麼幸福，但是在外面別人依然覺得你嫁了個完美老公，好幸福啊！

我覺得係咁囉~唔知既人咪以為我地好好,佢係好老公囉~我覺得我依家所發生既一切係報應,鬼叫舊時執到個好既當草咩~可能我前世真係欠左c6,我依家只望一次過還清比佢,下世都唔好比我再遇到佢就得喇

大b駿逸

細b駿晞

私人傳訊

cotychan